سﻼم عليكم البنات الى ممكن تسعدوني الصراحة كان وجهي صافييي وقوت تخﻼط ولي سمعتها نديرها رجع حااااالتو كلشي وﻻ مجموع فيه انا بشرتي مختلطة وحسيت بيها بحاﻻ وﻻت حساسة المهم بغيتكم تساعدوني بمنتوجات طبية لي توالم بشرتي . كينوض ففيا الحبوب غير فالجبهة والحناك عندي عاديين ولكن فيهم شي بقع والله معرفت واش ديال الشمس وﻻ ديال التخربيق لي كنت كنظل نلبط اما ليتراس ديال الحبوب منعاودش ليكم اش دايرين الله يجازيكم بالخير الى مساعدوني بغيت شي برنامج ديال ط§ظ„ط¹ظ†ط§ظٹط© لي نتبعو . وبغيت نسولكم واش زيت جنين القمح يقدر يكون كينوض لحبوب حيت كندهن بيه وجهي مرة مرة. المهم انا خديت غاسول للوجه ديال ﻻروش بوساي صراحة زوين ومني كنغسل بيه كنحس بوجهي نقي الحمد لله سميتو effaclar من موراه كنرش ماء ورد بارد وفليل كنعاود نغسل بالغاسول وكندهن بومادة ديال الحبوب نصحاتني بيها واحدزاﻻخت فالمنتدى الله يجازيها خير طفات ليا الحبوب الحمد الله وحتا ليتراس بداو كيبهاتو سميتها effaclar duo حتا هي ديال ﻻروش بوساي الى ممكن تنصحوني بشي واقي الشمس نبقا نديرو يوميا يكون تنقي البشرة ومكرهتش يكون تانتي باش يغطي ليا العيوب وبغيت شي مرطب خفيف يوالم بشرتي باركة عليا مبغيتش نكتر من البرودويات المهم لي عندها شي اقتراح وﻻ نصيحة تفيدني ولي مجربة شي حاجة لي تنفعني تعتقني الله يعتقنا من النار .
hgukhdm fhgfavm hglojg’m
اختي حتى انا بحااااااااالك بشرتي مختلطة باقي ماعرفتش اي نوع من الواقي الشمسي اللي نشري كنلقا انوااع كثييييرة في الصيدلية لكن كنحيييير ايهم افضل وكنت سمعت اللي كايكون ثانتي كيدير بقع في الوجه مع الوقت والله اعلم بزاف كينصحو ما يكونش تانتي انتظر الاخوات باش يفييدونا واش بصح هده المعلومة واي واقي شمسي منااسب وشي برنامج للعناية بنوع بشرتنا الله يكثر خيييييييركم حتى الفوندوتاه وكريم النهار كل ما يخص البشرة وجربتووه حتى في الماكياج ماسكات طبيعية زيووت طبيعية للتجاعييد كل شئ …….
اختي سارة شكرا على الرد وكنتمنى من اﻻخوات يساعدونا
اختي سارة بالنسبة البرنامج نقدر نفيدك بلي كنعرف بنما يجوبونا اﻻنيقات كيفما كانت نصحاتنا اﻻخت ﻻ غوز تروبيكا الله يجازيها خير
كاينة العناية الصباحية والعناية قبل النوم او المسائية
المهم فالصباح تغسلي وجهك بالغاسول المناسب وترشي وجهك بما ورد او ماء البابونج هما كيتعتابرو تونيك طبيعي ومن بعد دهني بكريم مرطب ومن فوقو واقي الشمس ال كنت خارجة وﻻ كطيبي…
فليل كديماكي وجهك بزيت الزيتون او زيت الكوك انا كنديماكي غير بزيت الزيتون والقطن كيحيد كلشي من الوجه حتال الفوندوتان ، ومن بعد تغسلي وجهك بالغاسول وترشي بالطونيك ديالك ودهني كريم الليل او ديري مساج بزيت مناسب
و2 مرات فاﻻسبوع ديري تقشير وماسك والله يجعل شي باركة
عندي 2 ماسكات هما المفضلين عندي اﻻول مني كنغسلو كيبان ليا الفرق هاديك الساعة المهم كطحني الخيار مع ماء ورد وكديرهم فمكعبات تلج وكتجمعيهم فبﻼستيكة مني كيجمدو ومني تبغي تستعمليهم جبدي وحدة حطيها فطبسيل وخليها الدوب وزيدي عليها معلقة دقيق الخرطال وديري هاد الماسك من بعد التقشير ومني ينشف فزگي وجهك وبحالة ديري كوماج بيه بحركات دائرية ومن بعد غسليه بالماء دافي والمابارد ورشي ماورد بارد ودهني كريم مرطب وﻻ زيت جنين القمح ديري هادشي فليل احسن
بالنسبة الماسك التاني حتا هو ديريه من بعد التقشير ديري معلقة خميرة ومعلقة دانون مسوس ومني تغسليهم تبعي نفس المراحل ديال الماسك اﻻول هادو اختي زوينين وموافقيني