السلام عليكم الحادكات،
اشتريت عجانة وبغيت نعرف. من الأنيقات واش عمركو جربتوها في المسمن ،وهل من نصائح للاستعمال حيت أختكم ما بقى عندها صحة للدليك،
hgu[hkm
لعدي تعجن ليك الخبز تعجن ليك مسمن …
بصحتك العجانة راها تعملي فيها كولشي ويدخله إن شاء الله البنات ويفيدوك اكثر
السلام عليكم ورحمة الله اختي انا عندي هده اربع سنوات تبارك الله شوفي اختي انا عندي تجربة فيها لما تبغي تعجني خودي بانيو بلاستيك وديريي الدقيق والخميرة والملح ورونيها بالماء قياس اللي تبغي واش مرخوفة او قاسحة وعاد ديريها في العجانة تدلكها هاد الطريقة باش كتهناي من كل مرة تزيدي الماء وباش تخدمي شغل اخور اما الى ابقيتي مقابلها ما تخدمي شغل انا مني كتكون كتعجن انا كنغسل لماعن او كنصب الكوكوط حتى كدوز عشر دقائق ونطفيها كتكون العجينة واجدة وبالنسبة للمسمن راه كيجي زوين بزاف وكدلك عجينة حلويات اللوز والقراش وكلشي غي حاولي عليها ومني تكملي منها نظفيها في البلاصة وخبيها ما تخليش الاخرين يستعملوها انا الوحيدة في البيت اللي كنستعملها باش ما يخسروهاش
بصحتك اختي العجانة الاخت نورة على حق خاصك تخلطي العجين في الاول عاد وضعيها تدلك في العجانة باش تحافظي عليها او تقضي حاجة اخرى في نفس الوقت عندي مدة عامين وهذي هي طريقتي. بصحتك مرة اخرى
استسمحك اختي في نقل الموضوع لقسمه المناسب
قسم خاص بطلبات العضوات
قسم خاص بطلبات العضوات
شكرًا أخواتي على النصيحة،راني درت كيفما قول تولي ايوا راني درت فيها الخليط وراني كنتسنا حيت بغيت ندير المسمن واحد صاحبتي غادي تجي عندي ايوا لهلا يحشمنا ،
السلام عليكم غير بغيت نشكركم رآه جاني الملوي غزال ودرت فيها حتى الخبز جا هائل،الله يجازيكم بخير