شكون اللي فيكم موظفة ومالقاتش اللي يشد ليها ولدها و اضطرت تديه للحضانة ابتداء من 4اشهر يعني من بعد كونجي الولادة ؟؟؟جاوبوني عفاكم
hgpqhkm lk 4 haiv
ختي انا ديت ولدي من 3 اشهر هدا هو حال المرا لي خدامة ما عندناش البديل، الله يصاوب و صافي
شكرا اختي عفاك لما جاوبيني شحال فالشهر شنو كتاخدي للبيبي (رضاعة،كوش…)واش كل نهار و فين مدينة نتي الله يخللي ليك ولدك يا رب
ختي الثمن على حسب كل حضانة و شحال، انا حيت مولات الحضانة كتعرفني دايرة لي 400 درهم و كندي ليه الما ديالو و الحليب و ليكوش و الحوايج ديال لتحت باش الى فزڭهم يلقاو باش يبدلو ليه و منين بدا ياكل كنديليه الماكلة ديالو
انا نفس الشي من 4 شهور دخلت بنتي للحضانة. بالنسبة لي الحضانة فيها التخصص و الامان احسن من المساعدة في الدار. الثمن 600 درهم. اللوازم : في البداية الحليب و الرضاعة ديالو ، الماء و الرضاعة ديالو ، ليكوش و les lingettes ، ميزان الحرارة ، ادوية ديال السخانة و الاسهال ، … مقص الاظافر ،ريحة و الحليب ديال الاطفال تبديلة او 2 كاملة (كل 3 اشهر تبدليها حيت البيبي تيكبر و حسب الفصول)، كرسي للرضع + كاشة+ليزار … هاد الشي اللي تفكرت دابا و الله يوفق
شكرا جزيلا الاخوات فدتوني بزاف الله يسهل عليكم فهاد العواشر
اش درتي ديتيه الحضانة ولفها شوية