الحرشة بخيزو من كوزينتي و المرفقة بالصور

السلام عليـكم و رحمة الله تعالى و بركاته:
اليوم فكرت باش نحط ليكم حرشتي بخيزوو لي كتجي زوينة و بنينة…كنت خديت مقاديرها من واحد المنتدى و بديت كنديرها ديما حيت كتجي زوينة و لديدة بزآاف و ليوم عاد كتاب باني نحطها و هادي اول مشاركة ليـا في منتدى الطبخ و نتمنى منكم تشجعوني …..
بسم الله على بركة الله:

كيلو سميدة رقيقة
زلافة خيزو (جزر)محكوك في حكاكة رقيقة
2 بيضات
2 فاني
2 خمارات
كاس زيت
كاس سنيدة
كاس عصير الليمون
كنطربو البيض و السنيدة مزيان

و كنضيفو عليهم الزيت و الليمون و الفاني

ومن بعد كنضيفو الخيزوو و السميدة و الخمارات نطربوهم مزيان

وكنديروها في مول مدهون بزبدة و مرشوش بسميدة و ندخلها الفران سخون من قبل

ها هي منين خرجات من الفران انا نص دهنتو بكونفتير و نص بشكلاط دايب

و هادا طريف لاول وحدة تجاوبني ونتمنى منكم تشجعوني في امان الله