الرفيسة ديالي بالتفصيل الممل

كمية من الدجاج
2 بصلات مقطعين جوانح
ملح
بزار
سكنجبير
خرقوم بلدي
معلقة صغيرة عامرة دالمساخن
معلقة كبيرة سمن
شوية زعفران حر
كمية من العدس والزبيب

عجينة المسمن

كمية من الدقيق
كمية من القمح
ملح
شوية سنيدة
قبصة خميرة حلويات

بسم الله نبداو وصفتنا

نعجن الدقيق والقمح بالماء دافئ وندلك العجينة ط¯ظٹط§ظ„ظٹ مزيان، ندير زلافة فيها الزيت ونبدا نشكل منها كويرات صغيرة

نخليها ترتاح شوية، من بعد نبدا تنكرّصها رقييقة، ونسخن المقلة مزيان، ونبدا نصهدها فالمقلة، وحدة فوق وحدة، كيفما كتشوفو فالصور

من بعد ما كملت ليهم الطياب

تنلويهم ونقطعهم بالمقص

ندوزو دابا للمرق، فالطنجرة عملت
الدجاج
مع2 بصلات مقطعين جوانح
مع الملح
والبزار
والسكنجبير
والخرقوم بلدي
ومعلقة صغيرة عامرة دالمساخن
+معلقة كبيرة سمن

عملت الماء وشوية الزيت لبلدية وخليتهم يتشحرو مزيان، من بعد زدت عليهم الزعفران ، ومن بعد بللت بالماء وزدت عليهم العدس

منين بدا الماء تيغلى، زدت عليه الزبيب

وعاد درت المسمن ديال التريد فالكسكاس وخليتو يتبخر تقريبا شي 15 دقيقة، حتى كتحسي بيه ولاّ رطب داك المسمن

وهاهو من بعد م وجد، زينتو بالبيض مصلوق

كنتمنى تعجبكم طريقتي