الله يخليكم دخلوا عتقوني فالبصلة والربيع

السلام عليكم عافاكم عاونوني راني تقهرت كيكديروا تقطعوا البصلة مشلظة رقيقة والقسبر والمعدنوس الناس كامين يجيهم رقيق وانا لا والبصلة حتى هيا كتجيني غليظة وفين ما كان شي سكين راني شريتو ولكن بلا فايدة… واش كاين شي الة كدير هاد الشي وبشحال الثمن ديالها.
الله يجازيكم بالخير

---

hggi dogd;l ]og,h ujr,kd thgfwgm ,hgvfdu

شوفي اختي خصك تحكمي في نص البصلة في ايدك و يكون الموص ماضي و ضربي الضربة حدا اخرى نفس القياس بيناتهم م مني تكمليها القسيم في الطول ديري واحد القسمة على العرض و عاد تبداي تقطعي و كتجيني رقيقة بزاف بحال الشاف ديال الطبخ خصك غير المداومة ان شاء الله تولي ديريها رقيقة
في امان الله

ههههههههههههههههههههههههههههههه والله أختي طحكتيني جتك غي في البصل وربيع لكنت الكل دجي زينا معليش كيف ما قطعتهم أنا نديغ المكل وديمن يقولولي شويا نتمنا دجي زينا ندير البصل وربيع وفين

السلام عليكم ورحمة الله وبركاته

شوفي إلى لقيتي هادي غزالة في تقطاع البصل

أما الربيع إلى عندك فحال هادي طحنيه فيها بعد ما تنشفيه مزيان تا يجي رقيق وماشي منيل

ينقل الى قسمه المناسب
بالتوفيق اختي

السلام عليكم ورحمة الله وبركاته.
ضحكتيني الله يعطيك الخير.بالنسبة للبسلة اختي كتقطعيها من النصف يعني كيوليو عندك 2 نصوصا كتشدي واحد وتحطى الابهام فالاخير ديال البصلة والسبابة وباقي الاصابع في الجهة المقابلة وتقطعي بسكين حاد وديري تقطيعة حدا الاخرى.
اما الربيع ماتمحنيش معاه غتقطعيه فالاول وخا غليض لكن من بعد بشي سكين كبير وفوق من الڭراضة يعني هاديك لي كنڭرضو عليه كتشدي الموس بيدك اليمنى وتحطي الكف ديال يدك اليسرى فوق اخر السكين البلاصة لي كنقطعو بها وكتبقاي طلعي بيدك اليمنى الموس وبحال ايلا كديري نصف دائرة اولا بحال كيفكا كنستعملو البركار.بلاصة كتكون ثابتة والاخرى كتحرك.
ماعرفت واش فهمتي كلامي سي نون ملي نقطعهوم ان شاء الله نصور ليك باش تفهمي مزيان.

اختي غانعطيك الحل انشاء الله يوالمك غتشري داك الكراضة دربيع داك الموس اللي على شكل قوس شري ماركة مزيانة انا عندي لماكوم وترققي بيه كاع انواع الخضر اللي بغيتي البصلة خيزو الباربا الللللللللللللللللخ كلشي نتمنى نكون فدتك

نفس الحل راه غتفيدك بزااااااااااااااااااااف