الصدقة أو السلكة

السلام عليكم و رحمة الله تعالى و بركاته
عاد تحولنا لدارنا و بغينا نديرو فيها ط§ظ„طµط¯ظ‚ط© أو ط§ظ„ط³ظ„ظƒط© على حساب كل واحد واش كيقول ليها،ناونين إنشاء الله نديرو 12 ديال الطلبة و نعرضرو على العائلة و الجيران القراب صافي
و بغيتكم اخواتي تعطيوني شي نصائح باش يدوز النهار مزيان حيت اول مرة غدي نتكلف بشي مناسبة و ما عندي حتى فكرة عليها
مثلا بالنسبة للحلوة شحال تقريبا غدي يكفيني ل 8 دلحطات ، و اللي عندها شي روابط لشي حلاوي زوين وسبق دارتهم و صدقو ليها و فنفس الوقت اقتصاديين شوية تمدني بيهم الله يجازيها بخير
و أي فكرة تنفعني سواء فالاكل أو الاستقبال ، المهم التوجاد بصفة عامة الله يستر عليكم و ينول ليكم اللي فبالكم ما تبخلوش بيه عليا

---

hgw]rm H, hgsg;m

الله يجعلها عتبة خير عليكم اختي

الله اوفققك اختي دخلي لقسم الحلويات راه فيه جميع انواع الحلويات والصابلي وديري لكل طبلة بلاطو تاعو والى بغيتي افادة اكثر نتي قولي للبنات اشنو بغيتي بالظبط ويعاونوك الله ايسر ليك

آمين اختي ، الله يرزقك الجنة على هاد الدعوة الطيبة

الف مبروك العتبة الجديدة بالصحة وزايد الرزق والله يعاونك ..مزيان الواحد يقرا القران في دارو …

آمين ، اللهم آمين اختي ، أنا عارفة المنتدى عامر تبارك الله بالوصفات ، لكن أنا بغيت ندير وصفات فايت لشي وحدة دارتهم و صدقو ليها باش حتى الى لقيت فيهم شي صعوبة نرجع ليها و تعاوني فأنا بصراحة معنديش مع الكاتو أو حلويات الأفراح ، فالاعياد غير كنشري لكن دبا كلشي عامر عندو بليكومند مع العراسات و صحاب العمرة، و حنا مقررناش هاد الصدقة غير حتى للتالي.
أنا كيما قلت ليكم بغيت شي حلويات زوينين و اقتصاديين راكم عارفين اللي يلاه سلا البني كتكون عندو الميزانية شوية قليلة.

آمين اختي و الله ينول ليك اللي فبالك

آمين اختي و الله يبارك فيك و يرزقك ما تمنيتي ، آه اختي القرآن ديما زوين، الله ينفعنا بيه

مبروك عليكم الدار الجديدة ان شاء الله تدخلوها بالربح و الخير و الرزق

اختي انا درت صابلي ديال الاخت ام امنار جاني واعر لا في المذاق لا في الشكل غادي ندبر ليك على الرابط نحطو ليك