المقادير:
العطرية +تنسيمة ماجي
تحضير الروز:
اول شيء نفزكزوه مزيان بالماء و نغسلوه ثم نضيفو لو ضعف ديالو ديال الماء مثلا لو درتي 2 زلافات ديال الروز ديري 4 زلافات ديال الماء ثم نزيدو عليه معلقة ديال الملح ,معلقة ديال الزيت البلدية, ثم نصف خنيشة ديال تنسيمة ماجي و نغطيوه و نديروه على نار مهيلة و خليه حتا يشرب الما كاملو عاد طفي علية
تحضير الدجاج :
في طنجرة نديرو الزيت الرومية حتا تسخن و نحطو فيها الدجاج نسدو عليه و نخلوه حتا يتحمر مزيان
من بعد نضيفو كاس صغير ديال الماء و نزيدو عليه العطرية ملح+ابزار+تحميرة+شوية سكنجبير+خرقوم+ضرس صغير ثومة نخلطوهم مزيان حتا تذوب العطرية عاد
نزيدو عليهم البصلة و مطيشة مقطعين
من بعد نزيدو ط§ظ„ط®ط¶ط± اللي سبق لينا قطعناهم نستفوهم فوق من الدجاج بهاد الترتيب
اللفت+خيزو+كورجيت+الدنجال+كرعة الحمرا+كرومب+الفول+ الجلبانة
قبضة ديال المعدنوس و القزبر+نصف الي بقا من التنسيمة وفي الاخير نزيدو الما اللي سبق لينا دوبنا فيه ضمه البنا
حتا تتغطا لينا الخضرة و نسدو عليهم و نخليوهم يطيبو في نار متوسطة
من بعد ما وجد لينا الروز و الدجاج بالخضرة
نزلو الروز في طبق التقديم و نستفو عليه الخضرة و نسقيوه ب شويه ديال المرقة حينت الروز ما كيشربش البلول
من الاحسن نرافقو معاه المرقة في زلافات اللي بغاها يزيدها
و في الاخير نحطو الدجاج فوق من المرقة و راه كيجي بحال الا محمر
ملاحظة هامة :
ما تبقاوش تحركو الخضرة من تكون كتطيب راه غادي تهرس و تفقد الشكل ديالها و غادي تذوب ليكم حتا الكرعه من الاحسن خلوها بلا تحراك من تحطوها في الطنجرة حتا تطيب
يمكن ترافقي هاد الطبق باللبن
تم تصغير الصور بواسطة أم آدم2019
hgv. fhg][h[ , hgoqv fhgw,v
تبارك الله عليك باين لذيذ
الله يبارك فيك اختي العزيزة فعلا هو كيجي لذيذ بزاف
