كم يبلغ بي السرور مبلغه و السعادة مداها وقد نلت شرف وضع لبنة جديدة في منتدى المغتربات،
وكان من نصيبي افتتاح تجمعكن من جديد، حبيبات قلبي مغتربات ط£ظ…ط±ظٹظƒط§ قريبا بإذن ط§ظ„ظ„ظ‡ الكريم
أهديتموني هذا الشرف الكبير، ولعلني أكون جديرة به و يعجبكن مقامكن الجديد، الذي اخترته لتعيش فيه أرواحكن الطاهرة مثمثلة في حروف تخطونها بكل الحب والوفاء… بكل معاني الصدق والإخاء …. بكل ما تحمله الكلمة الطيبة….
من معاني جميلة وراقية…..
شاكرة ثقتكن الغالية، متمنية لكن إقامة سعيدة بيننا… في قصر من أفخم قصور ط£ظ…ط±ظٹظƒط§
وتحديدا بميامي ولعل هذا المكان الرائع يصادف زمانا أروع، يحمل لنا في طياته أخبارا سارة لطالما انتظرناها
ومشاهد وصور تعبق بالحب و الصفاء و النبل و النقاء تعودت عليها و أنا بينكن أنيقاتي الغاليات
فمرحبا بكن في قصركن الجديد
هاهو الباب دخلو برجلكم اليمين وماتنساوش دعاء الدخول
"بسم ط§ظ„ظ„ظ‡ خرجنا و بسم ط§ظ„ظ„ظ‡ ولجنا وعلى ربنا توكلنا"
السلام علينا و على عباد ط§ظ„ظ„ظ‡ الصالحين
ايوا ضربو دويرة فالقصر خذو راحتكم و الدار داركم
اللي عيات بالطريق من لقصر لاخر اللي كان فالشمال و بغات ترتاح شوية قبل تطلع لبيتها
تجلس هنا مرحبا
أو هنا
و الجميل فهاد ط§ظ„ظ‚طµط± فيه غرفة للمطالعة لعاشقات القراءة
و اكيد راهم بزاف ياك حنا أمة إقرأ ياكو؟؟
غرف النوم فهاد ط§ظ„ظ‚طµط± مختلفة حتى وحدة ماكتشبه للأخرى
بحالنا حتى وحدة ماكتشبه للأخرى
لكن كلهم زوينات و أنيقات كيف حنا
يالله كل وحدة تختار التصميم اللي ارتاحت فيه
وهادو الحمامات أعزكن ط§ظ„ظ„ظ‡طŒ عادة ماكنهتمش نديرهم
ولكن نكاية فشي بعضين و يحساب ليهم ماعندنا حماحم ولا شي حاجة هههههه
هانتوما شوفو واافين يبان هداك الجاكوزي اللي نايضة عليه قربالة هههههه
ايوا و كيف العادة، ماكاين افتتاح بلا حفل افتتاح ومن الصباح و التجهيزات على قدم و ساق
وفي المساء
كان ط§ظ„ظ‚طµط± مستعد أتم الاستعداد لاستقبال أنيقاتي
اللي كلهم ماشطات و لابسات و متأنقات في أبهى حللهن
ليكتمل بهاء الصورة و حسنها
و كالعادة المأكولات على شكل بوفي مفتوح كل وحدة تاخد اللي عجبها
مرحبا بيها وماكاين رجيم اليوم، بيتي الرشيقة اليوم راكي عطلة ههههههه
صراحة الحلويات روعة لكن الأكل ديال المطبخ ديالهم
ماعجبنيش بزاف، وجاني غريب وخفتكم تباتو بالجوع
ماعرفتش كيف جاكم؟ صراحة أنا فضلت نجيب ليك تريتور من برا يتكلف بالأكل ديالكم اليوم باش
يدوز الحفل فأجواء مزيانة و كلشي يبقى على خاطرو
نتمنى يكون عجبكم ط§ظ„ظ‚طµط± و الحفل
و نتمنى أكثر يكون هاد ط§ظ„ظ‚طµط± قدم الربح علينا كاملين نسمعو فيه كل مايفرحنا
نتاشركو فيه المرة قبل الحلوة، لبنات لقدام عارفين اللي كاين، ولجدد مرحبا بيهم
هنا أكيد غادي تلقاو بنات سبقوكم في التجربة
و عندهم استعداد يعطيوكم من وقتهم و يجاوبو على تساؤلاتكم
ويساعدكم بكل ما يمكن، لذاك ماتترددوش باش تسولو و مرحبا بيكم
حاجة اللي نوصيكم ماتكتبوش بالعرنسية، أي بالحروف اللاتينية لأنها ممنوعة
و الكتابة بالعرنسية تقدر تتسبب في غلق الموضوع من طرف إدارة المنتدى
وجيو ماشطين لأن اللي لقيتها ماماشطاش ماتلوم غير نفسها ههههههه
تحيااااااات أبله ريحانة و اللي شافتني كنت أهل للثقة باش نندير هاد الموضوع
تعطيني نجمة (كليك على النجمة فاليمين أسفل الموضوع)
تشجيعات معنوية هههههه
hgrwv 74 glyjvfhj Hlvd;h lsjrfgh hk ahx hggiK hggi d[lu algil lu H.,h[il td hgrvdf
باش كلشي يستفد و إلى كانت شي حاجة تبدلات أو تغيرات الله يخليكم نبهوني ليها
**** فيزا زواج التي تسمى بـ CR1 ****
لمهم اخواتي أول حاجة ملي تتزوجوا و تاخدو عقد الزواج كيكونو عندكم 2 كوبي
وحدة فيهم سيرو صادقو عليها فمحكمة الأسرة و وزارة الخارجية باش الزوج ديالك غادي يديها معاه ال USA
وخا فالمرحلة الأولى كيرسل غير كوبي ديالها و يحتفظ بالأصل حتى لمرحلة ال nvc
و يدي معاه عقد إزدياد ديالك وديالو (الأخضر)
شهادة حسن السيرة ديالك كتاخديه من عند البوليس
فطوكوبي ديال الصفحة الأولى ديال الباسبور ديالك تكون بالألوان
و هادشي كلو ترجموه باللغة الانجليزية في المغرب عند مترجم محلف
(حيت نهار الانترفيو متعترفوش بالترجمة ديال أمريكا لابد ديال المغرب)
و غادي يدي معاه صور ديالك ديال فيزا أمريكا العبار ديالهم هو 5/5
و غادي ت imprimiw فورم I-130 لكيخص معلومات عليك ديال فيزا زواج و تسني فيه نتي
و فورم G-325A سني فيه و عطيه ليه يجمعو مع الوراق لوخرين
لي غادي يدي معاه لامريكا ان شاء الله.
وانتبهو للتوقيع
(غدين تقول علاش أنا نقلكم حيت هاد signature ديالك مهمة بزاف
و لابد خصك ديمة تبقى تسني نفسها حيت نهار انترفيو غادة تكون
واحد فورم سمتها DS-260 فيها واحد بلاصة خصك تسني فيها نتا قدام القنصل ديال أمريكا
و خاص هاد signature تكون مطابقال signaturat لوخرين لدرتي فل FORMS
ملي بغيتو تدفعو لهم دوسي المرو الاولى ….)
هاد النقطة فهمتو ها إو ندوزو الشرح دبى ملي غادة يوصل الزوج ديالك لي أمريكا غادي يعمر هدوك
FORMS لي سنيتي
فيهم و خصهم ميكنوش مكمشين فهمتو نعاود نكتبهم لك FORMS هما:)
FORM I-130 ديال زواج
FORM G-325A ديال معلومات على الزوج
FORM G-325A وحدة أخرى فيها معلومات على الزوجة
FORM G-1145 هاد الفورم خصها دير فيه ايميل ديالو و إسم ديالو و NUMBER PHONE ديالو إلى بغا
شنو لهدف من هاد الفورم هاد الفورم تيسهل على مكتب الهجرة بش يتواصل معكم عبر الاميل
إلى درتو هاد الفورم ملي غادي يتوصل بدوسي ديلكم غدن يرسلو لكم
ايميل ف نفس النهار بلي توصل به و غادي يرسلو ليكم معه CASE NUMBER ديالكم بش تبقاو تبعو دوسي ديالكم اونلاين
أما في حالة مدرتوش هاد الفورم ف غادي تاخد لكم 15يوم حتى شهر بش يجوبوكم بالبريد بلي راح توصلوا بدوسي
مهم نكملو
ملي غادي تعمرو هاد أوراق او يسني فيهم حتى هو غادي يجمعهم مع ترجمة دعقد زواج اللي مصادق عليه و كوبي ديالو بالعربية
و عقد زدياد ديالك و ديالو مترجمين بإنجليزية و صور زوج لكي و له حتى هو
و يكتب ورى كل وحدة إسم ديالو و كنية بقلم الرصاص و صورك فيهم اسمك و كنية ديالك من الوراء
و دير الصور في انفلوب صغير عاد ديرو مع لورق كاملين .
و دير معاهم فوتوكوبي ديال باسبورت بالألوان ديالكم و كوبي ديال الجنسية الأمريكية ديالو يلى عندو
و هدشي كامل ديرو في انفلوب كبير و يغلقو
و يخلص شيك ديال 420$
هداك الانفلوب غادة ترسلو ف اكسبرس للعنوان ديالهم راح كين موجود ف السيت تاعهم.
ملي غادي يتوصل بدوسي غدين يشوفو الأوراق او الصور إلى كان كلشي مزيان
غادي يرسلوكم عبر الاميل كيف قلت فلأول و يصفتو لكم السيت للي غادي
تبعوا فيه الدوسي ديلكم ONLINE
ملاحظة باش يتفتحو ليكم الفورم FORMS
لابد يكون عندكم adobe acrobat محنت هو اللي كيفتح ملفات pdf فل pc بش تقدر تقراو هاد forms
هاهما الروابط ديال لفورم i-130 w g-1145
https://www.uscis.gov/portal/site/usc…0045f3d6a1RCRD
https://www.uscis.gov/portal/site/usc…0045f3d6a1RCRD
وهدى FORM G325A
https://www.uscis.gov/portal/site/usc…0045f3d6a1RCRD
هدا هو السيت ل تصيفت لكم مع الإميل الأول ديال immigration
ديلكم و تشوفو إنا مرحلة كتبو تدخل ليه و تدخل case number
ديالكم و تشوفو إنا مرحلة وصلتو
case number تكون على هاد الشكل على حساب الولاية للي محسوب عليها
كيبدا بي ثلاث أحرف و كنتهي بأرقام
متلاً
wac2148500697 واك تعني ولايات كاليفورنيا
eac 1589648521 هادي تعني ولايات بوسطن والنواحي
هاهو السيت كدخل فيه case ديلكم كامل و تكلكيو على
check statut و تعطيكم لمرحلة فين وصلين
https://egov.uscis.gov/cris/Dashboard/CaseStatus.do
مهم ما بن فش كدفع دوسي حتى كتجكم الموافقة غدن تحسب 5 أشهر و بعد المراة ملي تكون دواسة بزاف تتوصل حتى ال-8 أشهر matfouthach
من بعد مكتجيك الموافقة على دوسي ديالك لي إسم ديالها approval بل english تخبرو زوج ديالك بي الايميل
و تصيفت الدوسي ديالك من هداك المكتب المكتب الفيزا إسم ديالو هو nvc
national visa center
هدوك بدورهم ملي تتوصلو بدوسي ديالك تخبركم بميساج و من بعد 15 حتى 30يوم
تصيفتو لكم بش دخلو لسيت ديالهم باش تعمرو واحد
الفورم سمتو ds 261 و من بعد واحد المدة كيصيفتوا ايميل باش الزوج ديالك
خلص 120 دولار اون لاين او بشيك أولى فلوس عادي و ملي تيخدو فلوس
كنوجدو ليهم دوسيي اخر باش نرسلوه ليهم كيكون فيه:
توصيل ديال الخلاص ديال 120دولار
واحد form سميتو affidavit of support
(ديال الضمانة بش يضمنك بأنه قاد عليك إلى مشتي الأمريكا ملي توصلو بيه تشوفو وش لمبلغ
ديال التاكس ل طالبين هو هداك التاكس هو الضرائب ل تيخلص الزوج فلعام إلى كان هو هداك المبلغ ل هو 19.000$
إلى كنتي بوحدك إلى كان عندك وليد خاصو يكون أكثر محنت على حسب عدد الأشخاص اللي غادي يضمنهم،
إلى مكانش واصل ليه الزوج ديالك تطلبو ليه يدير واحد أخر للي يضمنكم اللي هو sponsor و هاد السبونسور إلى كان مزوج خاص مراتو ضروري تسني ليه فالورقة على أنها موافقة و إلى ماسناتش نهار الأنترفيو يقولو ليك سيري عاوديها حتى تسني ليه مراتو وعاد رجعي لعندنا، باش تفاداو داكشي من الأول يكون موقع من الضامن ومراتو)
نسخة كاملةمن عقد إزدياد ديالك مع الترجمة باللغة إنجليزية
عقد الإزدياد حتى هو مع الترجمة ديالو كيطلبوه بعض الولايات
صور 5/5 ديال VISA لك طبعاً
سجل عدلي ديالك تجيبوا من محكمة
حسن السيرة تجيبوا من لبوليس
و فطوكوبي ديال باسبور الزوجة
و عقد الزواج الأصلي اللي كان داه معاه الزوج فالمرة الأولى
و اللي فيه المصادقة ديال محكمة الأسرة ووزارة الخارجية
هادشي كلو كيكون مترجم عند مترجم محلف هنا بالمغرب
ومن الأحسن تمشي عند المترجم نفسو اللي مشيتي عندو في الأول
لأن كيكون باقي عندو داكشي مصاوب من المرة الأولى غير كيبدل ليهم التاريخ و يطبعهم،
وكينقص عليك الثمن ماشي نفس داكشي ديال المرة الأولى
من بعد واحد 20 يوم حتى لشهر مكملش ترسلوا ليكم باش تخلصو 320$ ديال visa
و من بعد كيعطوكم تعمروا الفورم DS-260 اون لاين عندهم فسيت
ملي يتوصل بهم مكتب NVC كيرسلو ليكم إيميل باللي توصلو بالأوراق
بعد 60 يوم تقريبا غادي يكملوا لكم CASE ديلكم و يغلقوه و يرسلوه لي CASABLANCA MOROCCO
( إلى ماكان فيه حتى خطأ، وماكانت ناقصاه حتى ورقة، وقولو لرجالكم ينتابهو مزيان للطاكس
لأن الأغلبية كيغلطو فيها المهم أي خطأ أو نقص، من بعد مكتنتهي هاد 60 يوم كيرسلو ليكم
تشيك ليست الله ينجينا و ينجيكم منها، ومنين كتعاودو ترسلو ليهم داكشي اللي ناقص
كتعاودو تتسناو 55 يوم تقريبا باش عاد يسدو ليكم الكيس،
داكشي علاش ركزو مزيان و حاولو متغلطو فحتى حاجة باش تربحو الوقت)
سيت ديال nvc ها هو https://ceac.state.gov/ceac
كدخلو ليه بواحد الارقام سميتهم case number و invoice number
كتبعوا فيه الدوسي ديالكم و فاش كيسدوا ليكم case فبلاصت PAID كتولي n/a
و الله يسر للجميع و يجمع شملكم مع أزواجكم في القريب و يسعدكم ببعضكم يااارب
تجربة الفيزيت ميديكال كيف رواتها أختنا كوثر فشهر دجنبر 2024
السلام عليكم ورحمة الله تعالي وبركاته
انا جيييييييت نعود ليكم على تجريبتي مع طبيبة Dr . Nezha El Fahri
بسم الله …. مشيت عندها معى 8:30 عطيت ل سكرتيرconvocation و La carte national و فوطوكوبي ديالها .وpasseport و فوطوكوبي ديالو .و 6 تصاور صغار ولعنوان ديال راجلي غادي تبغيه طبيبة.هادشي قاتلي جيبيه نهار تاصلت بها باش ناخد لموعد .
قاتلي سيري ديري تحليلة ديال دم ومن بعد ديري صورة لصدر و اجي .
ورجعت عندها قاتلي جيبي 3 شوكات من la pharmacy كاينا غي حداها . ملي جبتهم تسنيت شوية ودخلت عن طبيبة دريفة بزاااااااف .بقات كتسول فيا واش فايتليك نعستي ف l’hôpital.واش كاتمشي عند طبيب نفساني .واش تعرضتي لعنف .واش كدخني .واش كتشربي .واش كديري ندّرات دشوف. كلشي جاوبتها لا …وقالي واش موافقة متولديش 3 شهور قتليها اه وعطاتني ورقة سنيت فيها
وقاتلي حيدي حوايجك بقاي غي ب 2 piece
عبراتلي لوزن . وطول و ضغط .قلباتنى و دارتلي شوكة فيدي ليمنا ديال حميريات و شوكة فيدي ليسرا ديال la grippe و شوكة فالفخض ليسري ديال كزاز.
وصافي خرجت تسنيت بنما تقاض ليا le dossier ديالي خديتو قاتلي متفتحيهش حتا تعطيه ليهم فالقنصلية .
هاد شي كامل من 8:30 حتى ل 3:30
تحليل دم = 150 درهم
صورة الصدر =220 درهم
3 شوكات = 320 درهم
طبيبة = 600 درهم
الله يوفقكم حتا نتوما البنات
تجربة ديال نهار الأنترفيو كيف رواتها حبيبتنا حلمي تحقق فشهر غشت 2024
كنت قدام القنصلية مع سبعة ما لقيت تاواحد مشيت بقيت في طموبيل تال 7.30عاد مشيت لقيت ناس جاو ايوا جا سكيريتي عزل اميكراسيون بوحدهم وفيزا سياحة بوحدهم
ايوا دازو مالين سياحة جا لعندنا جات نوبتي
قلب لي ورقة الانترفيو والباس ايوا قلبني بواحد الابراي قلت ليه ماشي مشكيل انا حاملة قال لي ما غاديش نقيس ليك كرشك
ايوا قال لي سيري دخلت قنصلية مشيت واحد السرجم تاعطيهم ورقة الانترفيو والباس وتصاور قالت لي سيري مشيت لقيت واحد الولد قرعة ايوا واحد شوي حل لينا واحد سكيريتي داك الباب الباب دهلنا ايوا هي ديك البنت قالت لينا دخلو داك الولد حلي لي الباب دخلت حطيت ملفي في واحد صندوق دخلت من واحد باب ما صوناتش الابراي ايوا واحد البنت حلت لي ضوصي نص حلة وعطاتني وراقيا ومشيت لقيت لاصال عامرة
بقيت نتسنى نوبتي عيط لي واحد الولد اسمر سولني
اول زواج ليك
قلت لي اه
قال لي عمرك خرجتي برا المغرب
قلت ليه لا
قال لي حاملة
قلت ليه اه
شحال عندك من شهر
قلت ليه سبعة اشهر
قال لي تليفونك
عطيتو ليه
قال لي اري وراق جداد لي جبتي معاك
عطيتهم ليه رجع لي ورقة زواج قال لي راه غادي نرجع ليك ورقة ديال زواج اخرى
قال لي باش تاتهضري مع راجلم ما تايسولكش باش بغيتي تدوزي الانترفيو
قلت ليه انجليزية
قال لي فين قريتيها قلت ليه في ثانوية
قال لي سري تانعاودو نعيطو ليك
مشيت بقيت نتسنى عيطو لي في كيشي رقم واحد
واحد ميريكاني
قالي حطي صبعانك ليدك اليمنى والايسرى وصباع بزوج
ايوا هزي ايدك اليمنى وحلفي انو جميع المعلومات صحيحة ايوا قسمت
من بعد بدا يسول
فين عرفتي راجلك
قلت ليه فين
قال لي نتي حاملة
قلت ليه اه
قال لي شحال من شهر
قلت ليه شحال
قال لي كيفاش راجلك اسلم
قلت ليه كيفاش
قال لي مع من تاتسكني
قلت ليه مع دارنا
قال ليه عطاني ورقة حقوق وعطاني روشي غوز قال لي نهار الاربعاء جي باش تاخدي فيزا ديالك قلت ليه معاش قال لي بلاتي
قال لي نصحك بانو لازم تسافري باسرع وقت ممكن لانو كاين بعض طيارات تايحبسو مع شهر ثامن وقال واحد الحاجة اخرى ما فهمتهاش هو يعيط لي لعلى واحد خيتي وهي تقولي لي نفس داكشي ما زادت عليه والو ايوا خرجت مشيت في حالاتي ونا نعاود ردعت لانو ما قالش لي وقت معاش سولتهم قالو لي مع 3.00او 3.30
ايوا صافي توتة توتة خلصت الحدوثة والعقبة لجميع البنات كاملات
بنات راه منين تاتشديها ما تاتفرحجيش ديك الفرحو بحال منين نكونو نتسناوها تاتولي تفكري في داركم والمغرب
خاصة انا راجل جاي الاسبوع الجاي غادي يقرقب علي تانتنفس ما غادي يخليني هههههههههه
بنات لي بغاتهم يسهلو عليها في دير بزة راهم سهلو معايا بواحد كريقة كلشي داز بزربة كان يحساب لي غادي نجلس بزاف هما تايسولو
العقبة ليك ايوا في انتظار تجربة المطار دعواتي معاكم البنات الله يسهل ليكم كاملات كلنا غادي نمشيو نهار يوصلك قدرك يتبعك وخا تهربي منو
وللإطلاع على المزيد من تجارب لبنات اللي سبقونا الله يجازيهم بخير
ممكن تلقاوهم فهاد الرابط
________________________________________
انتهى
______________________________________
تبارك الله عليك هادشي غزال و متول دائما كيف العادة
الله يفرحك و يفرح كل المتظرات بكل ما كتمناوا و يجمع شملكم بازواجكم عن قريب
يا رب
المشاركة الأصلية كتبت بواسطة wadzamiya 
اااامين و إياكم ياااارب
المشاركة الأصلية كتبت بواسطة ta.khadija تبارك الله عليك هادشي غزال و متول دائما كيف العادة
الله يفرحك و يفرح كل المتظرات بكل ما كتمناوا و يجمع شملكم بازواجكم عن قريب
يا رب
ااااااامين ياااأرحم الرحمين يااارب العالمين، ودايما كتفرحني طلتك عليا ديديجتي
وكنستناها بشوق، الله يجعلك ممن تشتاق لهم الجنة يااااارب و شكرا على دعيواتك الزويونين
المشاركة الأصلية كتبت بواسطة ام أياد ااااااامين يااااااارب العالمين، علينا و عليك غاليتي أم إياد، بكل مكتمناي من خير راني جاوبتك فلقصر لقديم قبل نجي لهنا هههه
دبا المرحلة الانتقالية راه بقينا مدبدبين بين شمال أمريكا وهنا