تم التثبيت بتاريخ 01.11.2019 أم هنية ومنصف السلام عليكم ورحمة الله وبركاته ليوم تغدينا بالرفيسة الزيادية تعلمتها من الوالدة الله يخليها لينا وهي تعلماتها من امها اي جداتي وهاد جداتي هي لي زيادية هههههه الله يطول في عمرها يا رب . غنحتاجو للدجاج او اللحم او بيبي انا درت الدجاج وكلهم كتجي بيهم بنينة البصلة مشلضة انا درت 4 بصلات والعدس تقريبا رابعة وكيلو سميدة غليضة والعطرية ( ملح وابزار وخرقوم رومي وخرقوم بلدي ) صافي غير هاد العطرية والزيت طبعا . 
اولا كنديرو السميدة في القصرية وكنديرو معاها شوية الملح باش متجيش مسوسة والزيت تقريبا كاس تاع الزيت 
وكنخلطوها بماء دافي وكنبقاو نخلطو حتى ترطاب وخاصها تكون جارية شوية باش تجي رطبة 
وكنديرها في المقلة الثقيلة وندخلها طيب في الفرن على عافية عادية بحال طياب الخبز 
ملي كندخل الحرشة طيب كنوجد المرقة كندير الدجاج او اللحم وكندير معاه العطرية يتقلا شوية وكنضيف البصلة مشلضة 
ملي كتقلى البصلة شوية كنزيد العدس منقي ومغسول وكنمرقها بالما الكافي باش منبقاش نزيد انا درت كوكوط تاع 4 لتر ودرت الما حتى لدوك النحاسات الفوقانيين وكنخليها طيب 
ملي طابت الحرشة خرجتها من الفرن وكنبقى نقطع طرف كبير نديرو في منديل وندقو بالمطرقة حتى نكملها كاملة وهي ملي كملتها 
درتها في الكسكاس تاع الكوكوت ودرتها تفور طبعا ملي كنحسو ان المرقة طابت 
هاهي ملي حيدتها من الكسكاس كنديرها في القصرية وكنسقيها 
خاصها تسقى مزيان يعني يكون لما كافي نكبو لما حتى تغرق ونبقاو نحركو بالمغرف راها كتشرب الما كلو ومحدها كتبرد وهي كتقساح ضروري يكون لما كثير والا غتجي قاسحة وناشفة كنصفيو العدس واللحم من المرق في الصفاية وكنضيف المرق للحرشة 
وهاهي ملي وجدات صدقوني كتجي بنينة بزاف وخااااااااااااصة ملي تكبي عليها الزبدة بلدية من فوق كتجي راااااااااائعة ملاحضة ( البصلة لتقلات مزيان مكتجيش باينة فحال هكا انا حيت كنت مزروبة مخليتهاش تقلات مزيان)
hgvtdsm fhgpvam ( hg.dh]dm) hgsdhpdm
نسيت نقول ليكم كتجي فيها الحلبة زوينة ولكن مع الحال باقي سخون مدرتهاش
تبارك الله على بشبش أول مرة نشوف رفيسة بالحرشة وباينة لذيذة الله يعطيك الصحة نتي ومشاريعك الناجحة ههههه
المشاركة الأصلية كتبت بواسطة أم أسووومة22 
تبارك الله على بشبش أول مرة نشوف رفيسة بالحرشة وباينة لذيذة الله يعطيك الصحة نتي ومشاريعك الناجحة ههههه الله يبارك فيك ختي راها بنينة بصح غير زعمي وجربيها راها ساهلة
تبارك الله عليك اختي ،حتى انا اول مرة نشوف الرفيسة بالحرشة ،فكرة زوينة للتغيير بصحتكم
تبارك الله عليك أختي الله يعطيك الصحة تم التثبيت والتقييم
بشبش وجد جوج كصعات اخرين عندك الضياف بزاف اليوما ههههههههه الذين يشاهدون الموضوع الآن: 26 (2 من الأعضاء و 24 زائر) حنيني لذكرياتي,أم هنية ومنصف
ماشاء الله على الحادكه ديانا بصحتك الرفيسة بالحرشه اول مره نسمع بيها باينا كتجي لذيذه الله يعطيك الصحه ويبارك لك في الوالده ديالك وجداتك تستهلي احلى تقيييم
الله يعطيك الصحة أختي رفيستي المفضلة عندي فعلن كتجي لديدة غير أنا مكنديرش فيها لعدس
تبارك الله عليك حتا ماما كاديرها و كتجي فنة حتا مع الحلبة وراق و الزبدة بلدية شكرا