المشاركة في احسن بلاطو حلوة العيد

السلام عليكم ورحمة ط§ظ„ظ„ظ‡ وعيد مبارك سعيد وتقبل ط§ظ„ظ„ظ‡ من الجميع الاعمال الصالحة

على بركة ط§ظ„ظ„ظ‡

المقادير —
250 غرام زبدة — كاس سكر- نقصت الحلاوة لان التزيين فيه نستلي حلو وشكلاط حلو —
قبيصة الملح — 3 بيضات –جوج معالق كبار حليب غبرة — 3 معالق مايزينة — راس معيلقة خميرة
الدقيق حسب الخليط — العجين يكون لين ورطب
نسرحو العجين ونقطعوه دوائر النصف مثقوب والنصف عادي والصور تتوضح كلشي
منين طابو تنديرو وجه الدوائر المثقوبة فنستلي مطايبش ونخلوهم ينشفو – للامانة انا منشفوش ليا مزياان ربما لانني صايبت نستلي فالدار وصلتو لمرحلة نستلي عادي ماشي كرميلي ورغم ذلك جا صابلي غزال شكلا ومذاقا وباقي المراحل موضحاها الصور واي سؤال مرحبا بيه — نلصقو الدوائر بالقليل من الكنفتير ونمرمدوالجوانب بالكوك محمر او اللوز حسب الموجود ونحافظو على سطح الحلوة باش ميعمرش بالكوك ونعمرو الثقب بالشكلاط نوتيلا
بالسبة للتقديم — حتى نبغو نقدموه عاد نزينوه بداك عويدات الباسطا – كوفريت – لانو دغيا تيبرد ومتيبقاش مقرمش
وممكن نكتفو غير بالشكلاط تيجي المنظر زوين ومداق بنين

بالنسبة لهاد الصابلي معمر تنحتاجو تقريبا نفس المقادير غير فبلاصة حليب غبرة نسمت هاد صابلي بمسحوق كريم كراميل وضفت واحد ربع كاس زيت والصور موضحة كلشي

بالنسبة للحشو — ممكن تستعملي اي حشو عندك
بالنسبة ليا — استعملت كوكاو مقلي ومطحون + شاط ليا الكوك محمر كذلك شاط ليا شوية اللوز مقلي ومطحون ودرت ليهم واحد جوج معالق كبار نستلي وبقى ليا ناشف زدت عجين التمر كان عندي — سرحت الخليط بين جوج ورق الفرن وقطعت بنفس المرشم لي قطعت بيه العجين — ولصقتهم بالقليل من الكنفتير وزينت وجه الحلوى بالسكر كلاصي ووريدات من عجين السكر

بالنسبة لهاد الشكل ممممممممممممممممممممممممم كلشي عجبو ههههه
250 غرام زبدة — كاس سكر — جوج صفار بيض وبيضة كاملة
نصف كاس زيت — ساشي فلان شكلاط — جوج معالق كاكاو غير محلى
واحد كاس ديال بسكوي مطحون ومغربل — 3 معالق مايزينة
القليل جدا من الخميرة — الدقيق حسب الخليط ومنكتروش الدقيق باش تجي هشيشة
للتزيين — شكلاط اسود نوعية جيدة وشوية من الشكلاط الابيض
كالعادة نجمعو المقادير لتشكيل عجين لين — نسرحوه ويكون السمك شوية غليظ
درت منو جوج اشكال — مربع مثقوب من الوسط ودوائر — منين يطيبو نغطسوهم فالشكلاط دايب وبالنسبة للدوائر درت تزيين بشكل الرخامة والصور تتوضح كلشي

بالنسبة لهاد الشكل — مقادير صابلي عادي الاضافة لي درت — انني نسمت العجين بكاس كوك محمر ومطحون تيعطيه مذاق هائل
قطعتو شكل مربع ولصقتهم بنستلي كرميل ودهنت وجه الحلوى بنستلي ودردرت عليهم اللوز مقلي ومهرمش
النصف خليتو هكدا والنصف الاخر زدت زينتو بخطوط الشكلاط ابيض واسود

بالنسبة لهاد الشكل — ط­ظ„ظˆط© ديال التمر الغنية عن التعريف وكان سبق لي حطيتها فموضوع مستقل – غيرت فقط الشكل ودرت منها هاد جوج اشكال — شكل زينتو بالبيسطاش والاخر بالسكر كلاصي

اما الاشكال الاخرى فهي كذلك معروفة — فقاص – غريبة والكعب
وهدو هما الشكيلات لي درت نتمنى يعجبوكم وينالو استحسانكم وتنشكر بزاااااااااااااف بنتي الحبيبة لي عوناتني سواء فاعداد الحلويات وفتنسيق ط§ظ„ظ…ظˆط¶ظˆط¹ – ط§ظ„ظ„ظ‡ ينجحها ويفرحها اللهم اميييييييين

hglahv;m td hpsk fgh’, pg,m hgud] gghsjth]m lu’g hggi hgl,q,u fdi f.ht pg,dhj pg,dhj hgud] ahv;j ugn tlshfrm tivs ih] ,fydj ,oh kp’, ;kj