الحريرة التقليدية بالتفاصيل وبعض النصائح

نجمعو الكل ونبداو نشحرو مزيان ، كدلك شي عويدات ديال الكرافس منسوهومش

من بعد نزيدو مطيشة مطحونة ونديرو فيها معلقة صغيرة سنيدة ، كتهرس من الحموضة ديالها

نديرو القياس لمولفين عليه ديال الماء سخون ونسدو على الكوكوت ونخلوها تسفر مزيان ، الوقت لكتأكدو منها أنه طاب كلش مزيان ، تقريباً كنخليهة واحد 50 دقيقة

من بعد مني حليت الكوكوت ، خديت داك الطرف ديال اللحم وقسمتو طريفات ورجعتو وإلا كانو العضومة عندكم يا سلام ، ديروهوم

والحاجة لبقات لينا هي ندورو ط§ظ„ط­ط±ظٹط±ط© ، نحتاجو ، بيضة والشعرية والفرينة ، كنديرها في قرعة ديال الجاج مع الماء ونبقى نخض فيها مزيان
في الأول كنرمي الشعرية ونبقى نحرك مزيان ونخليها تغلي شوية عد نزيد خليط الفرينة ونخليه يغلى شوية من بعد كندوق الملح وإلا ناقص ، شخصياً مكنذدش الملح وانما كنزيد يا شوية ديال سمن مشي بزاف حتى يولي عندي غي مدق السمن ، أو كنزيد ضامة البنة ديال الدار من الأحسن ، وكنزيد في الأخير رشة صغيرة ديال قرفة مطحونة ، وفي الأخير عاد نزيد البيضة

واحد المسألة حتى هي كنديرها قبل مندور ط§ظ„ط­ط±ظٹط±ط© كنزيد واحد المعلقة ديال الربيع والكرافس مقطعين كنكون عزلتها من الأول كتعطي مدق زوين بزاف
والحريرة كتبنان بزاف مني كتبات ، مني كنديروهة العشا كنفطرو بها الصباح ، تيكون مداق أكتر من رائع

السلام عليكم ورحمة الله ، لا تنسونا من صالح الدعاء وإن شاء الله تكون عجباتكم الوصفة