اللي ولدها ولى بنتها عندها عامين الدخل

السلام عليكم ورحمة الله
كيفكم الأمهات لباس عليكم والكتاكيت كيكبروا شوية
بغيتكم الأمهات ط§ظ„ظ„ظٹ ط¹ظ†ط¯ظ‡ط§ ولد ولى بنت فسنهم ط¹ط§ظ…ظٹظ† تقولي أشناهية الطريقة باش كتعامل معهم و واش كتديوهم الحضانة بغينا نستافدو من بعضنا فالتربية أرجو من الأمنات التفاعل مع الموضوع

---

hggd ,g]ih ,gn fkjih uk]ih uhldk hg]og hlddg uhg[, ,g]

ma fille a 2 ans mais je vais pas la l’inscrire a la creche je vais la laisser chez la nurrice mieux juska l’age de 4 ans c un conseil d’un psy

7ta ana makandihach l 7adana ghir heya tbarkalah macha2lah 7arakiya w makatkhalinich ndir chghal kanb9a ghir 7adyaha w kanfkar chi marat ndiha wakha ghir sba7at sa3a rajli makhalanaich kay9oli hta twali 3andha 3 ans

انا عندي طفل عامين لكن ما خديتوش لكخيش لان خاصو حتى يشبع لعب في البيت ونحاول نزول لو الكوش ضروري حتى نفس الفكرة حتى وصل 3سنوات وناخدو الكتاب

السلام عليكم شكرا أختي على فكرة هاد التجمع اللي انشاء الله من خلالها نتبادلو التجارب فتربية وليداتنا الله يحففظهم
أنا ولدي عامين وشهراين مزال ماخديتو للحضانة بغيت نحيدليه الكوش هاد الصيف باش العام الجاي نسجلو حيت كايقنط فالدار واخا نعيا نلعب معاه وملي نخرجو ويشوف الوليدات الصغار كايفرح بززاااف ويبغي يمشي يلعب معاهم

السلام عليكم اخواتي .ختي انا ولدي عندو عامين او 9 شهور دخلتو المدرسة مني كمل عمين او نصف لاكن حينت تاخر ليا في الهدرة شوية.مني ديتو وحد شهر او هو كيمشي ليها وحد النهار كن لبس ليه في حوايجو او هو يتوعت في راسو ايوا مني بغيتو يقول ليا كيفاش وقع ليه معرفش يقول ليا حينت مزال مكيهدر مزيان او فالمدرسة مقالو ليا وااالو يختي جمعو وطواو ومبغيتش نجبد صداع لسيدة لي كانت مقابلاه حينت هنا عندهم القوانين شوية صارمة وانا ندير مناقص قلت حتا لدخلة الماجيا ان شاء الله غادي يكون كمل 3 سنين ويكون تسرح ليه لسان شوية عاد نديه نتمنا نستافدو من بعضنا في امور التربية وتعامل ….حينت محتاجين لبحال هد المواضيع بزاف.

السلام أختي كوثر
أنا بان لي هدا الوقت المناسب باش تحيدي ليكوش لولدك دب سخون الحال جمعي اللحوفة والفراش كامل وتوكل على الله أنا بنت باقي محيدتوش ليها الشهر الجاي تكمل عامين وديك الساعة نحيد ليها
غادي نعاود ليك على بنتي الديتها السيمانة اللي فاتت للحضانة نهار واحد بقات نهار كامل فيها ملي مشيت نجيبها فالعشية لقيت وحد البنيتة عندها فيها الإسهال قلت ليها ماماها خصهاش تجيبها حيت غادي تعادي الخرين بالإضافة لي جبتها للدار بقات عطياها غير الغوات يمكن شافت شي ولد كيغوت وأنا نقول بنتي باقى صغيرة وأنا مخدماش إنشاء حتى تكمل 3 سنين وديك الساعة نديها
إلى حسيت بولد قنط الديه لشي نزهة يلعب حتى لديك 6 وشري ليه لبكلات ديال الدراري الصغار وخليه يلعب حتى وقيتة المغرب وجبيه للدار وكليه ونعسيه

الله يخلي ليك وليدك المهم انا كان تباركالله عندي التوام دابا عندهم 4 سنوات
عودتخهم على الجلاس منين كانو صغار بالنسبة لدكشي الكبير يعني كنعرف مثلا التوقيت في الصباح او العشية لمهم خصو شوية ديال الصبر وطول البال مثلا اهو جالس لعبيه واعطيه حاجة يتلهى فيها دابة بالنسبة ليك شوية صعيب حيت كبر تبارك الله هما تيبداو يجلسو قبل ما يكملو سنة
وهو كيبقى منين يديرها شينهار فالكوش تيبقى يبكي بحل لكايعرف اشنو دار
وبالنسبة للبول في يومين ممكن يتعلم
منين كايجي الصيف حاولي خليه عريان ومنين كايبول قولي ليه اشنو هذا وغوتي عليه شوية وعاوديها كلما دارها وهو منين غادي يوقف يديرها غادي يحس بشي حاجة ماشي طبيعية لمهم كل ما يديرها في الارض عطيه لجلاس
وان شاء الله غادي يتعلم وانا الحمد لله هادي هي طريقتي وحتى لكوش فالليل ماغاديش يبقاو
الله ياونك معاه

السلام عليكم اختي نوف ربي يحفظليك بنتك وتفرحي بيها انشاء الله
راه عندك الصح هادا الوقت باش نحيدليه الكوش وفعلا هزيت الزرابي والفراش وحيدتهاليه بالنهار وكانديه كل نص ساعة للمرحاض والحمد الله دابا والف يدير بيبي عادي ومابقاش يديرها فحوايجو بقاتليا غير كاكا مرة مرة كايديرهاليا فحوايجو ويبدا يبكي منها وما يسكت حتى نغسليه المهم الحمد لله غير بالخاطرراه غادي كايوالف
و بالنسبة للقنط راه اختي شارياليه ماشي غير بيكالا وحدة هههههههه وحد البيت ولا عندي فحال الكراج هادي بيكالا هلدا موتور هادي طونوبيل ههههه ولكن ياختي دغيا كايملهم وبالنسبة للخروج كانبغي نخرجو لشي بلاصة يلعب فيها ولكن هاد المدينة اللي حنا فيها مدينة صغيرة ومافيهاش فين يخرج الواحد واااالو عليها قلت العام الجاي نجرب ندخلو للحضانة وعيني ميزاني
اتبارك الله عليك أختي وشكرا لنصائحك لهلا يخطيك

السلام عليكم اختي أم عبد العزيز ربي يخاليلك الوليدات يارب
أنا ياختي مابغالياش الكلاس عييت معاه والو كايبغي يمشي للطواليت زعما راه حتى هو كبير فحالنا هههههه والحمد الله راه غادي شويا شويا كايوالف
اتبارك الله عليك وشكرا بزاف لنصيحتك