9/3/2019
الكسكس ط¨ط·ط±ظٹظ‚طھظٹ الخاصة
كنحتاجو لدجاج وخضر انا درت اللي متوفر عندي وانتما ممكن تزيدو الخضرة اللي بغيتو انا درت 1 بصلة مشلظة 14 مطيشة محكوكة وممكن تديرو اكثر خيزو بطاطا دنجال اللفت البلدي كرعة حمراء قزبور ومعدنوس مكردين ضامة ديال سمن زلافة زبيب بكية كسكس كاس كبير زيت مخلط مع زيت البلدية وممكن تديرو اركان توابل ملح خرقوم طحميرة ابزار على بركة الله نخليكم مع الصور 
فالبرمة كنديرو زيت والدجاج والتوابل والصلة المحكوكة السمن قزبور ومعدنوس كنشعل عليهم وكنخليهم يتشحرو مزيان 
فاش كيتشحر بحال هكى
كنضيفو لاصوص ديال مطيشة
ونزيدو الخضر الجزر واللفت
ونزيدو القدر الكافي من الماء
ونغطو عليه ونخليوه يطيب كندوزو لكسكسو كناخد الكسكسو وكندير فالكسكاس ونديرو تحت الروبيني ونغسلو مزيان مزيان على هاد الشكل 
ملي كنغسلو كنخليه يتسقطر مزيان
فاش كياسقطر نديرو فالكصعة ومضيف ليه زلافة الزبيب ونخلطو مزيان 
فاش كنخلطو كنديرو فالكسكاس مدهون بزيت باش ميتلصقش
فاش كيتفور المرة الاولى كنعاود نكبوه فالكصعة ونديرو لو الماء ونرجعوه يتفور مرة الثانية 
ملي كيفور للمرة ثانية كنخليه شوية وكنزيد الخضر في البرمة وهي عبارة عن دنجال وبطاطا وكرعة حمراء 
فاش كنحط الخضر كنرجع كنكمل التفوار ديالي كندير الملحة والزبدة نيشان على كسكسو وندهن كسكسو ديالي ومضيف القدر الكافي ديال الماء ونرجعو يتفور للمرة الاخيرة
كندير جلبانة معلبة مع شوية زبدة كتقلى وكنديرها لو من الفوق اثناء التقديم 
تبارك الله فاش طاب كيولي حبيبات قداش والسر هو الغسيل ديال تحت الروبيني هههه الله يخلي لي ماما اللي علمات لي هاد الطريقة 
وهاهو كسكسو ديالي واجد نتمنى ينال اعجابكم
hg;s;s f’vdrjd hgohwm
المشاركة الأصلية كتبت بواسطة اريج80 
الله يبارك فيك اختي
غير بغيت نسولك فاش كاتغسليه وتحطيه فالكصعة واش كادهني بالزيت الكسكس او الكسكاس
وتبارك الله عليك
المشاركة الأصلية كتبت بواسطة toufaha غير بغيت نسولك فاش كاتغسليه وتحطيه فالكصعة واش كادهني بالزيت الكسكس او الكسكاس
وتبارك الله عليك
لا كاع متخافي الزين ماغاديش يتعجن راه كتخليه يتقطر عاد تخويه فالكصعة وتضيفي الزبيب الكسكاس هو اللي كندهن اختي
المشاركة الأصلية كتبت بواسطة LAMISS09 الله يبارك فيك اختي اسعدني مرورك لصفحتي
المشاركة الأصلية كتبت بواسطة حبيبة الغاوي الله يعطيك الصحة اختي حبيبة ربي يخليك
تبارك الله عليك