الحانوت

السلام عليكم
ماعرفتش آشمن عنوان ندير للموضوع موضوعي عن ط§ظ„ط­ط§ظ†ظˆطھ أو البقال أو بوتحانوت المهم الموضوع ديالي هو عن ظاهرة كانتساءل ديما واش مزيانة ولا لا وإلا ماكانتش مزيانة كيف السبيل للقضاء عليها (كانعرف نعبر ياك ؟؟)…هاد الظاهرة هي المشتريات اليومية كل شوية جيبي الخميرة جيبي الخبز جيبي الحليب مع أنني الحمد لله ماشي المسؤولة عن هاد العملية فالدار ولكن كانتساءل من الناحية الاقتصادية واش هاد القضية ماكاضييعش الفلوس يعني بدل ماتقداي كل أسبوع أو كل أسبوعين كاتقداي بشكل شبه يومي ….بغيت الآراء ديالكوم والنظام ديالكوم فشراء المواد الغذائية …اللي كاتقضى من ط§ظ„ط­ط§ظ†ظˆطھ يوميا تقول لينا علاش و اللي ماكاتقضاش تقول لينا كيفاش وعلاش آسباب اتخاذ هاذ القرار.
انتمنى ماتجاهلوش الموضوع ديالي وخا بليد شوية

---

hgphk,j

152 مشاهدة بدون أي تفاعل

وعليكم السلام ورحمة الله وبركاته عواشرك مبروكة أختي الطريقة الحانوت كل مرة الى خاصك الحاجة تجيبيها الى عندك شي حد يتسخر ومعندكش الدروج ومغاديش تعدبي أحسن انا عن نفسي كنت تمشي المحلات التجارية الكبرى نتقدى تنشري على الاقل 1000 درهم ومفيها والو وكل مرة نمشي نحط 300 درهم على والو دابا تنشري كلشي من الحانوت وليت نقتاصد شوية الحمد لله عاد

انا من الناس اللي مكتنقداش من الحانوت الا ما ندر، كنشري شنو خاصني فبداية الشهر الا نسيت شي حاجة مهمة عاد نجيبها. علاش؟ لانني محددة ميزانية كنخرجها فبداية الشهر للتقدية، و الا كنتي مولفا كتشري فبداية الشهر نادرا ما تحتاجي شي حاجة معندكش مع النظام و اللائحة عند المشتريات، و الباقي من الميزانية كنقسمها على الاسابيع للخضر و الفواكه الا بقيت كل مرة خاصني نجيب من الحانوت انبقى نصرّف الفلوس و هاكدا كطير مكتبقاش + خاصني كل مرة نمشي نتصخر و انا كنكره هاد القضية

انا عن راسي كناخد كلشي لخاصني من سوبر مارشي فالبدية دالشهر كنخد كلشي لغادي ادي ليا الشهر من الزبدة الزيت الخميرة حبوب حيت لالخرى كتخسر حت من les biscuits ls jus yagourt مهم كناخد كلشي كبقى غير الحليب كجبو ليا كل نهار راجلي الله اخليه ليا من كجي من الخدمة

انا كانبقى ندير الشغل واي حاجة ناقصة كانسجلها في مذكرة الكوزينة ونطلع لفوق لبيوت النعاس ونفس للشي حتى ليوم الخميس من كل اسبوع فاش نخرج نشري اللي خاصني بالكثرة بحال مثلا خاصاني بريكة باش نشعل البوطة كانجيب 4 نحط 3 في بيت لخزين وحدة فالكووينة جافيل نجيب 4 بيدوات ديال 5 ليتر وكل شي نجيب منو اللي يديني فوق شهرين واكثر ومرات كانقلب المذكرة مانلقى خاصني والو

والحانوت ناادر فاش نجيب منو شي حاجة

كضيع الفلوس و بزايد ههههه
حتى انا فالاول كنت كنشري غير داكشي صغير و كان يتقدا لي دغيا و ملي نمشي نتقدا ديما نسيا شي حاجة
دبى و ليت نتقدا داكشي لكبير ليدوز لي 4 اشهر بحال مثلا مواد تنظيف المطبخ و الحمامات و مواد تصبين ورق الحمام و المطبخ الخميرة الزيت السكر الطحين اي حاجة كنستعملها بشكل يومي
و كيبقى لي غير الخضرة فواكه الحليب دانون البيض هي لي كنجيب اسبوعيا و بهاد الطريقة ما بقيتش كنسى ههههههههه