السلام عليكم و رحمة الله تعالى و بركاته و الصلاة و السلام على أشرف الخلق حبيبنا و نبينا محمد صلى الله عليه و سلم ديما كنلقى بأنه الأخوات كيعانيو من الغمولة سواء ديال الحيط أو البلاكار أو الحواييج و اليوم جبت لكم حل ماشي نهائي ولكنه جيد و فعال إن شاء الله أنا شفتو فواحد البرنامج فرنسي و طبقتو المهم المسائل اللي أنجتاجو كلها متوفرة عندنا فالدار أنحتاجو: قنينة بلاستيكية قطن زيت أساسي من الأفضل يكون ديال الخزامة أو الأليفرا أو أي ريحة تحبو أنا مكانش ط¹ظ†ط¯ظٹ عوضتو بالزيت الرومية بابيي موشوار أو سبارادرا la gaze الملحة الحرشة أو الفاخر أو بيكاربونات الصوديوم وهادو هم الأساس 
كنشدو القنينة نقسمها لقسمين و كنمسحوها مزيان من قطرات الماء 
كناخدو الجزء السفلي و كنوضعو داخلو القطن 
و نقطرو 5 قطرات من الزيت الأساسي و نوضعو الجزء العلوي مقلوب و نلصقوه بالسكوتش باش مايدخلش الهواء للداخل 
و نوضعو داخلو الفاصمة la gaze أو بابيي موشوار المهم توب يكون مهوي و نعمروها بالفاخر أو الملحة الحية (الحرشة) le gros sel أو البيكاربونات 
ونعاودو نغطيوها ب لاكاز أو بابيي موشوار و نلصقوها بسكوتش تاني 
و كنحططوها فالقنات اللي مخبيين فالبيت أو وسط البلاكار المهم كنحاولو تخزنوها على الدراري الصغار و حتى لأنه المنظر ديالها مزوينش في انتظار نلقاو شي طريقة اللي يكون فيها المنظر زوين نتمنى أنكم تجربوها لأنها فعلا كتمتص ط§ظ„ط±ط·ظˆط¨ط© و راه كنبدلوها كل مالقينا بدات كتندى أي إلى لقينا فيها قطرات ديال الماء
hgv’,fm ig;hj; , ig;hj p,hd[; fhgyl,gm Y,h ]ogd uk]d gd; hgpg dkh]d; ikh
فكرة غزالة و عملية تبارك الله عليك. الله يعطيك الصحة
فكرة عملية الله يعطيك الصحة
المشاركة الأصلية كتبت بواسطة om saaddin 
فكرة غزالة و عملية تبارك الله عليك. الله يعطيك الصحة أمال فين غبرتي علينا أصحبتي أش خبارك توحشناك
أحلام و أم ندى مشكورة على التشجيع
الله يبارك فيك اختي و يجزيك دنيا و اخرة لكي احلى اعجاب و تقيييم
تبارك الله عليك جاري التجريب
جزاك الله خيرا اختي على هاد الطريقة
مرحبا بكم أخواتي و مروركن شرفني