الطورطة للي صايبت

حبيبت نشارك معاكم بهاد ط§ظ„ط·ظˆط±ط·ط© المتواضعة نتمنا تقبلو عليها

باسم الله ابدأ بالمقادير:
الجينواز

4 بيضات
120غ سنيدة
120غ دقيق
نصف خمارة

الطريقة : نطرب البيض مع السنيدة حتا يبياض الخليط ويتضاعف الحجم ديالو تقريبا 20 دقيقة ومن بعد نضيف الدقيق المخلط مع الخمارة للي كنو غربلناه من قبل وفاش نكونو كنغربلوه نهزو يدينا باش يدخل ليه الهوا مزيان
انا طيبتها في مول دائري وقسمتها عل 2 وسقيتها بهاواي ودهنتها بالكريم وغطيتها بالنصف التاني ديال الجنواز ودهنتها بلاكريم ومن فوق لاكريم : للي دهنت بيه الطارطة هوا كريم هولالا وزدت عليه السكر كلاصي حسب الحلاوة ولكاوبيل باش يتبدل اللون شوية ميبقاش ابيض صبيت عليها كريمة اخرى مزيج مابين القشدة الطرية درتها فوق نار مهيلة غي بدات تسخن زدت عليها طريفات الشكلاط تقريبا 13 شكلاطة ومعلقة صغيرة زبدة وبقيت نحرك فيها حتا غلات وطفيت عليها وخليتها تدفى عاد صبيتها فوق لاكريم ويا سلام جات فنة فنة وزينت الجوانب بالفيرمسيل
بالنسبة للشكلاط للي لفوق عل شكل متلتات دوبت الشكلاط وصبيتو فوق ورق تزيين الشكلاط للي كيتباع في المحلات الخاصة بالحلوى وخليتو شد راسو وقطعتو متلتات
سمحولي مصورتش كلشي

hg’,v’m ggd whdfj lg[ whpfm