الدجـاج المقلي ديال الكنتاكي من مطبخـ سميرة ـي مع صلصات خطيييييرة

بتاريخ 07/06/2019

كيما جا في العنـوان عندي لكم اليـوم طريقة تحضيرالكنتاكي تشكن فرايد كيما كيديروها في مطاعم kfc
مازال جـديييييييدة وماكاينش حسها على المنتديات هههههه

لكل من لديها أطفال وكيبغييوا ديما يمشوا لها من ماكدونالد لكنتاكي لصحاب الشاورما هههه دابا حتى
هاد المطاعم غنسدوها وتاحاجة ماتشرى من على برا ، وكنتمنى تجربوها لأنهـا فعلا طريقة مضمووونة
والنتيجة رهيييييبة ..

كنبدا بالدجـاج كيف كتعرفوا كاين عند هاد الشركة أنواع كثيييرة منها الشرائح منها قطاع كبيرة ومنها حتى
الفخاد واللي هي اللي كتعجب بزاف الناس بشكلها الجميل .. لذلك ختاريت نديرهم فخاد .

إذن على بركـة الله المقادير :

فخـاد دجـاج حسب الأشخاص.
ثوم ميبس
بصل ميبس
ضامة البنة ( دجاج ولا خضرة )
سكين جبير يابس
بزار
ملح
دقيق
نشا
بيضة
ماء

الطـريقة :

كناخد هاد الفخاد كنغسلهوم مزيا ا ا ا ا ان بالملح والحامض طري حتى تحيد الزفورة نييييت
ويبداووا يطلبوا مني الشرع ههههههه

من بعد كنخليهم جنب ونحضر الشرمولة ديالهم واللي فيها أسرار الطعم كلها .
في بول كنحط كاس ط¯ظٹط§ظ„ الدقيق تقريبا جهد رابعة وناخد معلقة كبيرة ط¯ظٹط§ظ„ سكين جبير يابس ومعلقة
ديال الثوم اليابس ومعلقة ط¯ظٹط§ظ„ البصلة ميبسة ( راها كتباع حتى هي بحال الثومة جاهزة ، لما لقيتهاش
خودي البصلة وقطعيها علي ربعة وحليها طبقة طبقة بيديك عاد قطعيها صغير وخليهم ييباسوا في الضل
راه كاين الحرارة دابا تبسهم في زمن قياسي وفاش تخدمي بالفران ويبدا يبرد خليهم فيه وهو محلول
باش مايتبدلش ليك طعمهم ..) في الصورة حطيت على الثوم واحدة غير باش تعرفوه راه ماخدمتش بيها .
وكنطحن الكل مع بعض ثوم + بصل + ضامة البنة + سكين جبير وحتى الملح لبغتي باش
يجي الكل منيل مزيان .

من بعد كنزيد عليهم البزار والملح لما كنتش طحنتها معهم ، وكنضيف عليهم النشا شي جوج معالق
وكنخلط الكل مع الدقيق على الناشف .

عاد كنبدا نزيد الماء وكندير البيضة وأنا كنخلط ونكمل العجن بالماء حتى تولي عندي بحال العجين
ديال البغرير مطلقة ولكن ماشي ميهة .. كتكون ثقيلة بحال شي صوص .

دابا نرقد فيها الفخدات ط¯ظٹط§ظ„ الدجاج ونخليهم في الثلاجة واحد الأربع ساعات لكان ممكن .
وممكن تديريها الليلة اللي قبل باش يلاه يتشرب الدجاج هاد المقادير كاملين .

من بعد كنمشي نقاد الأطباق المرافقة السلطة والصلصات .. ولكن أنا غنكمل لكم الطريقة
عاد نحط لكم المرافقات باش مانقطعش الوصفة ويكون كولشي في مكانو .

المهم بعدما تشرب ووصلنا نوبة الطياب كنجهز فاش غنقليووهم ، كوكوط .. آيه !!!
كوكوط كندير فيها الزيت بالنسبة اللي غادي يجي فيها غارق الدجاج ونخليه يسخن
وكنحضر دقيق باش غادي ندوز فيه الدجاج .

أنا درت وحيدة بالشابلير باش نشوف واش غيكون شي تغيير في الطعم مع أنهم في داك
المطعم كيديروا غير الدقيق العادي .

دابا سخن الزيت كندوز الفخد في الدقيق ومباشرة إلي الكوكوط وكنسد عليه ( مانحطش
الفخودة فوق بعض) ندير غير القليل على قد باش يبقى متيسع ويدخلوا الطياب من كل جهة .

كنسد عليه مزيان يعني بالصفارة أو أي صمام أمان عند كوكوطتك وكنحسب لكل قلية
12 دقيقة ومنين تسالي نحل وماتخافيش ماغادياش تلقاي أدني صعوبة في الحلان لأن
ضغط الزيت ماشي بحال ضغط الماء مافيه لا بخار لا والو ..
أنا منين درت الكوكوط كطيب وسديتها غي سمعت داك الصوت شداتني الخلعة لكن
والله كان الحلان بحالي الطنجرة خاوية ..
وجربي وتأكدي بنفسك . يعني ماتخافي والو راه مني غيبدا يدخل الطياب للداخل كتبداي
تسمعي الطشاش ط¯ظٹط§ظ„ الزيت بداخل الكوكوط ..

وجبديهم ونشفيهم في ورق نشاف و قدميهم بالصحة والراحة ساهلين ومقرمشين ودارك
غتولي كتعطر بريحة ط§ظ„ظƒظ†طھط§ظƒظٹ هههههه

دابا السلطة اللي درت كانت عبارة عن :

جزر محكوك بالطول ( جوليان ) ـ باربة مصلقة ومقطعة شرائح طولية رقيقة + خص تاهو مقطع
طولي + مطيشة مقطعة أنصاف دوائر رقيقة جدا +وشوية ط¯ظٹط§ظ„ الكركاع مهمرمش غير بين يدي ووراق ط¯ظٹط§ظ„ القزبور طري .
وتبلتها غير الملح وبزار والقليل من الحامض وعوض مانقدمها في طباسل درتها في بطيبطات
من الأحسن ديريهم بلا بابة يعني شكل الخبز العربي .

ودرت طµظ„طµط§طھ بألوان مختلفة حددت بعد الألوان وعاد لكل لون خترت الصلصة اللي كتعجبنا
في الدار كثر ..

لدلك للون الأبيض درت صلصة الياغورت
وللون الأصفر درت صلصة الموطارد
وللون الوردي درت مايونيز بالباربا
وللون الأحمر درت الكيتشوب
وللون الأخضر درت صلصة البيسطو
وللون الأسود درت طابوناد ط¯ظٹط§ظ„ لزيتون الأسود .
وكون كان شي طريقة طبيعية نديربيها الأزرق كون درتوا ههههههه

وفي الأخير قدمت الكل مرافق بتشيبس البطاطا و ماء وعصير .
وها حنا بحالي كنـا في كنتاكي ههههههه إيوا كيجاكم هاد الشي ، اللي عجبها سري وراقت لها
الوصفة تدعي لي مع الوالدة ديالي ربي يحفظها لي ويمتعها في الصحة ويهني بالها ياربي ويخلي
لكم كل عزيز عليكم .

الصلصات اللي ستعملت مع الدجاج ط§ظ„ظ…ظ‚ظ„ظٹ ط¯ظٹط§ظ„ كنتاكي من هنـا https://www.anaqamaghribia.com/vb/sho…78#post7733378

hg][Jh[ hglrgd ]dhg hg;kjh;d lk l’foJ sldvm Jd lu wgwhj o’dddddvm

الله يعطيك صحة نجربها انشاء الله الشروق

الله يشافي ليك لوليدة وكل امهات مسلمين يارب

ما شاء الله على سميرة هدشي رئع وووووووووووووووووووووووكيشهي بغيت نقيم وما خرجليش مرة اخر الزين

يمكن نديردجاجة مقطعة تصور دوخوني بالي ريحة خارج منهم

المشاركة الأصلية كتبت بواسطة غزلان ام ياسمين

يمكن نديردجاجة مقطعة تصور دوخوني بالي ريحة خارج منهم

المشاركة الأصلية كتبت بواسطة غزلان ام ياسمين

الله يعطيك صحة نجربها انشاء الله الشروق

الله يشافي ليك لوليدة وكل امهات مسلمين يارب

مشكـورة أختي على كلامك الطيب وعلى مرورك
ممكن تعملي الدجاج مقطع هم نيت كيديروه مقطع على ربعة
وكل ربع مقطع علي جوج ( يعني دجاجة على ثماني قطع )
بعظمها بكولشي ..
كنتمنى نكون فدتك حبيبتي .. و إن شاء الله نشوف تطبيقك عن قريب .