الكيكة الاسفنجية وطرق تزيينها بالتفصيل من مطبخي مرحبا تفضلوووو

oum hedayah 3-29-2019 اليوم ان شاء الله غنشوفو كيكة ط§ظ„ط§ط³ظپظ†ط¬ظٹط© ناجحة 100/100 لطبقتو مراحل بالظبط وغنشوفو كيفاش يمكن لينا نستغلوها بسم الله المقادير 6 بيضات _ كاس سكر _كاس دقيق _1 فاني _ شوية ملح_ خمارة اي ما يعادل ملعقة صغير(للاسف صورة المقادير ضاعت) نفرقو البيض الاصفر نحتفظو بيه على جنب والابيض نعمله في زلافة ونطربوه بخلاط كهربائي تيكشكش هههه من بعد نبدا نزيد سكر بالتدريج فحلا غنحضر المورانك ونبقى نضرب تيعقاد جيدا من بعد نزيد اصفر بيض حبة حبة وانا مستمرة في خفق هاهو شكل الخليط من بعد ناخد دقيق وخميرة ونغربلهوم مزيان ونعاودهم 3 مرات وانا هازة اييا لفوق وصورة غتضح اكثر من بعد نقسم الدقيق على 3 دفعات ونبدا نضيف كل مرة دفعة واحدة ونخلط من لتحت لفوق وبشوية ياما بملعقة خشبية او سباتيل من بعد ناخد مول ندهنو بالزبدة و رشو بلدقيق ونسوسو جيدا ناخد ورق زبدة نقطعو دائري حسب قياس لمول ولبسو ليه في القاع (ضروريييي ) ونسكب الخليط ويطهى في فرن عادي فحال كيك غير هو منحلش عليه وهو يطيب لانه حساس وقت طياب من بعد ما طاب نخلوه يبرد مزيان ونقلبو في صحنونزول ليهالورق الزبدة هاهو كيف تيجي فحلا لبونجة خفيف ما شاء الله ومن بعد نزوقو حسب الرغبة انا مرة وجدت ليه كلاصاج بالجبن والزبدة مقادير لكلاصاج ( مقداريين جبن فيلادلفيا او جبن شاد في راسو فحال جبلي مقدار زبدة الفانيوسكر صقيل نصف ملعقة عصير حامض) نضرب جبن و زبدة جيدا تم نضيف سكر كلاصي ونستمر في الخلط (مقدار السكر حسب الخليط )ثم في الاخير نضيفو ملعقة عصير الحامض والفاني التزيين انا هنا حضرت 2 كيكات حطيت الاولى سقيتها بالسيرو ديال ماء اخوخ المعلب وعملت الكلاصاج سرحت وحطيت لكيكة الاخرى عاود دهنت بالكلاصاج من اجوانب وحاولت نقاد ليها لفنيسيو دخاتها لثلاجة باش تشد تجمد الزبدة وتعاوني لما كنت نطيب في لكيك تبقى لي شويش لخليط ديال لعجين صبيتو في طاوة ملبسة وطيبتو من بعد خدت قطاعة دائيريا وعملت 2 دائرات وحدة اصغر من الاخرى وعملت 2 دائرات اصغر من الاوليين خرجت الكيك عاود قديتو في الوسط حطيت شوية كريما وسرحتها وعملت دائرة لكبيرة لقطعناودائرة لاصغر منها اما الدوائر الصغيرة كل وحدة قسمناها م نصف ولصقناهم باش نشكل دبدوب وتزيين كيبقى حسب الرغبة هشكل لحصلتعليه او تعمليها طارط فروي تصايب ليها كريم باتسيير وتزوقها بالفواكه كتجي خفيفة وان شاء المولى مرة القادمة غنصور كيفاش يمكن لينا نصيبو وردات بالكلاصاج (اكلاصاج تقدر تزيدو ملونات حسب الرغبة) نتمى نكون توفقت في الشرح واي سؤال انا موجودة