اخواتي كيفما واضح من خلال العنوان هاد المواصفات كلهم لقيتهم فهاد البراوني بالبنان.
الوصفة ديال شميشة الله يكتر خيرها جربتها وعمري ماتخليت عليها اكثر من رآآآآآئعة.
المهم نحط ليكم المقادير والصور سمحولي حتال مرة اخرى حيت ماعنديش الكابل ديال التيليفون باش ندوزهم للبيسي.ولكن كنواعدكم نحطهم مرة اخرى.
المقادير ديال البراوني بالبنان:
3 بيضات+100غرام بودرة الكاكاو+100غ زبدة مدوبة+90غ طحين+60غ الڭرڭاع+200غ سنيدة+1ڤاني+2خمارات+2موزات صغار او وحدة كبيرة+قبسة ملح.
الطريقة:
كنسخنو الڭرڭاع في الفرن او مقلاة باش يجي مڭرمل وتحيد منو ديك المرورة ديال قشورووكنهرمشوه غير بين يدينا راه ساهل.
كندوبو الزبدة.وكنغربلو الطحين معا الكاكاو والخميرة باش يجيونا مخلطين.
كنديروالبيض معا السكر والملح والڤاني ونطربوهم عاد كنزيدو عليهم الزبدة والڭرڭاع.ثم كنمعسو البنان بالفورشيتة ونزيدوه علا الخليط وكنزيدو الطحين والكاكاو والخميرة ونخلطو شوية ونديروه فمول مدهون .
الا كان المول عادي خاصو يتدهن ونرشوه بالكاكاو باش مايبانش لينا الدقيق ابيض في البراوني ملي يطيب.اما الا كان المول الاخر راه ميهتاج للدهن.
وكندخلوه للفرن مسخن مسبقا لمدة 30 دقيقة .
كيجي خفييييييييف مفشفش وريحتو كتشهي جربوه وغادين تصدقو كلامي.
ملحوظة: الا ماكانش عندكم الڭرڭاع ممكن تعوضوه باللوز مقلي او كاوكاو مقلي ولكن راه كلها ومداقو.
وبصحتكم البراوني وشي دعيوة دالخير الا حبيتو.
hggd ;jrgf ugh hghrjwh] ,hgfkm ,vdpm ]hd.ih hg;ghl j]og uk]d
