الطرطة للي وجدت لزوجي بالمقادير و الصور مع فيديو يشرح اكثر

المقادير ديال لا جينواز استعملت فيها :
*4 بيضات متوسطي الحجم
* 100 غرام دقيق
*100 غرام سكر سنيدة
*خمارة ديال الحلوى
* فانية
ونحتاجوا لعصير ديال ليمونة او عصير الخوخ او اي عصير تفضلين لسقي الجنواز نحتاجوا لاطة تكون مربعة كبيرة او مستطيلة انا درت الطاوة اللي تنحمروا فيها الدجاج او تنسخن فيها الكرواصة حيت هي اللي عندي كبيرة تحتاجي لورق الزبدة باش متلقايش صعوبة فإزالة لجينواز حيت تتكون رقيقة شيء ما يعني تتلصق فطاوة وتحتاجي ل 250 غرام لكريم فريش لدهن الطبقات وعدة فرولات شي 3 او 4 باش تقطعيهم فالطبقة الاولى اما الطبقة الثانية فإستعملت فيها اللوز ايفيلي وقطرة ديال روح لوز لتنسيم الكريما والسكر حسب الذوق
الطريقة ديال الجينواز
*تتشدي البيض تعزلي الابيض على الاصفر طربي الابيض مع السكر و فانية حتى اولي بحال الثلج بالطراب الكهربائي ثم تضيفي ليه الاصفر ديال البيض ثم تبداي تضيفي ليه الدقيق مخلوط بالخمارة شوية بشوية ولكن هاد المرة غير بملعقة خشبية او سباتولة من الفوق للأسفل حتى تنساجم العناصر وتولي عندك عجين لين فرشي ورق الزبدة فالاطة وصبي الخليط ودخليه لفرن مسخن على 180 درجة مئوية لمدة 10 الى 15 دقيقة حيت دغيا تطيب لازم تقابليها مرة مرة طلي عليها ملي تبان ليك تحمرات شوية بدا تيتبدل اللون تكيها بموس نقي باش تشوفي واش طابت ولا لا إلا خرج نضيف فراها طابت

*اما بالنسبة لعجين اللوز اللي زينت بها الوجه فتتحتاجي لكاس ديال اللوز مسلوق مفسخ مع كاس ديال السكر هي تتجي شوية حلوة ويلا مكتنش عزيزة عليك الحلاوة ممكن تنقصي و قطيرة من روح اللوز شوية ديال النشا قولي شي معلقة صغيرة هادي الا متجمعتش لك العجين زيديها باش تجمع المهم تتاخدي اللوز والسكر وديريهم اطحنوا فالطحانة لمدة تقريبا 10 دقايق حتى تولي عند بحال العجينة ودوقيها وزيدي عليها القطرة ديال الروح ديال اللوز وعودي طحني حتى تشوفي لعجين وجدات وممكن تشكليها كفما بغيتي ويلا متجمعتش لك زيدي عليها نصف معلقة صغيرة نشا حتى تشوفي واش هي هاديك اولا لا ملي توجد خليها على جنب حتى نوصلوا ليها
* ملي طيب لا جنواز تشدي الاطار اللي بغيتي انا اخترت المربع تقطعي الكيك ديالك ماشي مشكل الا تهرسوا لك شي طريفات خليهم لطبقات المهم شدي الطبقة الاولى سقيها بالعصير اللي ختاريتي ودهنيها بالكريما اللي طربتي ونسمتيها بروح د اللوز تم وضعي اطراف ديال الفريز اللي قطعتيهم اطراف تم خدي دوك الطريفات اللي تهرسوا لك ستفيهم مزيان سقيهم ودهنيهم بالكريما ودردري فوقهم اللوز الافيلي اللي حمرتيه مسبقا فالفرن تم وضعي الطبقة الاخيرة سقيها وبلا مدهني فوقها الكريمة حيت غادي نعطيوها بعجنة ديال اللوز
*غدايا تاخدي ديك عجينة ديال اللوز اللي وجدتي من قبل تقسميها على جوج وتاخدي النصف الاول تسرحيه بالمدلك ولكن بين جوج ديال وراق الزبدة حيت تتلصق ويلا درتيها نيشان فوق الطابلة غديا تلصق لك شدي الورقة الاولى ديال الزبدة بالانجليزية تيقولوا ليه واكس بيبر ترشيه بشوية ديال النشا تم توضعي الكرة ديال عجين اللوز وتدهني المدلك بشوية ديال النشا تم تدلكيها شوية بحال الا غديا ضغطي عليها تم توضعي الورقة التانية فوق العجينة وتبداي تدلكيها من فوق الورق وملي تاخد السمك اللي بغتي انا متلا خليت سمك ديالها 2 حتال 3 ملمتر تم تهزيها بشوية وتوضعيها على الكيك وتغطي الكيك كله ويلا شاطت لك العجين اللي غطيتي بها الكيك قطعيها بالموس تم خودي النصف الآخر اللي بقا عندك
اللي غطيتي بها الكيك قطعيها بالموس تم خودي النصف الآخر اللي بقا عندك لونيه بأي لون حبيتي انا خديت اللون الاحمر عملت منه قطرة صغيرة وعجنتها حتى تقاد ليها اللون ومن بعد بديت تنشكل فيها على شكل ورده هاد المرة دردرت النشا فوق الطاولة وتندهن المدلك وتندلك حيت وخا تجي قاصحة مع النشا ماشي مشكل هادي غير لتزين ماشي بحال اللي غطيتي بها الكيك لازم تكون طيعة باش تقدري تغطي العجين بها المهم خودي 2 اشكال ديال الدوائر واحد اكون كبير وواحد اكون صغير الكبير صنعي منه 3 دوائر والثاني كذلك 3 دوائر وصنعي هرم صغير من ديك العجين وخودي الدائرة الصغيرة ولصقيها فيها هادوك الدوائر هما ليتشكلوا الاوراق ديال الوردة دوري الشكل وديري الدائرة التانية تم الثالثة عاد خودي الدوائر الكبار ديري لهم نفس العملية وبهدا غديا تكون لك وردة تضغطي عليها من التحت بأصابعك باش اتبتوا الاوراق كلهم تم تقصمي الجزء الاعلى يعني الوردة فقط وتزولي البقية من الهرم تم شكلي مستطيلات قطعيهم بالجرار ديال الشبكية باش تجي فيه التسنينات تزيني بها وجه ط§ظ„ط·ط±ط·ط© اما الوريدات الصغار فحتاجيت فقط لتلات دوائر صغيرة وضعت كل طرف على حد الطرف الثاني حتى جا شكل ديالهم بحال السلسلة اولا 3 ديال الدوارات ملاصقين وبديت تندور فيهم من جنب حتال الاخير بحال الا تتطوي زربية وقطعيهم من الوسط بالسكين حاد وبذلك حصلت على 2 وردات صغار وحتا هما زينت بيهم ط§ظ„ط·ط±ط·ط© من الفوق وقدمتها بالصحة