السفر على الابواب كيفاش كنوجدو البليزات ديالنا

السلام عليكم انيقاتي كيدايرين رمضان مبروك يدخل عليكم بالرزق والتسير
حبت نفتح هاذ الموضوع باش نستافدو من بعضنا ونتشاركو طرقنا في تجهيز للسفر
متلا شهر شحال كتديو من لبسى
انا كنمشي فالطمبيل وكنبقى نشري العام كامل غير بوحدي بليزة وملي كنوصل كلبس لبسة ولا جوج لكنرتاح فيهم وشي لاخر نيرجع كيف ديتو وديمة كنقول صافي منعاودش هاد الغلط المرة الجاية ندي غير خمسة ولا ستة ديال اللبسات صافي وكنلقى راسي معا ودة نفس الغلط
اليوم وجدت حوايجي بقيت هادي زوينة هادي زوينة حتى جمعت بليزة بوحدي مع اني كنت باغية نجمع فيها حوايجي وحوايج زوجي
متلا البنات ستة ديال السمنات شحال تكفيني من لبسة باغية هاد العام نسافر ونتسارا شوية
ولادي درت ليهم كاع لحوايج ديال الصيف لي عندهم اكترية الصغير عام ونص كيبغي يبدل بزاف ضغيا كيوسخ حوايجو
يريت تعطيوني اراكم
وتجاريبكم مع ط§ظ„ط³ظپط± بالسيارة

---

hgstv ugn hghf,hf ;dtha ;k,[], hgfgd.hj ]dhgkh

انا نزلت شهر ،، ديت باليزا فيها حوايجي و حوايج راجلي ،، 3 تبديلات ديال لخروج ليا و 4 لدار و لبيسة زوينة لدار او لمناسبات ،،

أنا عاد جيت هادي 12 يوم جينا بالسيارة ، ماجبتش بزاف الحوايج ليا لحقاش ديما ندير نفس الغلط لي كديري ههههه جبت 5 ديال التبديلات ديال الخروج ، وبيجامات 5 ، وغادي نشري الكنادر ديال الدار نبدل فيهم جبت قفيطين وغوب ديال المناسبات صافيييييي
بناتي شريتلهم كلشي جديد جبت كاع لي شريت
وراجلي جاب لي يكفيه
غادي نبقاو تقريبا شهرين ان شاء الله

انا مازال ماكتاب لينا نمشيو للمغرب دابا قريب 3 سنين

ختي حوايج بزاف غي كايرونو

أنا كاندي معايا ع لبيسة واحدة كلاس و جوج خفاف لسفر و فاش كنمشي كانخد جلابة لعرايض و جلابة خفيفة لدوران ديال لمدينة كانمشى موحشة الجلابة ههه
بيجامات واحدة لنعس لا غير و كندير جوج أو ثلاثة ديال لابسات طوال غي حنت كنمشي عند ناسي هم الأولين كن كنت نمشي لدارنا مندي والو

و صبابط لي ف نظري مهمين ديري واحد للحضور و واحد لدوران و شي حاجة خفيفة باش تمشي في المدينة و صندلة ديال دار

تبارك الله عليكم البنات خاصني نمشي نقص داك لعجب لي داية راه ختكم داية 14 لبسة اما الجلالب مكيعجبونيش داية قفيطن لعين صافي واحد الكندورة اما لحضور مكنمشي فين كلشي كيدير مناسباتو وحنا هنا يا اما حتى كنرجعو ولا فالربيع المهم ديمة ملي كنكونو هنا عاد كتكون شي حاجة بيني وبين شي عرس ولا شي مناسبة عشر سنين اخر عرس حضرتو كاع لكانت سي حاجة نمشي نكري شي حاجة اخر مكاين ونوض نايضة
راجلي ديت ليه غير تبديلات خفاف حيت مخليا ليه لحوايج فالدار فالمغرب وغادي نحاول نخلي حتى حوايجي باش نبقى نمشي خفيفة ندي غير خفيف صافي غدى نقص شوية من داكشي نخلي منو لعطلى الجاية انشاء الله

بالنسبة للصبابط الله يستر ختكم كتدي بليزة ديال الصبابط السبرديلات الصناضل الصبابط وحتى شي حاجة مكتلبس هاد المرة غندي غير جوج صناضل وكونفيرس وصباط كحل يمشي مع كلشي والسيكان ندي غير جوج داك العام ديت ستة راحلة هههههههه

تبارك الله عليك اختي والله الا عبرتي اصلا مكلبسوش غير كنمشيو متقلين بالشراوط انا العام ليجي نقول صافي مالي على حالتي وهاد التقل والفلخر ملي نبداى نوجد نلقى راسي معمرة بليزة

انشاء الله تمشي عن قريب اختي وتفرحي بشوفت الاهل على خير وضوري وتفوجي شوية

على سلامتكم ازين كلقيتي العايلة انشاء الله كلشي بخير عواشرك مبروكة
والله عبرتي راه مزال تشري تمى الا عجباتك شي حاجة
حتى الدراري ديت ليهم كلشي الصغار يبغيو يبدلو بزاف خاص لحوايج كتار
حتى انا انشاء الله غنكلس شهر ونص وفوجي مع راسك متفلتي حتى لحضى راه كنتمناو فوقاش يدوز العام ونمشيو هههههههههه
هاد العام بغيت نسافر عيت مقابلة غير الدار والصليح طلع ليا داكشي فراسي قلت هاد العام نمشي نفوج واخا غير سمانا بعدا