السلام عليكم ورحمة الله وبركاته
هذا بداز (كسكس الدرة) درته بالقديد
وان شاء الله نعطيكم طريقة القديد من بعد
ناخذ القديد ونفزكوه في الماء باش يرطاب وماتبقاش فيه الملح بزاف لمدة ليلة ويصفى من الماء
تنجهزوا الخضر
الوركية ربطة
المكور
اللفت الابيض
اللفت الاصفر
خيزو
قرعه حمراء
القرعه خضراء
ربطة القزبر والمعدنوس
الفلفلة حارة
1مطيشة طريه1م/ك من مطيشة الحك
البصلة
الحمص
الفول الاخضر
الخضر اختيارية حسب الموجود وادا كانوا كلهم روعة
الملح(ما نكثروه لان القديد مالح)
الزيت بلدية
السمن
البزار
السكجبير
زعفران
الطريقة
نقليو القديد مع التوابل
والبصل ونضيف الطماطم
نضيف الماء ونتركه حتى يغلى
ونضيف الحمص ونخليوه يطيب مع القديد
ومن بعد نضيف الخضر ونخليوه القرعه الحمراء والخضراء والفلفل حتى الاخير
في القصعه ندهنوا الدرة بالزيت البلديه ونرشوها بشوية الماء ونديروها في الكساس
نعاودو العمليه 3 المرات بحال طريقة الكسكس العادي
في الطلعة الاخيره ندهنوه بالسمن اوا لزيت بلدية حسب الرغبه
نديرو الكرعه والفلفلة في البرمة
ومني نبغيو نسقيو نحاولو ما نبردوش بداز
بسرعه نحطو الكساس في القصعه ونسقيوه بالمرق والخضر
ونقدمو المرق الباقي في زليفات صغار
بالصحة والراحة ومنقولكمش على الطعم والريحة تيجي لذيذ بزااف
واللى بغى صيكوك الدرة هاهو واجده معليك غير تضيف الكسكس اللبن
وبالصحة والعافية
Read more: https://www.anaqamaghribia.com/vb/sho…#ixzz2ti29ZulX
31/08/2019
كيف دايرين انيقاتي
ها انا ليوم جبت ليكم واحد 2 قصريات ديال باداز وحدة بالدجاج والتانية بالقديييييييييييييييييييييييييد ممممممم ههههههههههه
نحتاج
مطيشة كتيرة حينت كيبغي تكون بزايد ماشي بحال كسكسو
5لبصلات مشنفين
ملح
بزار
خرقوم بلدي
سكينجبير
ملعقة ديال مطيشة الحك
دجاج او لحم
زيت بلدية
للخضر ديري فيه كلشي وبالخصوص الفلفة حلوة والحار
ندير كل المقادير في البرمة ونزيد عليه الدجاج ونخليه يتقلى مزيآآآآآآان تايتلق المرق دييالو
هانتوما شوفو كيف طلق المرقة ديالو
من بعد نمرق بالماء طآآآايب جهد للي يكفينا ونخلوه يغلي
من بعد نرمو الخضر للي عندنا
انا درت فلفلة الدنجال كرعة خضرا وحمرا ديال الواليدية ههههه وفلفلة حارة والخيزو
من بعدو ندوز لباداز
نغربلو
تم نسقيه بالماء ونكسكسو مللي يتخلط بالماء ندلكو مزيآآآآآآآآآآن عكس كسكو كيف ما باين ليك في الصورة
نخدمو ايدنا بجوج في الدليك
من بعد نغربلو ونديرو يفور مزيان
من بعد مايفور نسقيه شوية وهوا مازال في الكسكاس من بعد نحلو مزيان وبلا منكتر ليه الماء ونرجعو يفور
من بعد نعاود نحلو ونشوف الا كان خاصو الماء نوصيكم ان باداز ماكيبغيش لماء كتير باش يشرب ليكم مللي تسقوه
من بعد ندير ليه الملح ولبزار ونعاود نفورو تفويرة الاخيرة
من بعد ندير ليه السمن ونسقيه
وهاد القصرية ديتها لشي ناس ولكن بالقديدددددددددد ممم جات بنيييييييييينة ما شهيتكم هههه
اوا كيف جاتكم حداكتي
عبدية حرة ولا لا هههههههههههههههههههههه
Read more: https://www.anaqamaghribia.com/vb/sho…#ixzz2ti2dnC00