في 18/12/2019……اخت لطيفة
السلام عليكم ورحمة الله وبركاته
كيدايرين عزيزاتي الأنيقات لباس عليكوم.كاينا شي شتا ولا لا .الله يعطيها لينا على قد النفع
رغم أن ط§ظ„ط®ظ„ظٹط¹ كيخصو الشمش باش ييبس هادا خليع كيطيب بلا ما نيبسوه وهاهي الطريقة بالتفصيل الممل
المقادير ديال 5 كيلو داللحم
فاليوم الأول غادي نحتاجو
تقريبا 250 g ملح
180 g قزبور حبوب مدقوق
40 g كامون مطحون
60 g الثومة مدقوقة
5 ملاعق كبار ديال الخل
كاس صغير زيت بلدية
كنخلطو كلشي مع اللحم
ونخليوه يترقد 2 ليلات ومن الأحسن نديروه فايناء ديال الزاج ونغطيوه بالبلاستيك الغذائي ثم نديروه فالثلاجة
مقادير اليوم الثالت
غادي نحتاجو كيلو ديال الشحمة دالكلاوي مقطعة صغيرة و2لتر ديال الزيت البلدية وكاس كبير ديال الما
كنديرو الما فالطنجرة ديالنا نخليوه حتى يغلى ونضيفو ليه الشحمة
كنخليوه يطبخ 5 الدقايق ثم كنضيفو الزيت واللحم بالعطرية ديالو
ههههههههه فاض الخير تبارك الله واضطريت نقسم على 2
الكاميلة رقم1
الكويميلة رقم 2 ههههههه
كتخلي اللحم يطبخ مدة نصف ساعة على نار مجهدة شوية ثم كتنقصي العافية وتبداي تحركي مرة مرة باش ما يلصقش فقاع الطنجرة حتى كتحسي بيه نشف من الما عاد كطفي
ملاحظة مهمة: ما كنغطيوش الطنجرة طيلة مدة الطهي
هادا اللحم كولو لي ولا هاكا يعني الكاميلة + الكويميلة
كنحيدو الايدام
كنخليو اللحم يبرد شوية ثم كنعمرو القراعي ديالنا بالخليع عاد كنديرو عليهوم الايدام لي حيدنا
وهدا الشكل النهائي
وهادي من بعد ما يبس الايدام
وكنخبيو القراعي فشي بلاصة مظلمة ما كتوصلهاش الشمش وأراكوم للشهيوات ههههه وبالصحة والراحة
لا تنسوني من صالح دعائكن
hgogdu ,oh ttwg hgajhx hg[ldu
عطيني واحد القنينة باركة عليا هههههه
الله اكثر خيرك و ازيدك من فضلوووو
تم التثبيت في تاريخه
بالصحة
