السلام عليكم .اخواتي العزيزات الله انوركم نوروني.بغيت ندير تكوين ديال لخياطة العصرية.ومعرفت اشكيطلبو الى غندخل؟ سمحوليا على الازعاج.قولو ليا ياك ماواعرا حيت عمري شديت شي ماكينة؟تقهارت من لجلسة في الدار ،وفكارت ندير شحاجا نتونس بيها وفنفس لوقت تفيدني.نتمنا تفيدوني
hgodh’m hguwvdm
سبحان الله فينكم
شكرا على المشاهدات ديالكم
اختي انا كنت بحالك معارفة والو على الخياطة اوقهراتني الكلسة في الدار وانا نمشي المركزالخياطة طلبومني بزاف ديال الوثائق زائد الخضور صباح وعشية وانا ميمكنش نحضر في الصباح درت بناقص حثى سهل لي ربي في واحد الخياطة تتعلم مزيان العصري والتقليدي فصالة وخياطة دابة الحمد لله وليت كنخيط حوايج بحدي بالاضافة تشغلت او مبقاش عندي الفراغ نصيحت ليك دخل تعلم الخياطة صراحة مجال زوين بالاخص الى كانت عندك الرغبة
أنا نهار لبغيت نتعلم مطلبو ليا والو جبت غير لخيوط وتوب ولبرا ولوراق ديال لمصبنة ودفتر حجم كبير ومني كملت وغنشد دبلوم عاد ديت تصاور وقيلة لكارط والله معقلت لمهم حتى كملت عمين حيت كينة لي كتبقا غير شهر أو شهرين ومكتكمل نتمنى نكون زعمتك شوية ه ه ه ه ه
جزاكم الله خيرا على الردود ديالكم .كنشكركم بزاف على هد المعلومات.ڭالو ليا كايقراو فيها الفرنسية واش هادشي بصاح؟ وبالنسبة الوقت لي كايدفعو فيه واش وقت ما مشيت ولاّ كاين شي لوقت لي كايدفعو فيه.نتمنا توسعو معايا خاطركم وتجاوبوني علا هاد المعلومات
أنا مشيت مع دخول المدرسي بدات معنا من الأول كينين لبنات تعطلو لدخلوا كدير لهوم 2ديال دروس فنهار بالنسبة الفرنسية كينين شي مصطلحات ومع لمدة وتكرار كيوليو عديين ومن مدينة لمدينة والبلاصة فين غتعلمي لخرى كيختلف تعامل والله يسر ليك
انا يا بناات مع كنت درت واحد العملية ,, ودابا هاد العام ضااع ليا من الدراسة ,, اييوا قلت نديير مدرسة ديال لصالة و لخياطة و طلبو الوثائق == 4 تصاور + عقد الازدياد + نسخة من شهادة الباكالوريا مصادق عليها + ورقة الغياب + ورقة التقييم السنوي +4 الاظرفة متنبرة,,, الادوات طالبين روجستر و الاقرام و طاباشير تايور و مقص و كانيط و علبة ديال كانيط , هادي مدرسة خاصة,,و هما دايريين ديبلوم على حساب عامين و 250 درهم فشهر + 100 درهم لاصورانص و ساعتيني فنهار فقط,,, و لكن انا قلت للمديرة بغييت نديير غيير هاد العام ,, قاتلي غاادي يكون لخلاص مدوبل يعني ان شاء الله غادي نبدا نخلص 500 درهم فشهر بااش ناخد دبلوم هاد العام و غادي نولي نمشي 4 سوايع فنهار اييوا راني ليووم خرجت شرييت داكشي للي خاصني .. و غادي نبدا غدا ان شاء الله الصراااحة قلت اللهم نعمر وقتي هاد العام للي جالسة فييه ,, من هنا للعام الجاي عااد نشوف ااش ندير فقرايتي ان شاء الله اييوا دعييو منعايا ربي يشافيني و يسر ليا امووري و رااه هاد المجاال ديال لفصالة و لخيااطة زوييييييييييييييييين بزاااف بزاااااف
الله اشافيك وييسر امورك كلها كيف كتمنيها امين يا فاطمه الزهراء6
المشاركة الأصلية كتبت بواسطة ام اياس 
الله اشافيك وييسر امورك كلها كيف كتمنيها امين يا فاطمه الزهراء6 اللهم آآميييييييين يارب العالمييين بارك الله فيك ام اياس ,, الله لا يخطييك