الختان مطلوب مشاركتكم انيقاتي

]
السلام عليكم و رحمة الله تعالى و بركاته أخواتي موضوعي هو عن ط§ظ„ط®طھط§ظ† يعني كل أنيقة تحكي لنا تجربتها : شحال العمر اللي ختنات عليه ولدها او واش عند طبيب أطفال او عام او واش فال كلينيك او المستشفى و الثمن و كيف دازت التجربة عموما، باش الأخوات اللي مازال مختنو وليداتهم يستافدوا و يتشجعو اوا اللي دخلات تعاود لينا على التجربة ديالها أنا ختنت و لدي على 5 شهور عند طبيب اطفال( متبعة لولادي عندو من الولادة وهو ممتااااز) الثمن 800 درهم و البنج موضعي و فالعيادة و خرجت ولدي معايا و الحمد لله برا في مدة 3 ايام والمشكل اللي واجهت ان ولدي على الرغم من صغر سنو تعقد من الطبيب دابا عندو عام و فينما كنديه للطبيب كيبغي يحماق بالبكاء و غير كشوف هداك الطبيب وخا فالشارع هههه ندمت مختنتوش قبل، اوا دابا كل وحدة تحكي لينا ممنووووووع السليت

---

hgojhk l’g,f lahv;j;l hkdrhjd

نسيت و مقلتها لحتا واحد حتى دخلتو عند الطبيب عاد اتصلت براجلي جا مسكين كيطير هههه

موضوع زوين أختي أنا مازال ملقيت الراجل ههههه و لاكن مرات خاي ختنات ف la clinique و خلصات 1200 درهم و بالزربة برا

انا ختنت ولدي و هو عندو 10 ايام و انصح كل ام تختن ولدها و هو صغير حيث دغيا يبرا و ميبقاش عاقل و ختنتو عند دكتور جراح و قبل نختنوه طلب منا تحاليل سيلان الدم و الصفرا و فاش شافو بخير الحمد الله عاد ختنو و اما الثمن الصراحة نبقيتش عاقلة

السلام اختي انا ختنت ولادي بجوج ولله الحمد الاول على عامين وشهرين تعقد ليا وتكرفست معاه بزز باش برا حيت كيجري ويتعكر ختنو ليا ممرض جبتو للدار ونفس الممرض ختن ليا ولدي صغير ولكن منين عندو شهرين برا دغيا والتمن 300 درهم ههه لا غلى على مسكين نصحكم بالختانة العادية متديروش اليزر حيت الا مكانش طبيب مختص يقدر يقس لا قدر الله الخصيتين ويسبب للطفل فالعقم ديرو غير الختانة ديال الخيط تيجمع لعروق بحال لغراز دغيا يبرا ويطيح الخيط حسن من الكواية ديال اليزر هديك تتبغي اخصائي وعيادة طبية

السلام عليكم موضوع زوين باش يستفدو
الامهات لي مزال مختنوش وليداتهم
انا ولدي ختنتو و هو عندو 7 اشهر
عند طبيب مختص في جراحة الاطفال فالعيادة
ديالو بنج موضعي من بعد مدرنا ليه التحاليل
خرج كلشي عندو مقاد يوماين وديناه مع العشية
معاش عطانا الموعد الطبيب دخلو هو الفرملية
لي معاه لمدة نصف ساعة ختنو وخلا حتا بدا يحد
البنج عاد خرجوه لينا تيبكي مبقاش تاق يبعد عليا
ركبنا فالطوموبيل و هو ينعس مشينا الدار عادي مع
الكوشة تيحبو وتيلعب والغد ديناه حايد ليه الفاصمة
اوا المشكل عطاونا واحد التريتمو و انتي بيوتك و واحد
جيل كيدار فالبانيو مع الماء خاسو يكلس فيه و رشاشة
وواحد البوماد نهار الاول درتها ليه وفالغد ليه
صبح لاصق ليه مسكين شحال بكا اوا أنا يسحبلي
بالبوماد نهار لاخور درتها ليه غير فصباح أش غادي
نقوليكم صباح صبح لاصق ليه فالكوشة واحد الحالة
كرهت راسي كيترط مسكين بالالم وليت نزخلو لبيت
فين كنبدل ليه كيبدا يبكيييي وليت نخمم شحال منين
نبغي نبدل ليه فداك الصباح نيت رجعناه عند الطبيب
شافو وعتانا واحد البوماد وقالتي ديك الفرملية بقاي
تكتريها بزااف من داك النهار وليت نبات فيقة معاه
كل شوية نزيدو البوماد والنطل ليه على ليكوش
وليت نخخاا ف أنا كان يسحبلي هيا لي درتليه هكاك
ايوا مع ليام ولا مزياان مع حتى أنا مقلتهاش العائلة
حتى خرجناه من عند الطييب عاد علمناهم
خلصنا 1200درهم و دوا شي 400درهم

شكرًا على ردك حبيبتي الله يجيب ليك شي ولد الناس من داااااكشي ههههه و يرزقك الله الذرية الصالحة

اولا شكرًا حبيبتي على ردك و أحسن حاجة درتي ملي ختنتيه صغير الله يخليه ليك

شكرًا عزيزتي نورتي موضوعي بقيتي فيا انتي و الوليد الاول و لكن هانتي خديتي تجربة فالثاني وانا متافقة معاك على القضية ديال الليزر أختي حتا أنا كيخلعني

شكرًا أختي ملي تقاسمت معانا التجربة ديالك حتى أنا درت التحليلة لولدي و لكن فالختانة دخلت معاه أنا و باباه و بالنسبة لدوا عطاني غير مرهم و سيرو ساخنة احتياط و الدوا لحمر اوا الحمد لله على سلامة ولادتنا كاملين و الله يخليه ليك حتى تختني وليداتو