ثبت في 11/4/2019 أم رزان 
اختكم كانت جالسة ماعليها ما بها حتى طاحت عليها واحد الفكرة و قالت نصاوبها للعشا هو فالواقع الفكرة كنت شفتها هادي سنة أو أكثر تقريبا و نسيت نحفظها عندي فالجهاز و مني عاودت بحثت عليها كل محاولاتي باءت بالفشل و لكن من الشوفة الأولى الفكرة بقات مترسخة فبالي و مانسيتهاش و مع اختكم مازالين عندها شي لوينات ماتهنى حتى تقاضيهم عملت الوصفة و لكن بطريقتي و قلت باسم الله و توكلت على الله ودابا آجيو تكتشفو معايا المراحل غادين نحتاجو لعمل الكيك الإسفنجي المالح بيضتان+ ملح+ نصف ملعقة كبيرة خميرة الحلوة+ كاس إلا ربع دقيقx 3 الكل في الخلاط الكهربائي كل كيكة بلون و نكهة مختلفة الخليط الأول ملعقتين قزبور و معدنوس + ملون أخضر الخليط الثاني ملعقتان موطارد+ خرقوم اصطناعي الخليط الثالث ملعقتين مركز طماطم+ قليل من الملون الأحمر ندهنو 3 مول من نفس الحجم بالزبدة و نرشوهم بالدقيق و نصبو فكل واحد خليط مختلف و ندخلوهم لفرن مسخن على180 درجة نخليوهم يطيبو ربع ساعة نخرجوهم و نقلبو القوالب و نخليوهم يبردو للإشارة أنا استعملت نفس القالب و كل مرة كنت تانغسلو و نشفو مزيان هو و الخلاط طبعا و نعاود ندهنو بالزبدة و نرشو بالطحين القالب و فهاد الأثناء وضعت فالخلاط 50g جبن أبيض+ ملعقتين زبدة +ملعقتين زيت زيتون+ 6ملاعق حليب+ بطاطا متوسطة مسلوقة+10 ملاعق مايونيز+ 2علب صغيرة ديال الطون و طحنتهم مزيان حتى اندمجت العناصر طبعا و حصلت على كريمة متجانسة من بعد جبت3 دوائر مختلفة الأحجام كبيرة متوسطة صغيرة 2( ديال لي مول مختلفي الحجم و كاس كبير) و قطعت بهم الكيكات و الأجزاء المقطعة أعدت تركيبها لتشكيل كيكات ملونة 
و وضعت الطبقة الأولى دهنتها بالكريمة 
ثم الطبقة الثانية ثم الكريمة ثم الطبقة الثالثة ثم غطيت الكل بالكريمة حتى الجوانب و بديت تنزين فالكيك ديالي حسب اللي كان عندي موجود هاديك الساعة حكيت اجزر فحكاكة غليظة و عصرتو من الماء و لصقتو فالجوانب 
قطعت الخيار دوائر و دورت بها حواف الكيك حكيت بطاطس مسلوقة و باردة و وضعتها و زينت أيضا بالزيتون الأسود و الكرنب الأحمر و فوقو شوية البصل و أيضا الفلفل ألوان و الجزر مرة أخرى عملت وردة من قشر الحامض وضعتها في الوسط ووضعت وسطها زيتونة سوداء و هاهي النتيجة[/ SIZE] 
[SIZE="5"]ملاحظة طبعا من الممكن التزيين بالقيمرون مسلوق / البيض مسلوق / كاشير محكوك/ سومون فيمي / و حتى لنشوبة مخللة علاش لا / الخضر المخللة أيضا و أيضا إلا كانت السيدة زربانة بزاف أو مشغولة و ما عندهاش الوقت تعوض الكيك المالح بالطوسط بعدما تقطع لو الجوانب الزوينات ديالي كنتمنى هاد الإقتراح يعجبكم و توريوني أحلى تطبيقات بأروع الإبداعات فالتزيين و بالصحة و الراحة لا تنسوني و أهل بيتي من صالح دعائكم 
hgsg’m hg,[fm hglj;hlgm hgv,,,,,,,um lk l’fod fhgw,v ;hguh]m hgkofm
هدشي غزال الله يعطيك الصحة ويفرحك بولدتك ويخليك ليك مترجيتي وشكرا على وصف
المشاركة الأصلية كتبت بواسطة امال المغربيه 
هدشي غزال الله يعطيك الصحة ويفرحك بولدتك ويخليك ليك مترجيتي وشكرا على وصف ربي يخليك ياالغزالة ديالي امال المغربيه شرفني مرورك و نور صفحتي كالعادة شكرا:)
هدا الشئ غزال هدا هو الابتكار ةالا فلا .تبارك الله عليك
المشاركة الأصلية كتبت بواسطة oumlaila هدا الشئ غزال هدا هو الابتكار ةالا فلا .تبارك الله عليك الله يطول عمرك أالحبيبة oumlaila و يعطيك ماتمنيتي أسعدني مرورك أختي شكرا:)
فعلا روعة و كتحمق الله يعطي الصحة لدوك ليديات الحادقين
تبارك الله عليك روعة ..
الله يعطيك الصحة
ميميم فنانة تبارك الله ماشاء الله عليك اختي
ماشاء الله عليك روعة