الدار الجديدة لقدماء محاربات النحافة وحتا المحاربات الجدد

إوا فييييييينكوم ألهرابات غير سمعتو ط§ظ„ط¯ط§ط± ط§ظ„ط¬ط¯ظٹط¯ط© وانتوما تغبروا يا الله نبداو عوتاني في الحماس ديالنا راه مبغيناش نرجعو اللور
بالعكس بغينا نزيدو لقدام زعما
إوا باليو وماتحشمونيش وتخليوني في ط§ظ„ط¯ط§ط± بوحدي

---

hg]hv hg[]d]m gr]lhx lphvfhj hgkphtm ,pjh hglphvfhj hg[]] ,]fh

مبروك الدار الجيدة وانا معاك اختي راني رجعت ضعافيت وخاصني نرجع للجهاد هههههههه

ويييييييييي أختي بسمة مرحبا بيا معاكم حتى أنا ناوية إنشاء الله نبدا في الجهاد أنا بديت كنجمع في مكونات الوصفة ديال إحدى العضوات (كوثر16) واخا داكشي كثييييييييرر و لكن غنستعمل منو المهم إيوا بانوا أيتها النحيفات ههههههه و ماتحشموش كلنا في الهوى سوى إلى الجهاد في سبيل فورمة مثالية باش لي لبسناها تجي معانا

الله يبارك فيك حبيبة ديالي نورتي الدار ومرحبا بيك بزاف
قولي ليا شحال وصلتي في الوزن ديالك وشحال الهدف لي بغيتي توصلي

مرحبا بيك ختي معانا راه هادي هي فرصتنا في هاد البرد باش نزيدو في الوزن دبا بإمكانا نستعملو الحلبة بلا منخافو من الريحة ودبا البرد كيجيب الجوع يمكن لينا ناكلو مزيان وملي يجي الصيف نلبسو لي بغينا في ديورنا ونافجئو أزواجنا بفورمتنا الغزالة إن شاء الله إوا حيدو العكز وما تبقاوش تغيبو علينا
قولي لينا شحال فيك في الوزن والهدف ديالك إلا سمحتي

البنات إلا سمحتو تديرو في التوقيع ديالكوم الوزن والهدف باش نعرفو كل وحدة فينا شحال وصلات وشحال بقا ليها باش توصل والله يكون في عوانا جميع

السلام عليكم
انا كنت من النحيفات دابا كنعتبر راسي متوسطة الحمد لله وباقي بغا نزيد، كان وزني دائما بين 53 كيلو واقل بعض المرات طولي 1.58 ، باغا 63 او 64
دابآ الحمد لله وزني 60 كيلو، كنت كناخد حبوب خميرة لبيرة خديت 3 لقراعي وحبستها دابا، وبالموازات كناخد سيرو كان خرجو ليا الطبيب واحد المرة ،وسوليت في الصيدلية قالت لي الدكتورة هو السيرو الوحيد اللي عبارة على فيتامينات الباقي المتداول كلو ديال الحساسية، المهم وكناخد كذلك حبوب اللقاح معلقة في كاس دانون ديال درهم يوميا ودرت خلطة من زريعة الكتان النافع حبة حلاوة زنجلان إيلان اللوز لكاوكاو زريعة الفصة وجمعتهم بحك حليب مركز وزيت العود، والحلبة كنت كنبتها ونطحنها ولكن دابة وليت نرقدها ونشرب كاس ديال الماء على الريق وناكل معلقة ومرة مرة كنديرها مع بيضة، الحمد لله نتيجة ملحوضة 61 كيلو، هاد البرنامج من رمضان والوزن مستقر ماشاء الله من بعد ماكنت كنولي حالتي من مور رمضان
وحاليا زدت حتى لكديرة، من بعد معاناة بحث طويلة لقيت واحد السيدة ودرت 3 ديال الحصص
نتمنى نكون فدتكم بتجربتي

مبروك علينا دار جديدة
ها أنا معك بسمة باقى كنجهد هههه

تبارك الله عليك أو خلاص أختي جميلة و الله يزيدك على قد النفع
أول حاجة بغيتك تكتبي ليا سمية سيرو لي خديتي
ثاني حاجة لكديرة أو ماتسمى بالطنجية الله يسهل عليك قولي ليا فين درتيها مدة هادي وانا تنقلب على شي وحدة كتعرف شي مرة تديرها الله يعطيك متمنيتي عطيني العنوان و لا رقم الهاتف و الثمن أيضا
واش عطات شي نتيجة ؟؟؟ سمحي ليا إيلا كترت عليك من الأسئلة
كنتمنى تجاوبيني في أقرب وقت

أنا حاليا فيا 54 كيلو مقارنة مع الطول ديالي 1.68 ماكافيش بغيت نوصل 66 كيلو على الأقل نزيد غير 10 كيلو حيت لحنيكات كاينين كنتمنى نغلاض من الفخاض سيقان، الأرداف، المؤخرة، و الصدر. قولي كلشي و صافي المهم غنتسطى باش نغلاض إيوا نديرو في بعضياتنا النفس أنا خديت الحلبة+زنجلان+إيلان+حمص+صوجا+بكبوكة+فوة+كتيرة+حبة حلاوة و النافع+الفول+لوز+كركاع+تمر+زبيب+شريحة مازال بغيت ناخد حبوب اللقاح و لكن معرفتش منين المهم رانا غادة كنجمع في لعشوب ههههههههه إيوا الله يغلظنا على قد النفع ويلا كنتو عارفين شي حاجة مازال فيدونا بيها و إيلا كانت شي وحدة فيكوم دارت شي وصفة و لقات عليها نتيجة طيبة آتينا بيها باش تعم الفائدة على الأخوات إنشء الله و لكم مني أطيب العبارات و أجمل تحية تقبلن مروري