سمحولي مصورتش الطريقة بالتفصيل و لكن غدي نحاول نشرحلكم بشكل مبسط باش تفهمو
المقادير
لتر حليب (كندير سنطرا او جودة)
دانون فاني بحرارة المطبخ
7 معالق كبار سنيدة
ساشي فاني
الطريقة
كنديرو لحليب يفيض منين يفيض كنطفيو عليه و نزيدو السكر و الفاني و نحركوه بشي مغرفة ديال لخشب
نخليوه و ساعة ساعة نحركوه باش السكر و الفاني يدوبو
منين يرجع دافئ يعني سخون ولكن مكيحرقش (تقدري تجربي غير بصبعك صغير)
كنخدو دانون و نمخدوه مزان حتى يرجع جاري و نزيدوه على الحليب و نحركو مزيان باش تنسجم العناصر (خاص دانون ميبقاش مفرتت وسط الحليب من الافضل مخضيه مزيان و منين تحليه زيدي عليه شي جوج معالق ديال لحليب و حركيه مزيان و عاد زيده على لحليب الدافئ)
كتكوني موجد الكيسان عمريهم و ستفيهم فشي بانيو فيه شوية ديال الماء طايب
و غطي بشي ميكة و شي زيف
سخني لفران و طفيه و حشي فيه البانيو يبات
(هاد الطريقة دريها ايلا كان الحال بارد يعني داك الماء طايب كيساعدو باش يجمد و لكن ايلا كان الحال سخون ستفيهم غير فشي بلاطو غطيه و حطيه فاي مكان حتى لصباح)
راه كيصبح جامد ديريه شوية فالتلاجة و قدميه بالصحة والراحة
نتمنى نكون وصلتلكم الطريقة و يلا كان شي استفسار انا موجودة
hgvhdf hg[hl] f’vdrm hglpgfhj hg]hld
جزاك الله خيرا
لك مني أجمل تقييم
جاك غزال ماشاء الله ، جربت واحد البارح ولكن مصدقش جاني جاري شوية ماعقدش مزيان
ممكن أختي تقولي ليا شنو هو مشكل
الله اعطيك الصحة
أحلى تقييم
المشاركة الأصلية كتبت بواسطة fiirdawas 
جاك غزال ماشاء الله ، جربت واحد البارح ولكن مصدقش جاني جاري شوية ماعقدش مزيان
ممكن أختي تقولي ليا شنو هو مشكل
الله اعطيك الصحة
أحلى تقييم
الله يبارك فيك اختي شكرا بنسب لرايب لمصدقش ليك ربما غير الجو هديك سعا كون درتيه فكيسان اكبي لماء طايب فكوكوط وحطي فها الكسان حتى يشد رسو مزيان ولى يقدر مدرتيش لحليب الكافي نتمن تجربي ديالي انشاء الله وتردي عليا
المشاركة الأصلية كتبت بواسطة oum adam1978 ربي خليك احبيبة وشكرا بزاف على تقيم
المشاركة الأصلية كتبت بواسطة najat12 الله يبارك فيك اختي شكرا بزاف على تقييم و شكرا لكرمك