الحلويات اللي صايبت فعيد الفطر

انا يلاه طفات عليا الشمعة اليوما ههههه حتى فات العيد عاد غنزل ليكم الحلوى ط§ظ„ظ„ظٹ طµط§ظٹط¨طھ فالعيد
غيير قبلوا عليا وعلى ماوجد، كنتمنى ينالوا الإعجاب ديالكم ان شاء الله تعالى

نبداو بالمقادير على بركة الله

حلوة الكاوكاو

المقادير

1/4 زبدة
1/2 كاوكاو محمر بقشورو ومطحون
2 كيسان ونصف سكر كلاصي
كاس ونصف زيت
الدقيق حسب الخليط

الطريقة

كنخدم الزبدة مع السكر مزيان ، تنزيد عليهم الزيت ونمزجهم مزيان، عاد تنضيف الكاوكاو ونخلط كلشي مزيان، وفالاخير تنزيد الدقيق بشويا بشوية حتى تيتجمع العجين، ومنكثروش الطحين بزاف باش متجيش قاسحة
من بعد سرحتها مابين 2 ميكات بيضين وسرحتهم بالدلاك وقطعتهم بالشكل ط§ظ„ظ„ظٹ بغيت، ومن بعد ما طيبتهم فالفران ، خليتهم حتى بردو عاد زوقتهم بالشكلا الابيض والاسود

حلوى الكركاع

المقادير

7 بياض البيض
1/4 كركاع مطحون
كاس سنيدة
كاس ونصف سكر كلاصي

الطريقة

كناخد بياض البيض ونطربوا مزيان ونبدا نضيف فالسنيدة بشوية بشوية حتى تنكملها ، وتيتشكل عندر مورينغ
كناخد تقريبا النصف من المورينغ وكنخلطوا مع رابعة الكركاع ط§ظ„ظ„ظٹ طحنت من قبل ونخلطهم مزيان حتى يمتازجوا، ومن جريوهاش بزاف باش متسرحش لينا فالفران، ناخدو الكمية ط§ظ„ظ„ظٹ غتخلط لينا ديك رابعة ديال الكركاع ، ونحتافظوا بيها على جنب
ثم كناخدوا المورينغ ط§ظ„ظ„ظٹ بقات علينا، وكنزيدوها كاس ونصف دالسكر كلاصي، ونطلعوها بالباتور فحمام مريم، حتى توقف الكريما
كناخد البوق وبيديا كنخرج الخليط ديال الكركاع بحال الوريدة صغير بشكل عمودي، ثم بواسطة جيب حلواني كناخد المورينغ ونعمل فوق من الحشوة دالكركاع وريدات صغار بنفس الطريقة ط§ظ„ظ„ظٹ خرجت بيها الحشوة دالكركاع
تم كندخلهم للفران يطيبو على عافية متوسطة الحرارة مع ضرورة مراقبة الفرن باش ميتحرقوش

شاطت ليا كمية من المورانغ ضفت عليها تقريبا رابعة ديال اللوز
بيضة
معلقة دلكونفتير
فاني وخلطتهم مزيان
دخلت الخليط للثلاجة مدة ساعة اقصى حد
عاد جبتها وكورتها بحال الغريبة وطيبتها فالفران، ومن بعد زوقتها بنستلي وشكلاط اسود
جات معلكة ولذييذة

حلوة الكوك

المقادير

خديتها من النت
500غ كوك
6 بياض البيض
فاني
كأسا سكر
عقيق للتزيين

الطريقة

كطربي بياض البيض مزيان مع سنيدة حتى كيولي مورينغ عاد كضيفي عليه كمية الكوك ط§ظ„ظ„ظٹ عندك مع الفاني
كتاخدي جيب الحلواني وكتخرجي الخليط على شكل وردة تم كتزينيها بعقيقة، تم الى الفران تطيب

الصابلي

هاهو الرابط

https://www.anaqamaghribia.com/vb/sho…561&highlight=