الزواج من اجنبي

السلام عليكم اخواتي، شكون فيكم مزوجة باجنبي و كيف هي حياتها الزوجية اقصد متفاهمه مع راجلها واللا كيما كيقولوا كاين اختلافات بزاف من حيث الثقافة، التقاليد …

---

hg.,h[ lk h[kfd ho,jd

اختي اويء الله يجعل كلشي مبارك مسعود تاني شيء انا مزوجا باجنبي وعادي بحالو بحال المغربي ونزيدك انه الرجل لي يحب المراة يولي خصو هو يتعلم اي شيء كايخصها لهجتها وتقافتها وتقاليدها متلا انا راجلي ولا يفهم الدارجة ويهدر بيها وخا شويا تقيل وبالنسبة للتقاليد كاتعجبو بزاف خصوصا فالمناسبات هو كايدكرني ويسول ماما او خويا ويروح يوصيلي ويجيبلي وكلشي وديما تايقولي تقافة المغرب متعددة ومنفتحة ناهيك عن تقاليد المغرب غنية عن التعريف انا بالنسسبة ليا ولله الحمد مالقيت ادنى مشكل معاه عايشين عادي اغلب الاحيان تانطيب اكل مغربي فاش كانبغي نوع وكاتكون الكانة كانفاجؤو باكلهم لي طبعا تايكون عندهم اكل فمناسبات معنة فاش كانطيبولو كايحس بحال يلا راه فدارهم ومعروض لشي عرس او او وتايشكرني اهم شيء التفاهم من الطرفين والاهم من هدا انه تكون زواجكم عن اقتناع كبير وتفاهم واختيار من الطرفين وماخليتو بحتى شي بند متلا تزوجتووتعدب وجابك ومشيتو دقة دقة وكلشي برضا الوالدين فكانمضن بانه انشاء الله كلشي غادي يكون هو هدا اي رجل فالعالم يحب المراة القوية الشخصية الصبورة والحكيمة ناهيك عن المتفهمة والباقي كلو يتعلموه بزوج بالحب وبالحوار ووووو كانضن حياتهم تكون افضل ممكا يتمنو ربي يسعدكم ويكمل عليكم بالخير اختي فين غاديا تزوجي انشاء الله

اختي كتعقيب وسمحيلي انا مكانشوف ادنى تلاويح بالنسبة للولاد اصلا المرسم او دارنا راها فبلاد وهي لي كانعيشو فيها اكتر الشهور السنة وبالنسبة للزيارات راه كانحاولو فالصيف كانمشيو عالاغلب المغرب وفالعطلة التانية كانمشيو لدارهم وبالنسبة لاخوتو ولا واللديه كتنحاول ديما تكون زياراتهم وكانحاول نجمع ماما ومو فنفس الوقت يجيو يبركو معايا شويا وهكدا انا كانشوف ماشي الاهم فين مزوجا داخل المغرب او خارجه ولكن الاهم بمن انا متزوجة هل يستحق الزواج به امام الله يعني هل هو قدوتي بخصوص ديني واش على خلق واش اكتر دراية بامور الدين بصفة عامة باش يعلمني ونعلمو ولادنا واش قادر يخليني نبني معاه طوبة طوبة لدارنا لي فالاخرة انشاء الله اما بالنسبة للولاد راه تعلمهم داخل البيت لي كايعيشو فيه اما خارجه او فاي مكان راه غير تكملة ونحمدو الله الف مرة اننا جينا فوقت لي فيه كلشي كا يقربك الهاتف النت ووووو اما شحال هادي مكان لا هادي ولا هاديك والحمد لله كانو عايشين ولادهم ترباو افضل تربية واحسنها بل هما فخر لاجيال لحد الان نتخد كتير ناس قدوة لينا لان عمر الغربة كانت هاجس باش نقول ندمت علاش تزوجت اجنبي لانه الحاجا لي تجي من عند الله ولي مكتوبة على جبيني عمرني ندم عليها بالعكس نفرح ونشكر الله اكثر فاكتر وسمحيلي على تعقيبي

اهلا وسهلا بهاد الهرابة فين غبرتي علينا أنا وراكي والزمن طويل هههههههههههههههههههههههه كيف دايرة لاباس عليك كاين شي اوليدات في الطريق فرحينا وكيف دايرين داركم وما عز عليك؟؟؟؟ أنا مثفقة معاك في اللي قلتيه للأخت وكنصيحة حتى أنا نقدمها لصاحبة الموضوع واخة انا أختي باقي ما عشتش معاه ولكن الحمد لله مفاهمين ويكفيني انه فاهمني وكيبغيني وكيحترمني ويقدرني أكثر من أي شخص فكرت شي نهار نرتبط به للأسف أختي راه حتى واحد ما كره الخير لراسه شكون اللي كره يسكن حدا والديه و يبقا قريب منهم وفي بلاده انا بالنسبة ليا ما عمرني فكرت نرتبط مع شي حد خارج بلادي ولكن الارزاق والمكاتب ولأنه أولاد بلادنا للأسف المعقول ما بقاوش بغاوه، أنا هدا الشخص الاجنبي لقيت فيه داكشي اللي ما لقيتش في ولد بلادي اللي إيلا ما جاتك منه هو كتجيك من دارهم ولا خواتته ديما كيكون شي عائق واخة أنتي ما ليك حتى دنب في الحكم ديالهم عليك لدلك أختي كيفما قالوا ليك الأخوات ما تشوفيش مسألة اختلاف الثقافات والأفكار ولكن شوفي الانسان اللي اختاريتيه واش كيبغيك كيخاف عليك متشوق يكمل معاك حياته في ما يرضي الله والرسول والقرار النهائي كيرجع ليك لأن كل واحد وكيف داير ما يمكنش نحكموا على شي إنسان واحنا ما عارفناه ما عاشرناه غير لأننا سمعنا مجرد كلام أو تجارب ناس اخرين ما اتوفقوش فيهم والله يسر ليك ولينا ما اصعاب من أمور

إختي حتا انا مزوجا اجنابي ولحمدو الله متفاهمين علا لكبيرا وعلا اصغيرا وخا كنختالفو فشي حوايج بصاح معندهوم حتا شي علقا لانه اجنبي بلعكس وخا تزوجي ولد لبلاد غدي يكون ختيلاف ف وجهات انضر لانه منين كتزوجي واخا ولد بلادك يقدر ميكونش منفس لمدينا وهانتي غدي تختالفو ف لعدات وتقاليد لانه صحاب اشرق ماشي هوما صحاب لغرب وصحاب لجانوب ماشي هوما صحاب اشامال و فنفس لوقت غادي تكوني مغربا ونتي ف بلادك بصاح حاجا وحدا لي تكوني رابحاتها هياادين لانه دين واحد ف لمغريب كولو تربحي لفرحا ديال لعيد ولفرحا ديال لحباب ماشي كيما هنايا لعيد ماهو عيد و خصكي ديري فراسك هنا انكي غادي تكوني بوحدك لاحباب ولا صحاب لحقاش هدا لبلاد هكدا ديرا مكاينش لوقت حتا لحاجا بصاح ماشي زواج من اجنبي لي مامزيانش بلعكس هوما رحما من ولاد لبلاد في بعد لمرات بصاح بلادهوم لي ديرا هاكدا منين نتجي غدي تولفي وتندامجي فكري مزيان يلا كان مقتانع بدينك ماتخفي حتا مشي حاجا لانه هوما عندهوم كلما وحدا ماشي بحالنا نحلفو علا لكدوب كنتمنا نكون فدتك

إختي حتا انا مزوجا اجنابي ولحمدو الله متفاهمين علا لكبيرا وعلا اصغيرا وخا كنختالفو فشي حوايج بصاح معندهوم حتا شي علقا لانه اجنبي بلعكس وخا تزوجي ولد لبلاد غدي يكون ختيلاف ف وجهات انضر لانه منين كتزوجي واخا ولد بلادك يقدر ميكونش منفس لمدينا وهانتي غدي تختالفو ف لعدات وتقاليد لانه صحاب اشرق ماشي هوما صحاب لغرب وصحاب لجانوب ماشي هوما صحاب اشامال و فنفس لوقت غادي تكوني مغربا ونتي ف بلادك بصاح حاجا وحدا لي تكوني رابحاتها هياادين لانه دين واحد ف لمغريب كولو تربحي لفرحا ديال لعيد ولفرحا ديال لحباب ماشي كيما هنايا لعيد ماهو عيد و خصكي ديري فراسك هنا انكي غادي تكوني بوحدك لاحباب ولا صحاب لحقاش هدا لبلاد هكدا ديرا مكاينش لوقت حتا لحاجا بصاح ماشي زواج من اجنبي لي مامزيانش بلعكس هوما رحما من ولاد لبلاد في بعد لمرات بصاح بلادهوم لي ديرا هاكدا منين نتجي غدي تولفي وتندامجي فكري مزيان يلا كان مقتانع بدينك ماتخفي حتا مشي حاجا لانه هوما عندهوم كلما وحدا ماشي بحالنا نحلفو علا لكدوب كنتمنا نكون فدتك

3lash albnat makatgolosh jinsiyat azwajkom??

ختى انا مزوجة باجنبي امريكى الاصلا طبعا مسلم ولكن حنا عربية بغين رمنسية وحنان هما عشوها فيمات الجاهلية وخا ره حس بيك مرة مرة ويدر ليك خاطرك ولكن لى كفقص فيهم انهم عدمين المسؤولية من راجلى ورجلة صحبتى انا فى مغرب دبا 3سنوات وهو دبا فى امريكا مبغاش يدفع لية لورق لاسبب خاص بيه هدى فهمنها وانا ولدة معه ابنى عند عامين يختى الى مصيفطت وكلت ليه خاصنى لفلوس ميصيفط بحدو وانا مشى مدية يعنى بغي غير بش نلبي طلبات ابنى غير خليها على الله مهم انا غدى نكول ليك وحد نصيحة الى لقيتى مغربي احسن ليك والى كنتى مرتحا مع هد الاجنبي استخيرى والله يكمل عليك اختى بلفيه خير

السلام عليكم حبيباتي أولا كنشكركم على المشاركات ديالكم التي اسعدتني بزاف، ثانيا كنستسمحكم لاني ما موضحت السؤال ديالي مزيان حتى أنا متزوجة من أجنبي هدي تقريبا 5 سنين و عندي بنوته عندها 3 سنين, انا بغيت نعرف واش كتاثر الاختلافات الثقافية و العادات على الحياة الزوجية ولا لا.
في الحالة ديالي المشكل اللي كنلقاه مع راجلي هو ملي كنمشيو للمغرب مكينسجمش بزاف مع العائلة كيقول لي هما يهضروا بالعربية و انا مكانفهم والوا وخا هوما اقصد اخوتي كيحاولوا يهضروا معاه بالفرنسية ولكن هو مكيدير حتى شي مجهود فوق من هاد الشي نتوما عارفين حنا العرب عزيز علينا التجمعات العائلية هو ولف بوحدوا مكايكونش مرتاح ماكيبغيش ياكل ( كثرة بنادم و كثرة الهضرة ) مامولفش هاد الشي صراحة وليت نفضل نمشي للمغرب بوحدي كيعصبني بزاف ….. اش نقول ليكم بزاف ما يتقال