الخميرة المعجونة ؟؟؟؟؟؟

السلام عليكم
الانيقاتا لله يكثر خيركم كنقرا فبزاف الوصفات فيهم ط§ظ„ط®ظ…ظٹط±ط© ط§ظ„ظ…ط¹ط¬ظˆظ†ط© ولكن مكتعرفش مناش كتكون
الا ممكن تفيدوني الله يجازيكم بخير

---

hgoldvm hglu[,km ??????

هذه الوصفة لأم وائل جزاها الله خيراعنا

القسم التاني طريقة تحضير الخميرة البلدية في الدار

كاين الكتير منها انا اختاريت هادي

اتحتاجي ل
150g فورص
جوج معالق يوغورت طبيعي
معلقة العسل
ماء غازي والماس متلا الى مكانش ديري ما عادي
والكمية ديالو اتكون على حسب النوه ديال دقيق ديالك غالبا اتكون نصف كمية الطحين اي 75g

الطريقة

كنعجنوها وندلكوها مزيان.. القوام ديالها ككون بحال العجينة ديال البيتزا

وديريها في شي وعاء وغطيها بزيف يكون فازك وحطيها في مكان دافي تقريبا48 ساعة

Up

من بعد كناخدوها ونخلطو معاها قدها ديال الطحين ونزيدوعليها نصها ديال الماء

متلا لقيتي فيها 300 اتزيدي عليها 150 ديال الما
وتعجنيها بالماء تاني بحيت انك تدلكيها مزيااااااان

وتجمعيها كورة ولكن تكون الكورة ديالنا مفيهاش فراغات في الداخل ديالها يعني تكون كورة مسدودة على نفسها

كتحطيها في وعاء مغطي تاني في مكان دافي 24h

الى كان الجو سخون خليها حداك في الكوزينة الى كان بارد وعندك السخانة ديال الدار خليها حداها
الى ما عندكش فمن الافضل ديريها وسط شي مانطا

والنهار التالت تتكون جاهزة للاستعمال

وهاهوالشكل ديالها

هاد الخميرة ممكن تبقا عندك ديما

والطريقة ديال انها تبقا صالحة ومزيانة هي انك تربيها

اتقولي لي كيفاش

الطريقة انك كل نهار تكرري نفس العملية

ملي تنقصي منها متلا للعجينة ديال الخبز ديالك عاودي عبريها وزيدي عليها قدها طحين ونصها ماء ودلكيها مزيان وغطيها واحتافضي بيها للغد

انا اختاريت ليكم هاد الطريقة لانها هي الاسهل

كاين بزاف الطرق ممكن ببحت بسيط في الانترنت تلقايهم

وانا متاكدة انك الى جربتيها ما اتبقايش تستغني عليها الى مكنتيش معكازة طبعا لان نتيجتها مرضية بزاف كيف دكرت من قبل في كل المعجنات ديالك

السلام عليكم و رحمة الله و بركاته

لا أظن أختي أن هادي هي الخميرة المعجونة، هادي الخميرة البلدية، أما الخميرة المعجونة هي لي كا نستعملو عادة في عجن المخبوزات و تا تباع عند الحوانت

عندك الحق أختي أم أمينة الخميرة المعجونة هي اللي تباع في المحلات التجارية واللي حطيتي صورتها

مشكورين الاخوات الله يجزاكم خير
راه فعلا غتكون الثانية حيت الوصفة اللي قريت منظنش تخدم بيها الخميرة البلدية
وعلى العموم الله يجازيكم بخير استفدنا حتى من كيفية تحضير الخميرة البلدية
وعواشركم مبروكة