العروسة وام لعروسة لكلام ليكم بجوج دخلوا كملوا فرحتكم بصح

اول كلامي يبدا ان شاء الله بالله يبارك لكل بنت مقبلة على الزواج والله يرزق كل بناتنا وخواتنا وبنات المسلمين الزوج الصالح قولوا امين.
الي بغيت الامهات يعرفوه وياكدو عليه ويوضحوه لبناتهم هو ما جاء في الدين ديالنا اول ما بنتك كتمشي لبيت الزوجية وهدا مهم جدا وفيه بركة وخير كثير.
قولي لها
الله يكمل عليك بالخير وتكوني زوجة صالحة لهدا الزوج الي ربي مكتبوا لك في اللوح المحفوظ وتعيشي معاه وتعينه على طاعة الله ورسوله لان كيف ما انت لك حق عندو حتى هو ليه حق عندك وانا هنا في هدا الموضوع كيهمني نهدر مع بنتنا قبل من ولدنا
كوني ليه سكن ولباس كيف ما قال الله سبحانه وتعالى لباس بمعنى تستريه تستري عرضوا ما تطلعيش عيوبو حتى لاقرب الناس اليه تستري اسرارو ما يكونش مكشوف للناس
تكوني سكن له بمعنى توفري له الجو ديال الراحة والثقة باش ما يخافش عليك ويطمئن عليك ما تزيديهش خوف على خوف خوف من لقمة العيش خوف من مواجهة الحياة خوف من المسؤولية
قبل ما توصلي لهادشي كله بداي حياتك واول لحظة تكوني فيها غير انت واياه قبل من الدخلة فكريه بهادشي :
قولي ليه أن يحط يديه على مقدمة رأسك، ويقول ما جاء في قوله صلى الله عليه وسلم: "إذا تزوج أحدكم امرأة أو اشترى خادماً فليأخذ بناصيتها، وليسمّ الله عز وجل، وليدع بالبركة، وليقل: اللهم إني أسألك من خيرها وخير ما جبلتها عليه، أعوذ بك من شرها وشر ما جبلتها عليه، وإذا اشترى بعيراً فليأخذ بذروة سنامه وليقل مثل ذلك
ثاني حاجة توضاو وهو يكون امامك وتصليو جوج ركعات ويقول في الدعاء
اللهم بارك لي في أهلي وبارك لهم فيَّ ، اللهم اجمع بيننا ما جمعت بخير، وفرق بيننا إذا فرقت بخير.
من بعد لما توصلوا للحظة الحميمية التي هي اساس الزواج فكريه بهدا الدعاء

روى البخاري عن ابن عباس رضي الله عنهما أن النبي -صلى الله عليه وسلم- قال: لو أن أحدكم إذا أراد أن يأتي أهله قال: بسم الله اللهم جنبناً الشيطان وجنب الشيطان ما رزقتنا، فإنه أن يقدر بينهما ولد لم يضره الشيطان أبداً".
وعيشي حياتك كيف ما بغاك الله تكوني وان شاء الله تكوني من الماجورات وحياتك تبدا صح وعرفي ان الله كيبارك في الزواج وكيرزق الراجل الرزق بك انت ثم بوليداتك الي غادي يجيو في الطريق
باش البنت ما تخاف حتى من حاجة
ن شاء الله يدخلوا الامهات والبنات والي عندها اضافات او اسئلة تطرحها والفائدة تعم الكل

---

hguv,sm ,hl guv,sm g;ghl gd;l f[,[ ]og,h ;lg,h tvpj;l fwp fdkd ,hg

شكرا صوصوصيطا على الشكر

ما شاء الله وتبارك الله
صراحة هذي امور خاص كل ام توجهها لبنتها
ولكن للسف القليل اللي تيهتم لهذ الناحية بدعوى حشومة نتكلمو مع البنات في هذ الامور
الله يصلح الاحوال انا ما لقيتش نصائح قبل الزواج ولكن ان شاء الله ننصح وليداتي لان هذ الامور اساسية وتعتبر القاعدة اللي تيتبنى عليها الزواج
لهلا يخطيك الزين

انا الصراحة ما كونتش عارفة هادشي لكن راجلي الله يجازيه بخير هو الي علمني وملي بحثت لقيت ان الدين الاسلامي ما خلى حتى حاجة ما اهتمش بها
ياربي كل ام تعلم ولدها قبل من بنتها هده الامور باش حيات ولادهم تبدا بما يرضي الله
دائما مشرفاني في مواضيعي الله يجازيك كل خير والله يجمعنا فديك الدنيا كيف جمعنا في هده الدنيا

السلام عليكم ورحمة الله تعالى وبركاته

موضوع زوين من انيقة اروع الله يجزيك بخير

الحمد لله معاملتي مع بناتي الله يحفضهم بحال الصحبات مكنلقاش احراج من اي موضوع
وهما كيلتجأو ليا استفسرو مني …..

اصلا الام خاصها تحاول ما امكن تخاوي ولا تصاحب مع بناتها وخصوصا في هاذ الوقت

سلمت يمناك

تقبلي مروري

صباح النور حبيبتي خلاص ولفت نشوفك داخلة لمواضيعي هههههه
تبارك الله عليك والله يعينك على المسؤولية ويستر لك بناتك بستره الجميل
الحمد لله ناس كثيرة ولات كتفقه في الدين وعارفة كيفاش تمشي امورها مع ولادها لكن هدا ما كيمنعش من وجود ناس كتغيب عليها بحال هده المعلومات مثلا والدينا احنا الله يحسن لهم الختمة وبحال ناس تانية كثير بعيدة فالواحد لما يدكر اخوه المسلم ان شاء ربي يبارك في التدكير

اتمنى ان تدخلوا لهدا الموضوع
https://www.anaqamaghribia.com/vb/sho…d.php?t=256653

فعلا هاد الشي اللي كاين رغم اننا ماوصاوناش بصح ان شاء الله حنا نوصيو بيه بنياتنا
شكرا ليك

ان شاء الله تفرحي ببنياتك في القريب ووصيهم باش تكون حياتهم احسن من حياتنا

لا الله الا الله محمد رسول الله