جبت ليكم اليوم طريقة ط§ظ„ط³ظ…ظƒ ط§ظ„ظ…ط¹ظ„ط¨ كيجى كيبحال لي كنشريوه انا ديما كنوجدو و كنديرو في العلب و كنحتفض بيه في الثلاجة كنستعملو في السلطات و البيتزا و السندويتشات
سمحولى لطولت عليكم الهضرة نبدا بالمقادير
غنحتاجو 4 كيلو ديال حوت كابيلا +ملح+2 كيلو حامض+2 زلافات زيت نباتية+ نصف كاس زيت بلدية+زلافة ماء+سودانة مزاود+6 فصوص ثوم بقشورها+ 3 ورق سيدنا موسى
كنخدو الحوت ديالنا و نقيوه مزيان و نحيدليه الجلد ديالو و نرقدوه فى الملح و العصير ديال الحامض ليلة كاملة و فى الصباح نغسلوه مزيان بالماء ونديروه فشى شبيكة باش يتسقطر مزيان عاد ناخد الطنجرة و نستفو فيها الحوت و نكبو فوقه الزيت النباتى و البلدى+الماء+سودانية+الثوم+ورق سيدنا موسى و نسدو الكوكوت و نديرو الصفارة و نحطوها فوق النار لمدة 20 دقيقة
وباش نطفيو عليها منحيدوش الصفارة حتى تبرد و باش نحلو الكوكوت ناخد ملعقة و نهزو بالحوتة بالحوتة و نحيدو ليها السلسول و نوضعوها في العلب و نخويو فوقها هداك الزيت لي بقا لينا في الكوكوت
كنتمنى نكون شرحت ليكم الطريقة مزيان
hgsl; hglugf
omera okhra jazaki lah khayra okhti 3la had lwassfa
شكرا أختي بزاف على الوصفة صراحة ما كاين ما حسن من الحاجة لي كتوجد في الدار ، أختي سؤال واش هاديك ٢ كيلو عصير الحامض كاملة نرقد فيها الحوت ، شكرا مرة أخرى.
المشاركة الأصلية كتبت بواسطة فرشي التراب 
شكرا أختي بزاف على الوصفة صراحة ما كاين ما حسن من الحاجة لي كتوجد في الدار ، أختي سؤال واش هاديك ٢ كيلو عصير الحامض كاملة نرقد فيها الحوت ، شكرا مرة أخرى.
السلام عليكم ورحمة الله وبركاته
سمحيلى لتعطلت عليك في الرد نعم لحوت كنرقدوه فى 2 كيلو ديال الحامض باش يبياض لحوت و يطيب دغيا
ماشي مشكيل أختي ، شكرا على الجواب ديالك