نفتتح دورتنا ط§ظ„ط«ط§ظ†ظٹط© ظ„ظ„ط¹ط¶ظˆط§طھ
بكلمة شكر بحق كل من شاركتنا التميز للرقي بمنتدانا
بارك ط§ظ„ظ„ظ‡ في الجميع و الف الف شكر
بامكانكم نسخ البطاقة و تزين توقيعكم
ستجدن هنا وصفات رااائعة و متميزة
اضغطوا على العناوين لتصفح الوصفة
8-كيكة محشوة بالتفاح والشوكلاط
15- مادلين بالزبيب والفواكه معسلة
17-الطورطة المحشوة من الذ وارقى الطورطات
21- كيكة بحبيبات الشكلاطة على شكل بريوش
22-ميل فوي بالبراليني و الشكلاطة
27- كيكة الكوك والليمون = الحامض
28- كيك بالشكلاط وكريمة الليمون
29– كيكة بالتمر خيزو والشوكلاط روعة في المداق
33– حلوة سميدة رقيقة محشية بكاوكاو
35- كيكة بالسميدة و الكوك و الحامض
36- كيكة بالسميدة و عصير البرتقال
37- الكيك الوحشي , la torta zebrata
hg],vm hgehkdm gguq,hj >>>>>>> hg;d; hg’,v’hj Hjp]n hggi hgjhkdm fh]k juhgd
بسم الله أتوكل على الله
كيكة بالرايبي جميلة
المقادير :
4 يبضات
حك رايبي جميلة
نفس الحك سكر
نفس الحك زيت
15غ خميرة الحلوة
1 كيس سكر اني
الدقيق الكافي حسب النوعية
الطريقة :
نخلط اليبض مع السكر والسكر فاني جيدا
نضيف الزيت ونخلط الكل جيدا
نضيف الرايبي ونخلط الكل
ثم نضيف الدقيق قليلا قليلا (عينك ميزانك )
وأخيرا نضيف الخميرة ونخط الكل حتى تندمج العناصر جيدا
ندهن المول بالزيت ونرشه بالدقيق
نضع فيه خليط الكيك وندخله إلى الفرن على درجة حرارة 180 حتى تنضج
عند خروجها من الفرن نتركها حتى تبرد قليلا
ثم نقلبها فوق شبكة
ندهنها بمربى الفراولة ( أو أي نوع تحبون )
ثم نرشها بحلوى الشعرية ( أو أي شيء آخر )
ثم نقدمها حسب الرغبة
هنا من الداخل وعن قرب
بالصحة والراحة
السلام عليكم ورحمة الله
كيكة الكوكوط
بعض الاحيان كنت نتشها ندير كيكة ولكن للاسف كتكون عندي بوطة الفران مسالية معندي كيف ندير ولكن الحمد لله مع كيكة الكوكوط لقيت الحل ساهلة وعملية والاهم انها تتجي زوينة ومنفوخة عاطية العين
نبدا على بركة الله :
المقادير
4 بيضات
كاس سنيدة
كاس زيت
3 خمارات
4 معالق كاكاو
10 مع فورص
نصف كاس ماء
الطريقة : نطرب البيض مع سنيدة مزيان حتا وتغوي الخليط تم نبدا نضيف الزيت شوية بشوية نصف كاس ماء كاكاو،
من بعد نضيف الدقيق +خمارات هادشي كامل يكون مغبل ونحرك بملعقة خشنية من تحت لفوق حتا يندمج الخليط ونصبه في كوكوط انا عندي ديا 4.5 لتر مدهونة كاملة بالزبدة ومرشوشة بالدقيق
ونسد عليها بدون صفارة ونضعها عل البوطة نار مهيلة جدا انا خدات لي 40 دقيقة ،
باش تعرفيها طابت غادي تشمي ريحتها وغادي يبان ليك بحال نترات ماء خارجة من جهة الصفارة طفي عليها وحلي ودري فيها موس شوفي واش طابت الا طلع ناشف يعني كيكتك واجده وبالصحة والراحة
طورطة بسميدة الذرة واللوز
المقادير
200 زبدة بحرارة المطبخ تكون مرخية
100 غ لوز مقشر وناشف
2 بيضات غير لمح لصفر
50 لوز بالقشرة
250 غ فورص
150 غ سميدة الذرة رقيقة
فاني
قشرة حامضة محكوكة
150غ سنيدة تقريبا كاس ونصف
نخلطو كلشي ونبقاونبسبسو فيها غير باليد حتى تولي مرملة من بعد نوضعا في مول ميكونش كبير بزاف
وندخلوها الى الفران يكون سخون متخليوهاش تحمر بزاف
ملي نخرجوها ندردر عليها السكر كلاصي ونزينوها باللوز
استودعكم الله الذي لا تضيع ودائعه
المقادير:4بيضات+2فاني+2خميرات+9م ك سكر+12 م ك زيت+12 م ك حليب+3 م ك كوك مطحون+قشرة د الليمون+10م ك طحين
الطريقة:ناخد2 بياض بيض ونطلعوه كالثلج ونرجعو للبيض الاخر ونطربوه مع الفاني والسكر ونضيفو باقي العناصرونطربو والخميرة فالاخير وناخد بياض البيض ونضبفوه
للكيك بالمهل ونديروه فمول مدهون وندخلوه يطيب
مقادير التزين:غبرة كريم باتسيير+حليب+سكر+200مل عصير الليمون+2فلان فاني+قشدة طرية+فاني +بنان+ضانون بنان صغير(نسيت مصورتوش)+كناش (انا كان
عندي واجد)
كريم كناش:100مل قشدة طرية نسخنوها وندوبو فيها 150غ شكلاط اسود ونتركوه يبرد مزيان عاد نستعملوه
كريم باتسيير:نصف لتر حليب+2 م ك غبرة الكريم+4م ك سنيدة نخلطوه ونديروه فوق العافية حتى يعقد ونزولوه و نضيفو ليه ضانون د البنان
الكريم د الوسط:قشدة طرية مطربة مع شوي د السكر وفاني ونضيفو ليها الكناش
ونرجعو للكيك نقسموه على2 ونسقيوه بالليمون ونديرو الكريم للي مع الكناش
ونغطيو الدائرة التانية د الكيك ونسقيوها ونديروها فالاطارونديرو كريم باتسيير للي حضرنا ونستفو فوقها البنان
التغطية:200مل الليمون مع2 فلان والسكر حسب الدوق ونغليوه شوي
ونغطيوه بالطبقة د الليمون والفلان ونحطوها فالتلاجة 6 ساعات باش تشد مزيان ونزولوها من الاطار ونزينوها حسب الدوق
كنتمنى نكون توفقت فالشرح واي استفسار انا فالخدمة
بحول الله نقدم ليكم كيكة بالكاكاو كتجي زوينة وهشيشة
استسمح لانني ماصورتش المراحل نظرا لضيق الوقت حيت كنت عند عڭوزتي وكانوا معايا في الكوزينة وكانو ضياف جاييين
المقادير :
4 بيضات
كاس سنيدة
كاس زيت
كاس ماء دافئ
3 خمارات
3 معالق كاكاو
2 كيسان فورص مغربل و هذا هو السر للي كيخلي الكيكة تجي منفوخة حيت تيدخل الهوا في الدقيق
الطريقة:
نخلط في مولينكس البيض مع السكر مزيان ونضيف الزيت والماء دافي بالتدريج وحنا كنطربو من بعد نصب الخليط في اناء آخر ونضيف الدقيق المغربل مع شوية ملح والخمارات والكاكاو ونخلط من تحت لفوق حتى ينسجم الخليط ونصبه في مول مدهون بالزبدة ومرشوش بالدقيق
مدة 40 دقيقة تكون الكيكة ديالنا واجده و على فكرة انا دخلتها للفرن عاد شعلت عليها
مين تخرج نتسنا عليها شوية ونقلبها في طبسيل
ونسقيها بالكريمة الآتية :
ربع كاس حليب
2 معالق كاوبيل
2 معالق سنيدة
6 شكلاطات مربعين
معلقة صغيرة زبدة
الطريقة : نضع الماء وكاوبيل وسنيدة في كاسرول ونمزجهم ونديرهوم فوق نار مهيلة حتى يغلاو ثم نضيف الشكلاط ومعلقة زبدة وحنا كنحركو ويعقاد الخليط ونصبه
روق الكيك ونزين باللوز افلي
حياكن الله
مرة اخرى غادي نقدم ليكم كيكة بالكاكاو ولكن هاد المرة غنية بالمكسرات نتمنى تنال اعجابكم وتقدموها لوليداتكم خصوصا باش تقويهم
نبدأ بالمقادير :
2 بيضات
كاس حليب وممكن تعوضيه بياغورت طبيعي
كاس صغير سنيدة
كاس صغير زيت
2 خمارات
فاني
2 معالق كاكاووممكن الاستغناء عليهم
زلافة مكسرات : ڭرڭاع ، تمر ، لوز مسلوق ومقلي ومهرمش
كاس كبير طحين
الطريقة :
نخلط البيض مع سنيدة وفاني ونطرب ثم نضيف الزيت والحليب وحنا كنطربو نضيف الدقيق المغبل مع الخمارات واخيرا المكسرات من بعد نصب الخليط في مول وندخله للفرن مين طيب زينوها باش مابغيتو وممكن تسقيوها بسيرو ديال الحامض انا هنا كتافيت نرشها بالسكر ڭلاصي
وبالصحة والراحة
بسم الله توكلت على الله
كروسطاطا بكريمة البرتقال
المقادير والطريقة بالصور :
أولا طريقة تحضير كريمة البرتقال :
مقادير وطريقة تحضير عجينة الصابلي :
بألف صحة وعافية .
[IMG]
[/IMG]
كيكة محشوة بالتفاح والشوكلاط
مقادير الحشوة
كنحتاجو
4 تفاحات
م ك القرفة
نصف كاس سنيدة
نقيو التفاح ونقطعوه قطع متوسطة الحجم
نديرو فوقها القرفة وسنيدة
نخلطوه مزياااااااااااااااان ونتركه جانبا
ندوزو لمقادير الكيك
غدي نحتاجو
3 بيضات كبار
كاس الحليب
نصف كاس زيت
نصف كاس الزبدة مدوبة
كاس سنيدة
2 كيسان ونصف حتى 3 كيسان الدقيق
2 خمارات وفاني
نصف كاس الكركاع مهرمش
وشوكلاط مقطع قطع صغير او حبيبات الشوكلاط
في الميكسور نديرو البيض وسنيدة ونخدموهم مزياااااااااااااااااان
نزيدو باقي المقادير الزيت والزبدة والحليب والفاني بالتابع وحنا ديما مخدمين الميكسور
نزيدو الطحين والخميرة ونخلطو غير بالسباتيل
نزيدو الكركاع ونخلطو وهاهو خليط الكيك واجد
شوفو خليط التفاح كولى سنيدة طلقات بحال السيرو
في مول مدهون بالزبدة ومرشوش بالطحين انا درت ورق السولفيريزي نكبو خليط الكيك كله
نحاولو نفرقو فوقه خليط التفاح وحتى السيرو ديالو
نديرو حبيبات او طريفات الشوكلاط من الفوق وندخلوها تطيب
نزلوها فوق شي شبكة حتى تبرد ممكن نخليوها عادية منظرها زوين او نزينوها بلي بغينا
انا زينتها بالشوكلاط ابيض دايب مخلط مع دانون طبيعي جا مداقها روعة
وبالصحة والراحة
اللهم ادمها نعمة واحفظها من الزوال
كيك رولي بالشكلاط والكوك
المقادير :
100 غ فرينة
10 غ عسل
4 بيضات كبار أو 5 صغار
فانيل
140 غ سكر
رشة ملح
شكلاط + كوك للحشو
كاكاو أو سكر كلاسي لتزيين
أول حاجة نفصلو صفار عن البياض
نطلعو مزيان البياض مع رشة ملح و-50 غ سكر ، مخاسش يكون واقف أبيض البيض بزاف و فيكس بش مني نخلطوه مع خليط الصفار ميتكونش لينا حبيبات
ونخلطو صفار البيض مع معلقة عسل و-90 غ سكر شي 10 دقائق
نبداو نزيدو الفرينة المغربلة بشوية بشوية ونخلطو دائماً من الفوق للتحت ونحاولو منهرسوش الخليط ديالنا
نفرشو ورق زبدة ونفرغو الخليط ديال الكيك رولي ديالنا , إلا عندكم لطا ديال الفرن بقياس 45,37 cm مزيان ، إلا لا ديرو بحالي أي لاطا وسلام هههههه
نسخنو الفرن ، خاص يكون 220 درجة ومنفوتوش 6 حتى 7 دقائق ، مدام مدرتهش في ديال ضو ، فديال الغاز عندنا عادي ، خليتو سخن مزيان وعينك ميزانك دقائق معدودة وتيكون الكيك واجد
بعد ما خرجنهة من الفرن مباشرة كنجروهة فوق مكان العمل بالورق ديالها ونحضيو معها كتكون هشيشة بزاف ، كنعملو لها واحد الحيلة بش منين نبغو نحيدوهة من الورق متلسقش لينا فيه ، المهم غي تخرج من فرن نرشوها بمعلقة إلى جوج ديال السكر سنيدة ونغتوهة ببلاستيك غدائي حتى من جناب من التحت ، السنيدة كتنفع بش البلاستيك ميلسقش لينا على بسكوي ديالنا وبلاستيك غدائي كخليهة ترطاب بدك البخار لكرجع لها وكنتحكمو فيها بسهولة
هاهو فش كنحيدو مكلسقش عليها ، وإلا أزعجنا السكر في حال كان كثير نتخلسو منه بإستعمال فرشاة ، منخلوهاش بزاف في بلاستيك الغدائي ، 10 إلى 15 دقيقة
كنعمرهة بش ما بغيت ، مربى أو قشدة طرية مطربة ، أو نوطيلا ، كريم بتيسير ، أي حاجة ، أنا عديت بشكلات مدوب والكوك
نجمعوهة في بابي المنيوم ونعملها في ثلاجة تجمع راسها شي نصف ساعة أو أكثر ، إلا كنا باغين نقدموهة داغي تكفي نص ساعة
مني نخرجوهة نزينوهة كذلك كيف حبينا ، نقدرو نكتفيو برشات من الكاكاو أو السكر الصقيل وبصحة وراحة
لكم جزيل الشكر والمحبة ، استغفر الله العظيم وأتوب إليه ، أسأل الله سبحانه وتعالى أن يتقبل منا جميعاً هاد الأعمال ويتقبل دعائنا ويسر أمورنا ويرحم موتانا ويشافي مرضانا يا رب ويحفض لكل وحدة فينا ما عزيز يا رب ، اللهم أدمها نعمة يا رب ، الحمدلله والشكر لله ولا إله إلا الله