الخلعة شاداني من الختانة

السلام عليكم اخواتي
انا كنت حطيت موضوع على ط§ظ„ط®طھط§ظ†ط© ولدي كنت باغية نختنو ساعة ط§ظ„ط®ظ„ط¹ط© شداتني ومختنتووش وكذالك هاد الايام قررت نختنو نهار الثلاثاء وااالخلعة شادااااااني مقادرة كاع نتحرك
علما ان ولدي عندو 4 سنين تبارك الله كبر ولكن ط§ظ„ط®ظ„ط¹ط© اخواتي لي خلاتني نخليه تا يوصل هاد العمر كل مرة نقول نختنو ونقول لا بلاتي…… هكداك وانا ماشية تا كبر هاد الايام قررت قرار اخير واقيلا هههههههه نار الثلاثاء , اليوم خملت شوية الدار وغدا نبدا الحلوى واخة غندير غير شي 4 شكيلات مهم بغيت كلشي يكون بسييط واخة انعطي العائلة ولكن تا يبرى ولدي ان شاء الله بغيت لي مرات من التجربة تقولي شنو وجدات وشنو دارت نهار بغات تختن ولدها….. انا نهار يجي الطبيب مغاديش نكون حينت مغاديش نقدر نحضر ليه مهم فيلم الرعب هدا هههههه بغيتكم البنات تعاونوني ليفايت جربات ط§ظ„ط®طھط§ظ†ط© الله يسهل امور المسلمين اجمعين

---

hgogum ah]hkd lk hgojhkm hg[lum

الله الله اختي شني واقع ههههه ياك لاباس تينا كتسمع نطهرات د شحااايلو ههه انا طهرت 2 دوليداتي في العيادة كيدخلو نالقاعة وحنايا قالنا دكتور نجلسو في مكتب ديالو تما عامل تيليفزيون باش كتشوف قاعة لكيطهر فيها طبعا انا مشفتشي مقدرتشي ولكن راجلي شاف ومن بعد كيخرجوه غايب بمسكار وكتبقى معاه حتى كيفيق وديك ساعة مشينا شرينا دوا لي خرجنا طبيب وصافي وداز الحمد الله كلشي بخير ما نكونو مع بنك ان شاء الله متخلعشي

عن طريق : samsung – SM-G900F

أنا بحالك فيا الخلعة لدرجة ما كتوصفش
وكل سبت أو أحد كنقول غنختن كيطراو ظروف كيتعكس
واخة ولدي باقي ما كملش شهر
كنت ناوية هد السبت أوالأحد ولكن جات سفرية لراجلي مفاجئة
الله يدوز هد لخلعة على خير وبخير ودغية

اختي غير سكتي واحد الخلعة تقوووولي دياه يقطع الراس ههههه مخلوعة معرفت لا منقدم ولا منوخر

غير عنداااااكي من شهر ل 4 سنين هههه راه الخلعة لي عطلاتني هكدا الله يفوت كلشي بخير ياربي

هههه والله اختي متعملشي في بالك كلشي هيدوز بخير ان شاء الله وانا طهرتم جوج مع بعطيتم واحد كان عندو عامين و8 شهور واخور كان عندو عام حتى انا في الاول كنت مخلوعة ولكن انا مجربا متخلغسي مكتحرقومشي ماشي فحال شحال هادي حجام كيقطع بمقص ويخليهم مساكن هيداك مدي صعييييبة اما دابا لا غير تشجع تشجع الله يكمل كلشي بخير اختي

عن طريق : samsung – SM-G900F

اختي انا ختنت ولدي هاد سيمانه وباقي مكمل شهر منقلكش مسكين شحال بكا ديتو مع 8.30 صبح وقاليا طبيب تكون اخر رضعه 7 مهم وزنوه وقاسو ليه الحراره ولبسوه اللبسه ودراوه في بياس و ومشينا معاه شحال بكيت ملي خداوه مني وحبسونا في الباب وبدا كغووووووت مكرهتش نحل عليهم ساعه الغالب الله مهم خرجوه لينا وللبستو ورضعتو هدشي لقالت لي ممرضه جيت للدار كسرها بالغوووووات منعس واخا عطوني مهدئات والو 3 ايام والغوات وندمت علاش طهرتو كن خليتو حتا المغرب وختنتووو عند واحد الحجام هههههههههه دغيا يبرا ليا اسفه طولت عليك عودت لبك قصه حياتي ههههههه

داكشي لي كاين اختي غادي نسد عيني ونديرها هاد المرة

ضحكيتيني بالحجاااااام راه انا نيت خالعني الكيلينيك نجيب ليه طبيب لدار يختن لو وصافي يدير ليه بنج فالبلاصة وصافي اختي

ماتخافي والو ختنت ولدي عنده 9شهور كانت شاداني خلعة ديتو لعياده خداوه مني وانا نبكي شوية عيطو لي باش نصوره الى بغيت طليت عليه وصورتو كان تيبكي و خرجت لبسوه وجابوه ليا و عطاوني دوا لي نشري و الحمد لله دابا عنده عام الحمد كﻻشي بخير