الله يخليكم شي مساعدة بخصوص الملابس للي فيهم الغمولية

السلام عليكم
عندي شي حوايج تعرضو للغمولية أُ ولاو ظپظٹظ‡ظ… نقط سوداء مبغاوش يحيدو ليا و معرفت ما ندير,عافاكم للي عندها شي طريقة مجربة تفيدني بيها و جزاها ط§ظ„ظ„ظ‡ الف خير

---

hggi dogd;l ad lshu]m fow,w hglghfs ggd tdil hgyl,gdm lg[ hgul,ldm

يا أختي حتا أنا قتلاتني الغمولية

أختي بالنسبة لغمولة ديري كموسات ديال طباشر مدقوق ف الماريو وبقاي بدليهم مرة مرة
أما الحل رقديهم في الحامض والماء طايب ومن يبرد فركيهم وعاودي رقديهم فصابون الكف والماء طايب وبنفس الطريقة عاد ديرهم في الماكنة ان شاء الله يكون خير

انا قريت فواحد المنتدى فرنسى رقديهم فالبيكاربونات و صبني بصابون المارسييه يعني ديال الحجرة َ

انا

كنصبنهم بالصابون البلدي مع الماء سخون ثم عوديهم بتيد وشليهم ان مجربهم

اختي اسرع واقوى طريقة لازالة الطبايع بكل سهولة هي طبخي دوك الحوايج.انا هادي لي كتنفعني في الطبايع الصعيبة.خديت هاد الطريقة من المنتدى وكنشكر الاخوات على الفكرة..خودي اختي كاسرونة وديري فيها مسحوق التصبين ديالك اريال ولا امو وديريه فوق النار يطبخ وحطي فيه الحويجات.حطي غير بلاصت الطبايع تبقاي شدا بيديك ودوزي ديك الطبعة فداك المسحوق حتى تمشي.راه دغيا تزول

أنا سمعت ليوم فالراديو كيديرو سينيال أو الصابون البلدي

اختي عن تجربة كان عندي واحد الكوفرلي نسيتوا فالمكينة مدة ومن بعد لقيت فيه الطبايع ديال الغمولية او قلبت فهذ المنتدى العزيز اولقيت واحد الموضوع الله يجازي مولاتو كل خير ما عقلت على سميتها المهم غدي تاخدي بكاربونات الصديوم او غدي تخلطيهم مع الخل البيض راه غدي يديروا الكشكوشة عادي غدي تديري منهم عجين راه متيكونش متماسك او غدي تبداي تحطي على الطبايع انا خلتهم تقريبا واحد 4سوايع او دخلتهم المكنة او ما بقاش الاثلر للغمولية

أختي بيكاربونات دو سوديوم راه تحيد ليك لغمال ومع صابون الكف وحكي الطبعة نتمنى نكون فدتك