الكيك الملفوف بالبيسطاش و دائما من مطبخي

السلام عليكم ورحمة الله تعالى وبركاته اخواتي الانيقات اليوم در ليك ط§ظ„ظƒظٹظƒ ملفوف بالبييسطاش نتمني من الله انو يعجبكم
المقاديير بالنسببة للكيك غادي نحتاجو انشاء الله
الكيك

4 دالبيضات
125 غرام سنيدة
75 غرام ديال الطحين
لكريم باتسيير
نصف ليتر حليب
5 اصفر البيض
شوية دالفاني
125 غرام سكر
4 دالمعالق كبر مايزينا
مربى المشماش
بيسطاش مهرمش للتزيين(اختياري)
اللوز محمر
على بركة الله كندهنو المقلة ديالنا بازبدة و نديرو عليها ورق السلفيريزي و كنخليوها جانبا
فوق بان ماري كنطربو البيض و السكر مزيان حتى يضاعف الحجم ديالو ويصبح لونو ابيض كزولوه من فوق البان ماري و نستمر في التطراب حتى يبرد نغربلو الطحين و نضيفوه لخليط البيض و السكر بشوية بشوية حتى يتخلط مزيان ثم نكبوه فالمقلة دالنا و ندخلوه لفرن متوسط الحرارة ما بين 8 حتى ل 10 الدقائق
نوجدو لا كريم باتسيير ديالنا كنديرو الحليب يغلي ثم نخليوه على نار مهيلة
نطربو اصفر لبيض و السكر و الفاني حتى نحصلو على كريمة و نضيفو ليها الميزينا و نخلطو مزيا ثم نضيفو هادالخليط للحليب الغليان على نار مهيلة ثم نخلطو بالمعلقة ديال الخشب حتى يعقد ثم نغطيوه ببلاستيك و ندخلوه للثلاجة يبرد
ناخدو ط§ظ„ظƒظٹظƒ ديالنا نفرشو عليه المربى ديال المشمش و نفرشو فوق منو الكريم باتسيير و نلفوه و ندهنو وجه الحلوى الكريم باتسيير المتبقي و نرشوها البيسطاش المهرمش و نوضعو اللوز امحمر من فوق كما في الصورة و ندخلوها للثلاجة و بالصحة و الراحة و متنسونيش من صالح دعائكم