السلام عليكم توحشتكووووووووم بزاف شحال هادي ما دخلت عواشركم مبروكة باشما تمنيتو ياربي و يرزق كل وحدة فيكم ما تمنات ف خاطرها لموهيم ندخل ف الموضوع انا يا الاخوات واحد قالي نجي لداركوم من اجل الرؤية الشرعية و الصراحة انا ما عمري تخطبت ف حياتي ولا جا شي حد دوا فيا نهائيا عندي دبا 20 عام قولو و هوا 33 سنة لموهيم الاسئلة ديالي كالتالي:
بالنسبة للرؤية الشرعية شنو خاصني ندير او نوجد واش غير يشوفني و نشوفو و نوض نتجعد ولا شنو ندير و كيفاش كيكون الاستقبال؟؟
ثانيا واش كتعتاقدو بلي الفرق ديال السن بيناتنا ايشكل مشكل ولا لا؟ او واش الفرق ف نظركم كبير ولالا؟؟؟؟
ثالثا انا ناوية نكمل الدراسة ان شاء الله و نخدم واش الا كان هاد الراجل مزيان نخلي العمل؟ بطبيعة الحال الدراسة منخليهاش وخا يكون اللي بغا يكون و لكن العمل؟؟؟ شنو بان ليكم؟
رابعا و اخيرا و سمحولي الا طولت عليكم انا من دبا كنقول مغيكونش قبول حيت انا اصلا ما فيا ميتشاف و الله اعلم؟ و الحمد لله نتوما شنو بان ليكم اصلا خفت نتسرع حيت عندي مشاكل صحية بزاف منها ما يتعلق بالبشرة و بالشعر و حوايج خرا واش هادا كيمثل عائق و سبب للنفور ولا عادي؟
و جزاكم الله الفردوس الاعلى لموهيم متبخلوش عليا وخا غير بالدعاء بظهر الغيب الله يرحم ليكم الوالدين و الله يسعد قلوبكم جميعا و السلام عليكم
hglo’,fhj , hgl.,[hj d]og, dtd],kd g;l hge,hf a;vh hgla,dhj hgfkhj
بالنسبه للرؤية الشرعية كوني على طبيعتك لبسي قفطان بلا حزام و لا كنتي مدايراش الحجاب صوبي شعرك
مادخلي تيعيطوليك واليديك سلمي على الناس و شي حد فعائلتك يتكلف يقول للعريس سيرو جلسو تهضرو
جلسي نتي وياه بقاي ساكتة وحادرة راسك تيهضرك وجاوبي على قد السؤال
من بعد سوليه تانتي -اشنو هدفك من الزواج- علاش انا بالضبط – واش كتصلي – واش عندك شي بليه ؟ – شنو الحاجات اللي كتبغي فالمراة – شنو الحوايج اللي مكتبغيش –
واخا يعجبك بينيليه باللي غادا تفكري و متسرعيش فالرد و اهم حاجه تيقي فراسك الجمال ماشي هو كلشي المهم هو الاخلاق و الشخصية المزيانة
والله يديرلك اللي فيها الخير اختي
اختي الله يكمل عليك بالخير
فرق السن مانظنش يكون مشكل لان المراه مهما كانت صغيره كتعرف تعامل مع اللي كبر منها
بالنسبه للقرايه و الخدمه شوفي انتي مع الزوج اتافقو عليها في الاول
بالنسبه للقبول او الرفض اختي نصيحه مني الا بقيتي كتحطي هاد الفكره في راسك تاكدي انك غادا تصدقيها ربي خلق كل انسان بزين ديالو يعني الا ماكانش جمال الشكل فجمال الروح اجمل و ابقى
و ان شاء الله يكون خير
بالنسبه للرؤيه الشرعيه اكيد غادي يكون معاكم شي حد مافيها باس الا تكلمتي معاه و بركتي و من الاحسن الشخص اللي غادي يكون معاكم هو اللي يطلبها منك قدامو
اما بالنسبه للبشره و الشعر راه في خلال شهر بكتيرو تعدلي اي حاجه ان شاء الله