تبث في 04/05/2019 bent bladi السلام عليكم ورحمة الله تعالى وبركاته اليوم بابا كان صايم الله يتقبل وبغيت نوريه شطارتي زعما ههه 
المهم بلا كترة الهدرة بالنسبة للخبز 
2 زلايف طحين حرش زلافة سميدة رقيقة شوية خميرة الخبــــــز شوية ملح ماء دافئ للعجن وطبعا العجينة خصا تكون مرخوفة بزاااف 
خليـتا تخمر 
وخليتا ترتاح شوية 
وعدلتا خبيزات صغار بالزلافة 
وخليتوم يرتاحو وطيبتوم فالمقلة دالخبز وهاهي واجدة 
دابا نجيو للحشو 2 قرعات خضرين محكوكين 4 ديال خيزو محكوكين 
4 ديال مطيشات محكوكين شعرية صينية الشطون حيدتلو الشوك وقطعتو 
1 بصلة مشلضة الطريقة شحرت البصلة مع شوية دالزيت والملح والابزار 
وضفتلا القرع وخيزو ومطيشة ومطيشة الحك والعطرية حسب الرغبة 
ومن بعد زدت الشطون 
بالنسبة للشعرية مثل ما هو معروف كنغليو الما وكنكبوه فوق منا ونخليوها حتى تطلق راسا ونصفيوها ونقطعوها صغيرة ومن بعد زدتا على الحشوة 
صافي من بعد كنفتح الخبيزة وكنعمرا بالحشوة وهاهي واجدة 
بالصحة والراحة
hgof. lulvm fd]dh fhgw,v i]djd ggHkdrhj hgyhgdhj jpd]h
ممنوع الكتابة بالعرنسية اختي،لوحة المفاتيح العربية موجودة أعلى الصفحة bent bladi
الله يعطيك الصحة
الله يتقبل،وتبارك الله عليك مشرفتي جاوك فنين كيشهيو هههه بالصحة والراحة
تبارك الله عليك
بارك الله فيكن اخواتي اسعدني مروركن على موضوعي مشكووورة مشرفتي بنت بلادي على التثبيت
تبارك الله عليك
اسعدني مرورك اختي نينار
تبارك الله عليك تسلم الايادي