الكيك الاسفنجي بحلى التوفي حصريا من مطبخي

5 بيضات مفصول الصفار عن البيض
1 كوب دقيق فاخر
1 كوب سكر بودرة
1 ملعقة طعام فانيليا
1 ملعقة صغيرة كريم اوف تارتار
1 ملعقة صغيرة خميرة الحلوى
2 ملعقة طعام من الماء العادي

بالنسبة لكريم اوف طارط فهو كايساعد فالكيك كاتجي خفيفة من لداخل و بالطبع الا ماكنش تقدري تستغناي عليه

نحط بياض البيض مع ملعقة الطعام الفانيليا بالاضافة إلى الكريم اوف تارتار ونضيف السكر البودرة ال1/2 كوب بالتدريب ونخفقهم لح لحد ما يوصل لقوام الكريمة

كتخلطي بالطراب حتى كتحصلي على القوام المطلوب

كناخدو صفار البيض اللي بقى لينا و نزيدو عليه الكمية اللي بقات ديالت السكر و نطربو مزيان و زيدو 2 معالق ديال الماء

مللي كايوجدو لينا الخليطين كنوليو نضيفو البياض ديال البيض على الصفار اللي خلطنا غير هنا خاصكم تحافضو على البياض مايتهرش ليكم مع اضافة الطحين و المعلقة ديال الخميرة

وهنا كاتشوفو الخليط كيف مهوي باش الكيكة طلع لينا مفشفشة ماشي مفشة يعني خفيفة

و هنا ندهنو الطاوة ديالنا بالزبدة والطحين والا كان ورق الزبدة احسن انا ماكانش عندي و دخلي الحلوى للفرن و كل واحدة عارفة قياس فرانها

من بعد نجيو نصايبو صوص ط§ظ„طھظˆظپظٹ ديالنا واللي مكون من 2 كسان ديال سكر سنيدة مع كاس ديال الماء ونديروهم فوق عافية مهيلة حتى يغلاو و ياخدو لون دهبي خفيف

وناخدو قشطة نسلي و نسخنوها فحمام مريم باش تولي سائل

مللي نسخنوها نديروها فشي زليفة باش تبرد

مللي يوجد السكر ديالنا نحيدوه من فوق العافية و نضيفو ليه القشطة مع التحراك السريع باش مايتكورش ليك السكر و يولي كراميل حيت حنا بغيناه سائل و نرجعوه فوق العافية يغلى غير 2 غليات و نطفيو عليه

وهاهي الصوص وجدات لينا من بعد ما كبيناها فزلافة تبرد ,و نغطيوها بميكة باش ماتكونش لينا ديك القشرة من الفوق حتى نوجدو الكيكة ديالنا

وهنا الكيكة قطعنا طراف صغار و انتي و دوقك الا بغيتي تخليها كيما هي و تزوقيها او ديريها مربعات
وكيفما كاتشوفي الكيكة خفيفة من لداخل

ونديرو الصوص ديالنا فميكة ولا الا كان الجيب الحلواني احسن و نقطعو الراس ديال الميكة باش نزوقو
وانتي و ابداعاتك . وزوقتها بلوز ايفيلي محمر

وهنا الشكل النهائي ديالها فالحقيقة كاتجي بنينة و ديك الصوص كاتخليها دوب فالفم و انا قدمتها مع الحريرة حيت اختكم كانت صايمة الله يقبل
انتمنى تعجبكم الكيكة ديالي و ان شاء الله تجربوها و دعيو معايا الا لقيت تشجيعاتكم نزيدكم حلويات خليجية بحال كنافة و أم علي والمزيد …… ( ملاحظة فقط لصوص كاديريها فقريعة و تخبيها قالثلاجة ماتخاف والو حتى ديري بيها شي وصفة خرى و ان شاء الله نزيدكم شي وصفة اخرى بهاد لصوص)

اللهم ادمها نعمة و احفظها من الزوال

ولا تنسوني من صالح دعائكن

hg;d; hghstk[d fpgn hgj,td pwvdh lk l’fod jpgn