كنت حطيت موضوعك كنطلب فيه المساعدة من لبنات بخصوص الشعر بوكلي مشعكك وكيفاش نرتاح من التشعكيكة ونخليه ظ†ط§ط¹ظ… شوية
وصلات لكثر من 100 مشاهدة ولا وحدة جوباتني
المهم ما علينا انا لقيت طريقة زوينة بزاف وساهلة وصحية و رخييييصة وقلت نفيدكم بها
الطريقة :
غادي تجيبي زريعة الكتان من عند العطار وغادي تاخدي غير شوية ممكن نص كاس و تديري عليه الماء و تحطيه يتسلق وغادي تخليه فوق النار حتى يولي بحال الجل عاد تحيديه ومني يبرد شوية غادي تصفيه في قرعة و تزيدي عليه شوية ديال الزيت و تحتفظي بيه في الثلاجة باش مايخسرش
مني كتغسلي شعرك كدهنيه بهاد الجل و كتخليه ينشف كيخرج بوكلي زوين وناعم و ماكيتشعككش
ملاحظات :
الزيت اللي كتضيفيها لازم تكون خفيفة ماشي تقيلة يعني بعدي من زيت الخروع و جليسيرين وأي زيت تقيلة حيت الغرض من اظافة الزيت هو تخفيف الجل باش شعرك يخرج ظ†ط§ط¹ظ… وحريري و مايتفيكساش بزاف حيت هاكا الزغبة كتهرس بسهولة
انا كنضيف غير جوج نقيطات ديال الزيت وكل الوحدة مع الوقت غادي تعرف المقدار ديال الزيت اللي غادي تزيدو على حساب شعرها ، انا بقيت كنجرب حتى استقريت غير على زوج نقيطات
مني دهني شعرك تقدري تختاري الشكل اللي بغيتي يعني ياما ضغطي عليه بايديك من التحت الفوق وهاكا غادي يخرج بوكلي مدرج
ياما تشدي كل خصلة تلويها باش يخرج مموج
وتقدري تعاوني بفيلال ديال باتشا الا بغيتي ، انا ماكنديرهمش حيت زغبة كتفيكسى على الشكل اللي كتختاريه غير بوحدها
كل مرة وجدو غير كمية صغيرة من الجل وخلويها في الثلاجة
وأخيرا ماتنسايش تغسلي الكاسرونة فورا من بعد الانتهاء باش ماتضطريش تلوحيها في الزبل ههههههه والا كنتو معكازات بحالي على الأقل ديروها تحت الروبيني وعامروها بالما بارد
وكنتمنى هاد المرة تجاوبوني والا غادي نحس براسي منبوذة في هاد المنتدى واااااااااع
وأي سؤال انا موجودة
hgpg hgspvd gauv khul ,ll,[ h, lj]v[
عن طريق : samsung – GT-I9515
و شكرا على الموضوع غَ يفيد بزاف د لبنات
المشاركة الأصلية كتبت بواسطة فيزو 
ختي درت زيت الزيتون حيت هو اللي كيليق لشعري