السلام ط¹ظ„ظٹظƒظ… و رحمة الله و بركاته غنبداو بسم الله 
مقادير الكراميل غنحتاجوه فالشكيلات بجوج = وهاد الكراميل يمكن لينا نصايبوه ويبقى فالتلاجة وقت اللي بغيناه نسخنوه فحمام مريم وهاهو واجد كينفع فالكيك فلاكلاص فبزااااف دالحوايج 300جرام سنيدة 60جرام الماء 60جرام الحليب العادي سائل 60جرام الزبدة عادية 1م ك كليكوز م ك عسل م ص نسكافي الطريقة =كنعملو سنيدة فكسرونة مع الماء نعملوها فوق النار بدون تحريك حتى تكرمل نحيدوها من فوق النار نزيدو مباشرة وبالزربة الحليب و الزبدة بعدو وجهكم كيطلع دخان كيحرق ملي كنحركو بالزربة باش نحبسو الطياب الكراميل باش ميتحرقش ونرجعوها فوق النار تنسجم العناصر و نزولوها من النار و نضيفو العسل و الكليكوز و نسكافي و نحركو الخليط مزياااان و ها الكراميل واجد غنبداو بصابلي النيكرو = رابعة ماكدور 125السكر كلاصي 50بودرة اللوز بيضة كاس صغير الزيت قريصة الملح راس م ص خميرة الحلوى الدقيق حسب الخليط 600جرام تقريبا تنخدمو السكر مع الزبدة =بيضة=الزيت و الملح و بودرة اللوز والطحين مع الخميرة نخليها ترتاح ربع ساعة فالتلاجة لما ترتاح غنخرجوها نقسمو العجين على جوج واحد غيبقى ابيض بدون اضافات غنخليه فالتلاجة ووالتاني غنزيد فيه نص م ك نسكافي حبوب و الكاكاو حتى يولي اسود الا قساحت العجين نزيد فيها شوية الماء غنطلقو العجين بالدلاك بين جوج ميكات نرققها حيت غنلصقوها ظˆطط¯ط© فوق ظˆطط¯ط© بالكراميل و ندهنو من الفوق بالكراميل و نزينو باللوز كونكاسي اللي لونا بالاسود طريقة تلوين الكونكاسي = كندخلو يسخن فالفران نخرجو و ندهنو بالزيت و هو سخون و نبقى نفتلو بالكاكاو حتى يولي اسود دابا غندوزو الشكل التاني الطارطوليت بالكراميل واللوز = غناخدو العجين اللي قسمنا من التلاجة غنطلقوها حتى هي بين جوج ميكات و نقطعها بطابع دائري يكون كبير شوية و غنلبسها للطارطوليت ونطيبهوم خاويين لما نخرجهم نوجد اللوز افلي نحمرو و نهرسو شوية غير بيدي و نخلطو مع الكراميل و نعمر المولات ديالي بعدما طابو خاويين ونرجعهم للفران غير تشد العمارة شوية ونخرجهم يبردو ونسيرهم بالشكلاط الاسود الصور كتوضح اكتر كيجيو لداد بزاف يا الله شي دعيوات اليوم الجمعة
hgsghl ugd;l k,udk lk hgwhfgd fu[dkm ,p]m , lojgtdk thgl]hr ,[]m
تبارك الله عليك
نسيت الصابلي النيكرو كتعملو شوية البريون اصفر فوق الكونكاسي الاسود غير شوية باش ميجيش عروبي منسوسوهش كيهبط بزاف غير نمسحو بصبعنا شوية
تبارك الله عليك اختي غزال الله يعطيك صحيحتك وينولك للي فبالك
سلمت يدااااااااااااااااااك هادشي غزال
تيبارك الله عليك الله يعطيك الصحة
تبارك الله عليك الحبيبة جبتي ليا البلية هههه ختك كتحماق على هاد الشي التقليدي الله يعطيك الصحة ويحفظ ليك وليداتك للاسف التقييم مابغاش يدوز ليا يجب أن تضع للبعض سمعات قبل إعطائها إلى ستيلست مرة أخرى. لك مني 5 نجوم كتقييم
تيبارك الله عليك الله يعطيك الصحة
تبارك الله عليك شكيلات فنين تم التقييم
بصحتك ا ختي زوينين