ثبت من طرف وحي الخاطر
17/12/2019
السلام عليكم اختاريت نحط الموضوع فهاد القسم حيت بزاف ديال النساء تيجيهم مشكل ط§ظ„ظ‚ط¨ط· من مور الولادة انا شخصيا عانيت من ها المشكل مدة طويلةمور ولادة ولدي ؤ جربت شحال من حاجة مسهلة بالنسبة للبواسير تيجيو ملي تيكون ط§ظ„ظ‚ط¨ط· اذ خاصنا نعالجو ط§ظ„ظ‚ط¨ط· هو الاول الحل الفعاااااااااااال هوالخبز المعجون بالخميرة البلدية زعما الحامضة ؤ الى كان معجون بالشعير ؤ شي حبات ديال النافع ؤ حبة حلاوة …( غير هاد الحبوب الى كانت المراة حاملة ماديرهمش لا لا لا ) اكون افضل بكثير هادشي كافي ؤ كاينين اغذية مسهلة بحال :الباربا خضرا مطحونة مع الليمون,الشريحة,التمر,الشعير(البلبولة),زيت الزيتون, لبن ,الماء الدافء+ملعقة صغيرة عسل حر على الريق هادشي كلو مسهلات مزيانة و لكن الخبز الحامض هو سيدهم الله يجازي الدكتور فايد كل الخير بصراحة استفدت منو بزااااااف اما المسهلات ديال فرماسي مع المدة متيبقاوش يقضيو ؤ دعيو معايا ربي يفكني على خير انا حاملة فالشهر الخامس ؤ تيجيني ط§ظ„ظ‚ط¨ط· و لكن مع الخبز الحامض اللهم ليك الحمد حاجة اخرى الخبز الحامض تيضعف ؤ تيحيد الكرش ؤ تيخليك نشيطة بزاف ؤ متعيايش و الله على ما اقول شهيد حيت جربتو انا ؤ العائلة ؤ عجبهم ؤ بالنسبة للجروح ديال ط§ظ„ط¨ظˆط§ط³ظٹط± تنغسلو المخرج اعزكم الله مزيان بالصابون ثم ندهنو بزيت الزيتون مزيان ؤ نحاولو ندخلوها للداخل لي جربات ؤ لقات نتيجة مزيانة تدعي معايا
[IMG]file:///C:DOCUME~1ADMINI~1LOCALS~1Tempmsohtmlclip11 clip_image001.gif[/IMG]
hggd tdih hgrf’ c hgf,hsdv j]og
عن طريق : samsung – GT-I9100
المشاركة الأصلية كتبت بواسطة وجدية مغتربة 
السلام عليكم الخبز انا تنديرو بدقيق الشعير مغربل +شوية حمص مطحون تنشريه من الرحبة+شوية فورص ممكن تستغناي عليه +شوية ملح +شوية دقيق زرع مغربل +الخميرة البلدية كثيرة مثلا الى درتي 2 زلايف دقيق مخلط تديري 2 زلايف خميرة بلدية+ماء دافئ ؤ النخالة ديال الزرع ؤ الشعير تنحتافظ بها للتقراص ؤ انا شخصيا ملي ماكنتش حاملة تنلوح فيه 1/2 معلقة صغيرة نافع حبة حلاوة الحلبة مدقوقة ؤ شي 2 معالق كبار زريعة الكتان اللي متوفر عندك ؤ صافي دبا مع الحمل تنلوح فيه غير شوية كمون بلدي ؤ عجنيه مزيان خطيه بمانطا ؤ ميكا ؤ دخليه لفران طافي باش يخمر ملي تيكون الحال بارد عجنيه بالليل ؤ طيبيه فالصباح حيت تاياخد الوقت باش يخمر شي 6 حتى 7 ساعات ؤ ف الصيف غير شي 4 ساعات تيخمر الى ا ختي كتر عليك ديري انت خبز عادي دقيق اللي تتعجني بيه زرع مثلا+ ملح+ماء دافئ +الخميرة البلدية غي هو خبز الشعير تيجي لذيذ انا ملي تنبغي نفطر بيه تنكرييه ؤ ندهنو ؤ تيجي لذيذ ماما تديرو عاى شكل مخامر كتفطر بيهم اما طريقة الخميرة فهي ساهلة تتاخدي شي كاس ديا دقيق شعير او زرع خلطيه مع الماء الدافئ بحال الى غادا دوري بيه الحريرة يكون خاتر ؤ لوحي فيه 2 ضروس تومة منقيين او طريف بصلة ديري الخليط فقرعة زاج سديها مزيان خطيها بثوب غليض سخون ؤ ميكا ؤ خليها فمكان مظلم فران او بلاكار مدة 48 ساعة ملي دوز 48 ساعة خدي الخميرة ؤ عجني بيها عادي خلي من العجينة خبيزة صغيرة ديريها وسط الدقيق او فالقرعة اللي كنت دايراة فيها الخميرة باش تعجني بيها مرة اخرى نتمنى نكون شرحت مزيان اي سؤال ان موجودة
المشاركة الأصلية كتبت بواسطة nohad11 فعلا الماء الدافئ على الريق فعال انا كنت تنديرو مع العسل الحر ؤ قضى ليا شي وقت ولكن من بعد لا كل واحد ؤ الجسم ديالو اولا يمكن حيت القبط اللي تيجي مور الولادة تيكون فعلا صعيييب كنت تنبقى بالسيمانة مندخلش ؤ ملي ندخل نبقى فالطواليط حاشاك مدة طويلة حت يدقو عليا الدار ؤ قولولي ياك لاباس ؤ الدمايات ؤ الشرخ الله يجعلها مغفرة للذنوب ؤ بقيت نجرب كلشي اللي قال عليها الفايد مسهل تنجربها حتى وليت خبيرة فالمسهلات ولكن الخبز الحامض هو اللي لقيت عليه راحتي انا حتي شريت اسموزين مبقاش تيقضي لي راه باقي عندي
انا في راي الموضوع من الاحسن يثبت للمزيد من الاستفادة
ومرحبا بتجارب الاخوات باش الكل استافد
وربي افكك على خير ويفكنا كاملين
المشاركة الأصلية كتبت بواسطة وحي الخاطر انا في راي الموضوع من الاحسن يثبت للمزيد من الاستفادة
ومرحبا بتجارب الاخوات باش الكل استافد
وربي افكك على خير ويفكنا كاملين
شكرا اختي وحي الخاطر على كلامك الزوين ؤ المشجع والله الى داكشي اللي عشتو مع القبط محني بزاف ؤ ملي لقيت الحل مبغيتش نحتافظ بيه بوحدي بغيت الكل يستافد خصوصا انني استافدت من المنتدى بزاااااااف من 2024 ؤ انا متبعاه ؤ عاد مؤخرا وليت عضوة فيه