اليوم جبت لك غاسولي الي شم ريحتو تيسولني عليه
وقلت علاش ما نفيدش به انيقاتي الغاليات
وتيقول المثل المغربي القديم
الزين خليقة والشعر تلبيقة
وكلنا تنعرفوا ان نصف جمال المراة شعرهاايوا ملي القضية فيها التلبيقة ونصف الجمال نباليوا بالشعر هو الاول ونعطيوه اهمية
ونعتنيوا به باش يعطينا جمال في جمال اول شيء هو نحضروا
الغاسول ديالنا بمواد طبيعية مائة في المائة وبيديك صاوبيه
ان شاء الله ،غادي تحتاجي لكيلوالغاسولحجرة او جوج او
القياس الي بغيتي يمكن لك ضاعفي المقادير ديالك واحسن
شيء تقادي ط؛ط§ط³ظˆظ„ العام كلو في الصيف يكون داكن
اللون تخليه في الشمسحتى يتشقق ، ومن بعد تجيبي
2 دراهم او3 من الحاجة يعني شوية من الحاجة بما
انها مكوناتكثيرة فوحدة تكمل الاخرى والي هي
كالتالي :
ورد قرنفل خزامى ريحان زريعةالكتان
اليزير السنبل الخروع البابونج العرعار
الصبار الزعتر
ملاحظة
الصبار راه فيه بزاف الانواع وحنا نكتفيوا بنوعين
الي هو الوي فيرا او الضرك فين تتكون الهندية واحد فيهم
كما هو في الصورة
تيرطب الشعر بزااااف لي لقيتي فيهم ديريه غادي
تحكي نص ضركة وتحطيه في الشمس او في الفران
والباقي تنقيه وتقطعيه طريفات ودخليه للمجمد وقتما
احتاجيتيه تلقايه
الاعشاب كلها تشمش وتطحن مزيان وتكبي عليها لتر
ماء الزهر وتخليها جانبا
نرجعوا للغاسول ملي تشقق نكبوا عليه الماءونخليوه حتى
يتشرب مزيان ومن بعد نعجبنوه باليد ونزيدوا له الاعشاب الي
مرقدة في الماء الزهرنكبوا كلشي ونعجنوه مزيان غادي
يحتاج الماء نزيدوه باش يجي جاري وتجيبي غربال السلك
او صفاية وكبي فيها وانت تتحكي حتى ينزلكله وسرحي
ميكة او قلع وكبي فيه حريرة الغاسول وخليهفي الشمس
حتى ييبس و يولي بحال الي في الصورة ريحتو معطرة
ط¨ط§ظ„ط§ط¹ط´ط§ط¨ وماء الزهر
جمعيه وعمليه في حك او علبة يكونعندها الغطاء
وبداي تستعمليه هو قبل ما تغسلي شعرك كماسك مغذي
ومرطب ومنظف ويمكن لك تعوضيه بالشمبوان الي تيهلك
الشعر ويحرقو، اما الغاسول فتيقوي شعرك ويطولو
ويحبس التساقط الى داومتي عليه واعتمدتي عليه كبديل
للشمبوان
طريقة اخرى لاستعمال الغاسول باش تحصلي على نتيجة
رائعة صحة وجمال وهي انك تحضري زيت بلدية مضافة لها الاعشاب الي ذكرنا وتخليها تتخمر مدة 7 ايام وكلما بغيتي
تغسلي شعرك قبل عملي لو حمام زيت ط¨ط§ظ„ط§ط¹ط´ط§ط¨ وخذي
معلقة من التخت الي حاتل في القرعة وشقي به الفروة
وعملي مساج باش تحركي الدورة الدموية ومن بعد واحد
الساعة رطبي شوية الغاسول بالماء بحال شكل الحنة
وخليه في شعرك حتى تحضري حمامك ، وثقي بيا الى
داومتي عليه غادي تهناي من مشاكل الشعر الي تتزول
لك نصف الجمال اما متقصف او مشنتف كما تنقولوا
ومكرد وبلا لون ولا لمعة ولا صحة ولا جمال يعني
ما فيه ما يتشاف وعلاش اختي الطبيعة فيها كلشي
والى ولفتيه ما تبقايش تستعملي نهائيا الشمبوان
وتحصلي على شعر نقي ورطب وقوي وطويل وريحة
طيبة وحتى الم الراس تيزول سبحان الله لانها كلها
اعشاب مفيدة وبالصحة والراحة
اي استفسار انا في الخدمة
اي استفسار اختكم رهن اشارتكم
ومرحبا بكل من دعت لي دعوة طيبة
hg;edv dshg uk yhs,g hglsrd fhghuahf j[]ki ikh lvpfh f;k
واش فعلا ما نحتاجش الشامبوان حيث شعري فيه القشرة لدهنية ضروري من الشامبو
غادي نجربو اختي الله يجازيك بخير غير ملاحضة الأعشاب لفي الصورة اكثر من لدكرتي وبالنسبة للصبار لغنديرو في الفريكو اشنو نديروا بيه وشكرا
الصورة ماشي هي الاعشاب الي ذكرت بقدر ما هي اضافت جمالية للموضوع
اهتمي بما كتب حبيبتي القشرة تتزول الى غسلتي شعرك مزيان وبالنسبة للصبار
يعني الي شاط لك ما غاديش ترميه خاصنا نحتفظوا به حتى حين اخر تبان شي
وصفة فيها الصبار ويكون عندك حاضر جربيه ما تندميش عليه تيغسل الشعر
من ذاك الشي ملي ديريه فركي الفروة بحال الى تتعملي الشمبوان راه رحمة
ونعمة سبحان الله حاولي تقاديه في الصيف الكمية ديال العام وبالصحة والراحة
وسؤال اخر واخة ماشي فبلاصتو ماسك القنبلة اللي كنتي حطيتي كنت سولك واش ماشي مشكل استعملوه الحوامل
جزاك الله خيرا
وتيختلف حتى في اللون الغاسول الحجرة هو المهم ويكون اللون ديالو
مائل للسواد ويبان لك ميدم ورطب وفي الصيف تيكون اصلا مشقق
تنهضروا على الغاسول الحجرة الي غادي تحضري به غاسولك بالاعشاب
ماشي الغاسول باكية الي تيتباع مقسم طريفات هذا تينشف الشعر ويدير القشرة
والي هو هذا في الصورة واصلا العطار تقولي لو يعطيك الغاسول حجرة راه
يعطيه لك وكاين الغاسول باكية هذا تينشف وبالتجريب والثاني هو الحجرة تيكون
بحال الصخر
وبالنسبة للماسك اياه لا خوف منو حبيبتي وزيادة على ان الكثير من الوصفات
تتكون طبيعية ومافيها حتى ضرر في استعمالها من طرف الحامل
وبالصحة والراحة والله يسر لك الولادة ويفكك ربي على خير
امين احبيبة بارك الله فيك وجزاك الله خيرا على ردك العطر والله ارزقك متمنيتي نتي وجميع الاخوات اللي تيشاركو معانا الوصفات ديالهم امتيبخلوش علينا
ليوم عاد دهلت بناي كانت نريصة بببوحمرون
دازت عليعا عاد دارت لباس ودهلت نطل عليكم
اختي ذكرة الا عندك شي وصفة تفتح لها الشعية بقا فيها غالراس من هد المرضة هذي وماتتاكل وااااااالو عايشة غير بالحليب
عندها دابا عامين الله ارزقك الفردوس
فعلا الغاسول احسن منظف لشعر انا كنعملو هو و الزاز و الحنة هما باش وليت كنغسل شعري هادي شهرين و النتيجة وااعرة