السلام عليكم أخواتي كيفكم مع التربية الله يقدر كل وحدة فينا
بغيت غير نسولكم كيفاش كتنعسو ولادكم بالليل حيت أنا بنتي عمرها شهر و 18 يوم بالنهار كتنعس غير بالبزولة أو كنحطها كنخليها حتى كتنعس أما باليل كتمحني بزاف مكتيغيش تنعس بالمرة وكتبغي نهزها ونبقى ندور بيها في الدار أو نراري بيها في كرسي ديال السيارة وغير نحطها في فراشها كتفيق بحالي منعسات حتى كتجيني البكية بكترة مكنحطها وتفيق
عفاكم إلا قولو لي شنو ندير معاها راني معدبة و واش ديك المرارية الهزهزة ديال الكرسي تقدر الضر بيها
وشكرا
hggdg dh >>>> [h,fkd uhth;l hggpl
بالنسبة لسولتي عليه فمعنديش تجربة أنا يلاه حاملة الله يفكنا على خير لكن واحد جارتي يلاه ولداة و ولدها مكيخليهاش تنعس فالليل غير كيبقى شاد البزولة يرضع شوية و ينعس شوية و إلا حيداتها ليه كيبكي ،جات عندها واحد السيدة قالت ليها أنا ولادي كلهم ربيتهم كيف ما كيديرو فسبيطار(هنا فأروبا) كيجيبو bèbè لماماه ترضعو ف 12 ديال ليل و من بعد يديوه ينعس حتى ل 6 ديال صباح عاد يجيبوه و إيلا بكى فليل كيديرو ليه سكاته و واخا يبكي كيردو ليه غير سكاته ففمو و كيولف و كيولي ينعس بلليل و يفيق فوقت الرضاعة،و قالت ليها وخا يعدبك فالأول مدوز 20 يوم أو أقل حتى يولف .
سمحيلي طولت عليك لكين أنا بغيت نشرح ليك بتفصيل الممل القصة ههههه.الله يسر ليك الأمور تبقاي على خير أختي
المشاركة الأصلية كتبت بواسطة hanan.lch 
بالنسبة لسولتي عليه فمعنديش تجربة أنا يلاه حاملة الله يفكنا على خير لكن واحد جارتي يلاه ولداة و ولدها مكيخليهاش تنعس فالليل غير كيبقى شاد البزولة يرضع شوية و ينعس شوية و إلا حيداتها ليه كيبكي ،جات عندها واحد السيدة قالت ليها أنا ولادي كلهم ربيتهم كيف ما كيديرو فسبيطار(هنا فأروبا) كيجيبو bèbè لماماه ترضعو ف 12 ديال ليل و من بعد يديوه ينعس حتى ل 6 ديال صباح عاد يجيبوه و إيلا بكى فليل كيديرو ليه سكاته و واخا يبكي كيردو ليه غير سكاته ففمو و كيولف و كيولي ينعس بلليل و يفيق فوقت الرضاعة،و قالت ليها وخا يعدبك فالأول مدوز 20 يوم أو أقل حتى يولف .
سمحيلي طولت عليك لكين أنا بغيت نشرح ليك بتفصيل الممل القصة ههههه.الله يسر ليك الأمور تبقاي على خير أختي
شكرا أختي على الرد كلامك راه صحيح لكن حنا راه متنقدروش نخليوهم يبكيو دغيا كنجريو نهزوهم وهما كيولفو اللهزان لكن علاش الليل بالضبط
الله يفكك على خير أختي
المشاركة الأصلية كتبت بواسطة missmaroc الله يصبرنا وصافي أختي
المشاركة الأصلية كتبت بواسطة ام م يحيى الله يفكك على خير أختي
العفو أختي
علاش بالضبط فالليل لأنو فالأشهر الأولى bèbè كيقاد نعاسو بشكل طبيعي داكشي علاش خاصو يولف واحد النظام و إيلا فاق بالليل خاص تشعلي شي ضوء بهدوء و يكون خَافَتْ بزاف و ديري ليه سكاته ففمو وطفيه من بعد لكن منين يصبح الصباح خاص تحلي الريدويات باش يعرف الليل من النهار.فعلا حنا مكنصبروش غير يبكي نهزوه لكن الأحسن لنمو ديالهم هو ينعسو فليل و يولفو لأنو الوقت لي كينمو فيه دماغ ديالهم.
احسن طريقة باش اولف البيبي النعاس الليل هي دوش ليه و تكمطيه و ترضعيه. كيكون عيا بدوش و الترخى و انعس ملي يفيق بليل حاولي غير طبطبي عليه و لا مبغاش ارجع ينعس رضعيه بلما تحليليه لكماطة حتى لصباح
حتى بنتي كانت هكدا الطبيبة كانت قالت لي التوتة كتنوض عليهم مور المغرب كتفيقهم حيت كيسخنو بالليل وقالت ليا بقاي ديري البابنوج بالليل وعطيها ترضع
وداكشي لي درت وليت كندير ليها الحليب بالماء ديال البابنوج كتشربو وكتنعس الحمد لله جربي على الله ما عندك ما تخسري
خصوصا ايلا كان عوج شوية يعني مامقادش بحال الفراش ديالها
وعادي راه بعض الاطفال تيسكونو فالبداية هكداك غير الصبر