اللوبيا البيضة

عافاكم اخواتي…واش لا بد نفزك ط§ظ„ظ„ظˆط¨ظٹط§ ط§ظ„ط¨ظٹط¶ط© ليلة فلما عاد نقدر نطيبها و لي بغا يطيبها نيشان كيدير….حاجة اخرى لي عطاتني طريقة طياب ط§ظ„ظ„ظˆط¨ظٹط§ الله يفرحها فهاد نهار جمعة …وحتى لي معطاتنيش الطريقة الله يفرحها ههههه

---

hgg,fdh hgfdqm

اختي الا مفزكتيتش اللوبية عمليها في شي طاسة ديال البلاستيك بالغطاء ديالها خوي عليها الما سخون مزيان خليها واحد ساعة ثم طيبيها

اختي يلا بغيتي تفزكيها احسن ما بغيتيش صلقيها وعلاش كنفزكوهل ليلة كاملة حيت ما كتكونش طيابة ماشي بسرعة كتصلق او كتطيب
انا مفزكة بزاااااف ودايره في الكونجلتور منن كنبغي كنجبدها نصلقها
والطريقة
صلقها مزيان يعني ماتخليهاش هابطةو ما تبقاش قاسحة وصفي عليها الماء لصلقتيها فيه وحكي ليها واحد 4 مطيشات +بصل مشلظة +شوية القزبور ومعدنوس مقطعين +شوية ليبزار +شوية الملح+شوية الزعفران+شوية فلفلة حمرة +وانا كنزيد واحد الراس المعلقة الهريسة+كاس زيت بلدية +رومية ومن الافظل تكون البلدية اكتر وتنولي نشد عليها الكوكوط ونخليها تكمل بالطياب وبالصحة والراحة الزين
يلا بغيتي شي حاجة نقولها لاختي

الى ولابد ممكن تديريها فكوكوط مع الماء بوحدو يكون كااااااااااافي وغلقي
فشي مقلاة وجدي صوص طماطم فيها طماطم محكوكة وثوم ومعدنوس وزويتة وملح وكمون وتحميرة يطيبو ووجدي ما سخون
مللي تسلق قطريها وشلليها بشوية الماء شخون وزيدي عليها لاصوص وشوية الماء الباقي وعاودي غلقي الكوكوط,
نتمنى يكتبو لك الانيقات طريقتهوم نستافدو جميع
شهية طيبة مسبقا

السلام عليكم كنت خديت وحد الطريقة من اناقة كتجي اكتر من رائعة لدرجة انا راجلي كيطلبها لي كل اسبوع نقلب على رابط ونحط ليك

نص كيلو لوبية بيضة "نرقدها و نبيتها ليلة كاملة فالما"
4 – ثومات محكوكين
4 – ثومات صحاح
1 – بصلة كبيرة مشلضة
3 – مطيشات حمرين " منقيين و مشلضين "
1 – حك صغير ديال مطيشة دلحك
حفنة ديال المعدنوس و القزبور مشلضة
زيت الزيتون + زيت العادية
– الملح + لبزار+ الملون+ اسكنجبير + ورقة سيدنا موسى

الطريقة : *
فكوكوط ندير زيت الزيتون+زيت العادي تسخن منين تسخن نرمي الثومات محكوكين + الثومات صحاح
منين تتحمر الثومة و تولي ذهبية,نرمي البصلة مشلضة تتحمر,نزيد العطرية ديالنا كلها +ورقة سيدنا موسى+ حك صغير ديال مطيشة دلحك,نحمر كلشي
نرمي عليهم المطيشات منقيين و مشلضين يتحمرو+اربيع
نقطر اللوبية و نرميها فوق من الخليط و نخلط كل شي مزيان باش تتشرب اللوبية العطرية و العناصر كلها
ندير الماء,خاص الما يغطي اللوبية مزيان و نخلط كل شي مزيان
نسد الكوكوط على اللوبية تطيب لمدة 30 دقيقة
منين تطيب اللوبية نعري عليها الكوكوط ,نرمي ضامة ديال البنة
و نخليها تتقلا إلى كانت لاصوص كثيرة
اها هي الطريقة فعلا رائعة

السلام عليكم ورحمة الله وبركاته

ممكن تفزكيها ليلة قبل باش تربحي الوقت في الطياب وممكن طيبيها مباشرة الا عندك الوقت ومازباناش ولكن نصيحة مهمممممممممممة : ما ترميش الما لي كانت مفكة فيه ولا لي تسلقات فيه استعمليه في طيباها باش تبقاي محافظة على البنة ديالها وعلى كلشي الفوائد ماعليك غير تشليلها مزيان قبل ما ترديها طيب او تتفزك راه بزاف ديال الناس تيوقعو فهد الغلطة

والطريقة ساهلة :

بصلة مشلظة رقيقة + قزبور ومعدنوس ثومة مدقوقين + وحد حبة ولا 2 مطيشة محكوكة + تحميرة + خرقوم + سكين جبير+ ملح+ كمون بزيادة شوية على باقي العطرية + 2 وحد شوية ديال كنور ردي بالك من الملحة الا درتي كنور + معالق كبار مطيشة ديال الحك والماء وسدي عليها الطيب حتى تولي خااااثرة واللوبيا تقريبا ذايبة مشي كلها ولكن تقريبا وكلي بالصحة والراحة

khti dak lma kaykon rihto khayba bzaf maymkanch ntayboha fih

اخواتي كل وحدة باسمها الله يسهلها عليكم دنيا و آخرة….دابا راني تنصلق فيها و صليق و اخد الوقت….بزايد ….و عاد اندير لاصوص ديالها شكرا بزاف اخواتي

حتى الماء الحلو كيساعد في طيابها وبالنسبة للعطرية اللي اعطاوك الاخوات زيدي عليها الكامون كيجي فيها زوين وبالصحة والراحة