الريحة ديال التلاجة

أنا عندي حد لمشكل تيبرزتني كل
مرة مقابلة تلاجة نمسح أوالو بلا نتيجة عفاكم آتوني شي هل ننفع به راسي او الله إجيزكم بخير مبغتش نبقى نهال تلاجة انشم شي حاجة

---

hgvdpm ]dhg hgjgh[m hgegh[m

حيت تبغي تمسحيها الحبيبة مسحيها بالخل مزيان و حطي فيها القهوة مطحونة في شي قرعة و خليها محلولة هي كتشرب الريحة كاملة و هادشي لي عرفت نتمنى الأخوات يفيدوك

lahla ikhtttik akhti ..lkhal tandiro liha mais chwia tani nl9aha kimma lawwwl dghia tatkon khaiba yala wlla andi had lmchkil….ghnjarrab dial l9ahwa chokran bassssf akhti

بلا جميل الحبيبة جربيها على الله تنفعك و تحيد ليك الريحة

ديري أختي شي حاجة فيها شوية ديل بكربونات مع قشور ليمون معمرك تشامي شي ريحة ف تلاجة

المشكل اللي عندي انا هو الفريكو المجمد كيخلي لي واحد الريحة فالماكلة اللي كنحط فيه وخا نكون سادة عليها مزيان
شكون اللي واقع ليها بحالي

السلام عليكم و رحمة الله و بركاته

أنا دايرة كموسة فيها القرنفل، و تقولي واش كينا فيها شي ريحة
و إذا كانت رائحة كريهة، طبخ الخل + بيكربونات صودا و خوي الثلاجة و دخلي الكاسرونا و هي تا تغلي و سدي عليها، شي ساعة و ديري شيفون ناشف و مسحها

أنثري بيكربونات صودا في القاعدة راه تا يمص أي رائحة غير مرغوب فيها

الله يجازيكم حتى أنا ثلاجتي بحال الأخت

حطي فيها طريف ديال الفاخر