مساء الانوار حبيبات قلبي كيفكم؟
جيت بغيت تقولو لي رأيكم
انا فبداية ط§ظ„طظ…ظ„ ديالي كان عندي مشاكل غير تتكون علاقة مع زوجي او نتحرك بالزربة ولا نطلع الدروج كنت تيخرج مني افرازات بنية وكنت متبعة متبتات للحمل. وقالت لي الطبيبة فاش يا الله عندي شهرين بعدي على ط§ظ„ط¹ظ„ط§ظ‚ط© ط§ظ„ط²ظˆط¬ظٹط© دابا
انا الراجل متفهم بزاف . وتفهم الامر اوا بدلت الطبيبة وتبعت مع واحد الطبيب وبقيت هاكاك خايفة نعس مع راجلي واخا راني دابا ف 7 اشهر ونصف .وحشمت نسول الطبيب وفنفس الوقت خفت يقولي مارسي حياتك عادي ونجبد عليا شي بلا ولا شي مشاكل ونولي تاني فالدويان و المتبتات ولا ولادة مبكرة الله يحفض
والله معرفت اش ندير الراجل تيقول لي تنضن دابا مبقاش شي خطر على البيبي لكن انا متخوفة بزاياف
hgplg , hgughrm hg.,[dm ig lk o’v? hg[lg
اختي الطبيب هو لي يقول ليك اشنو كاين و الى قال ليك مارسي حياتك عادي فمكاينش مناش تخافي
طبيب يقل لك اشنو حساب حالتك أنا في لاول حمل جاتلي طبيبة عادي علاقة حيت وحد مرة درتها وخرج من دم جاتلي بيبي محمي بعيد
انا وقع ليا كتر منك لانى دابه عندي شهرين فالحمل ديالي و فاش يلاه كان عندي شهر و شي حاجه من بعد العلاقه مع راجلي هبط منى دم احمر بلحق ماشي بزاف وفاش قلتها لطبيبه قالتلي حاولى تقللي من العلاقه يعني ماشي ديما و فعلا داك الشي اللي درت مابقيناش انا و راجلي كانديرو والو واحد المده و فاش قربت نكمل شهرين درنا علاقه و مانقوليكش على كمية الدم اللي هبطات كتيييرة و دم احمر صافي لدرجة اننى انا و راجلي تخلعنا و قلنا صافي البيبي مشى و بدلت الطبيبه اللي كنت متبعه معاها و شفت واحد الطبيب اخر و ملى عاودتلو شنو كايوقع ليا قال ليا هاد الشي عادي في بداية الحمل و يقدر ينزل منك دم و لاافرازات عاديه حتى بلا علاقه مع راجلك قال ليا بلا ماتخلعي و ايلا نزل منك شي حاجه بدل ماتجري عند الطبيب حاولى ترتاحي و عاتولى بخير و عطانى مثبت على شكل حقن ملى كملتهم عطانى قويلبات و دابه الحمدلله وليت مزيانه واخا مرة مرة كانعس مع راجلي ماكايوقع والو انا عاودت ليك هاد الشي باش ماتخلعيش و تمارسي حياتك بشكل عادي الله يسهل ولادتك و تفرحي بالبيبي ديالك ان شاء الله
الطبيب اختي هو اللي عارف هو اللي قاليك ديريه سوليه من مورا راجلك او كتبيها ليه وهو يجاوبك الى حشمتي وراه من مورا الولادة راه ميمكنش المهم الله يسهل امورك
مبروك حبيبة ويارب يحفظك ويحفظ بيبي
اختي انتي قلتي عندك 7 اشهر ونص يعني راكي تعديتي مرحلة الخطر دبا ماكيكونش مشكل فالعلاقة …لكن فالشهور الاولى من الحمل لا الله يكمل علينا على خير
up
من الافضل الابتعاد عن العلاقة حيت فايت ليك نزل منك دم او افرازات ..ربما بعد العلاقة تجيك تقلصات ولادة مبكرة ..من الافضل انك تنتظري ما بقا قد ما فات