العرس الاسلامي حلمي

باذن الله نفسي عرسي يكون اسلااامي بدون اختلاط و…… ولكن دارنا صغيرة متهزش الناس و القاعة مكنضنش يجي فيها عرس اسلامي الداخل و الخارج بزااف و معرفش شنو الحل ربي انعم عليا مبغيتش نعصية فديك الليلة و نقابل النعمة بالذنب كنضن فهمتوني اخواتي الي عندها شي افكار و حلول و لا دازت من التجربة تفيدني و لها كل الاجر

---

hguvs hghsghld pgld hghsghln pgln

السلام عليكم و رحمة الله تعالى.
اختى الف مبروك و الله يكمل بالخير و يرزقكم الدرية الصالحة…
بالنسبة للإقتراح ديالي تحنا مكنديروش الاختلاط و غالبا كنديرو فالدار و راكي عارفا الدار صغيرة.
لكن قولتي بإمكناك تديري لقاعة ومن الافضل باش كتستافدي من التساع و الديكور و الروينة كتبقا تما.
باش التجانبي الاختلاط نهار الحنة = بمعنى ليلة قبل العرس = اللي غتكوني بديتيها في العشية و ساليتيها قبل صلاة العشاء… غتعروضو على الرجال للعشاء و ديك الساعة غي الرجال اللي غيدورو و خوتك هما اللي غيمدوا ليهم الاكل و..و…. المهم غيكون حفل رجالي..اصلا الرجال كتكون غي الاكل و الدرس…
باش كيبقى ليك الغد كولو ليكوم البنات…ديك الساعة حس الراجل مغيدور بحيت الرجال المقربون فقط = الاخوة ديالك= غيساعدو في التجهيز و الديكور و تركيب السونو…و….و لكن ما ان يبداو العيالات يجيو يخويو غيبقا غي انتوما النساء و الحفل نسائي 100 في المئة… و القاعة اصلا كيكون فيها بيت للعروس و مرحاض بالتالي لا للرجال يوم العرس…و الله يكمل بكل خير.

باااااارك الله فيك اختي راني داااااااااااااايخة بالمعقول والله ربي يسر ليا ندير الي كنتمنى افكاارك غزاااالة
ايو فينكم الانيقات شي افكار

الله ايكمل عليك اختي حتا انا عندي نفس المشكل و لكن المشكل الناس مكيتفهموش العرس الاسلامي اللي مافيهش الموسيقا و هادشي اللي خالعني اننا نخسرو الفلوس و الناس تهدر غير الله احفظ او صافي المشكلة ان فاش كنسكن ماكاينينش فرق نساءية للانشاد عددهم ماكيتجاوزش 2 و ماشي في المستوى عالله اللي فاتو فهاد التجربة انصحونا اغطو شي افكار قبل ما نعرسوا

اختي صراحة عندك الحق ماكاين ماحسن من زواج اسلامي خالي من المحرمات الاختلاط الموسيقى ووووو حتى حابا نعمل حفل اسلامي . اخواتي عطونا بعض الافكار الله يعطكم الستر ان شاء الله.

السلام عليكم الله اكمل عليكم بالخير يا بنات و ماشاء الله عليكم
بالنسبة ليا تجربتي انا هي كالتالينهار الخميس فالعشية درت الحناء فالدار مع بنات العائلة وصحاباتي فقط مكاينش حس الراجل الحمد لله اما نهار العرس درتو فالقاعة و الحمد لله داز مزيان بحيت درنا المنشدات و السربايات وغير النساء اللي كانو فالعرس والوالد كان التحت مقابل السربايات راكم عارفين علاش اما راجلي كان فالبيت التحت فين كنلبس كنلبس اللبسة و نتصور معاه ونطلع الفوق عند النساء وهكدا حتى ساليت اللباسي صافس و الحمد لله مكانش حس الراجل كايدور هادشي اللي كاين اخواتي اما بالنسبة للاخت اللي قالت خافت دير العرس وتخسر الفلوس و الناس ادويو ومايعجبهم حال اختي رضى الله اولا من رضي الناس و نزيدك واخا ديري ليهم داكشي اللي بغاو غادين اهضرو لان ارضاء الناس غاية لا تدرك اللهم تربحي رضى الله ونهار العرس فايت فايت كايبقى غير وجه الله ثم المعقول وحاجة اخرى بغيت نبهكم عليها هي عدم نمص الحاجبين و زيادة الشعر لانه حراااام و الله تعالى اعلى و اعلم و سامحوني لا طولت عليكم و السلام عليكم احبكن في الله

أختي بالاضافي الى ما قالوه لك الأخوات انا غانقولك الحمد لله المرأة رجعات كاتعمل كلشي يعني مولات كاميرا و مولات التصاور سربايات منشدات كلشي دابا ديال النساء و الرجال عملوهوم نهار الحنا و النسا اللا غدا و خوتك و لا خوت العريس ما يدخلووش وصيهم و وصي راجلك باش ما يدخلووش . . . ااه حاجة اخرى راجلك ما تدخلوش يبرز معاك فحال اللي ما يرضاش يدخلك تبرز معاه عند الرجال حتى تينا ما خصكشي ترضى و ادا بغا يتصور معاك تصورو و لكن ف بيت او في صالون بوحدكم و مولات الكاميرا كاتعدل التصاور و كاتلعب بيهم من ناحية الديكورات و الخلفيات و ادا كريتو القاعة عملو الرجال وقت الغدا و النسا وقت العشا
اختي حاجة اخرى نوصيك عليها هي حاااااااااول جاااااااااااااااااااااااااااااهده تعمل عرس اسلامي 100 في 100 باش ربي يكمل عليك بالخير و باش ما تمنيتي ان شاء الله و الله يكمل عليك بالخير يا ربي عليك و على جميــــــــع البنات المسلمات العفيفات المخطوبات و اللي داربين الصدق -الملكين-

تحياتي :

محبة الجنــــــــــــــان

شكرا بزاااااااااااااف البنات والله فرحاتني ردودكم الي فالمستوى
واي اضافااااااات مرحبا

انا اخواتي استفدت جزاكن الله خيرا غير واحد الحاجة المنشدات اشنو تيقولو على مااظن ماشي حلال والله اعلم , صراحة عمل زواج اسلامي مئة في المئة خصوا بزاف ديال الحوايج متكون. الله اوفقنا الى مافيه خيرا لنا جميعا.

انا اخواتي استفدت جزاكن الله خيرا غير واحد الحاجة المنشدات اشنو تيقولو على مااظن ماشي حلال والله اعلم , صراحة عمل زواج اسلامي مئة في المئة خصوا بزاف ديال الحوايج متكون. الله اوفقنا الى مافيه خيرا لنا جميعا.